Aira a Jehova matiĩkaga ũguo tondũ gũthathaiya Ngai nĩ itua rĩa mũndũ kĩũmbe. (Aroma 14:12) Aira a Jehova nĩ marutaga ciana ciao motaaro ma Bibilia, no cianeneha nĩcio ciĩthuuragĩra kana nĩ cikwenda gũtuĩka Aira a Jehova.—Aroma 12:2; Agalatia 6:5.

 O ta aciari arĩa angĩ, aciari Aira a Jehova mendaga ciana ciao ikorũo na ũtũũro ũrĩ na gĩkeno. Marutaga ciana ciao maũndũ marĩa mangĩciteithia, magacionia kũruta wĩra, magaciruta gũkorũo na mĩtugo mĩega, na magaciruta ũhoro wĩgiĩ wĩtĩkio. Aira a Jehova metĩkĩtie atĩ Bibilia nĩ ĩteithagia andũ gũkorũo na ũtũũro mwega na kwoguo nĩ merutanagĩria kũruta ciana ciao kũhũthĩra morutani mayo na njĩra ya gũciruta Bibilia na gũkorũo hamwe nacio hĩndĩ ĩrĩa macemanĩtie nĩ ũndũ wa ũthathaiya. (Gũcokerithia Maathani 6:6, 7) Thutha-inĩ mwana aneneha no etuĩre itua kana nĩ ekwenda gũtuĩka Mũira wa Jehova ta aciari ake.

•  Hihi Aira a Jehova nĩ mabatithagia tũkenge?

•  Hihi Aira a Jehova nĩ matiganagĩria ciana ciao cingĩrega kũbatithio?

•  Aira a Jehova mathiaga hamwe na ciana ciao kũhunjia nĩkĩ?

•  Hihi Aira a Jehova nĩ manyitanagĩra ikũngũĩro-inĩ itiganĩte?

•  Andũ arĩa maarerirũo nĩ aciari Aira a Jehova maiguaga atĩa?

 Aca. Bibilia ndĩnyitaga mbaru ũhoro wĩgiĩ kũbatithia tũkenge. Kwa ngerekano, Bibilia yonanagia atĩ Akristiano a tene matanabatithio maambire kũigua ũhoro mwega, ‘makĩwĩtĩkĩra meyendeire,’ na makĩĩrira. (Atũmwo 2:14, 22, 38, 41) Ũndũ ũcio ũronania atĩ nĩgetha mũndũ abatithio agĩrĩirũo gũkorũo arĩ mũndũ ũrahota gũtaũkĩrũo nĩ maũndũ marĩa Bibilia ĩrutanaga, akametĩkia, na agatua itua rĩa gũtũũra kũringana na morutani macio. Hatarĩ nganja, gakenge gatingĩhota gwĩka maũndũ macio.

 O ũrĩa mwana araneneha no ahote gũtua itua rĩa kũbatithio. No nĩgetha abatithio nĩ agĩrĩirũo gũkorũo akĩmenya maũndũ marĩa arĩrĩgagĩrĩrũo ahingie thutha wa kũbatithio.

 Aca. O na gũtuĩka mũciari no aigue ũũru mwana wake angĩrega gũkorũo arĩ Mũira wa Jehova, no athiaga na mbere kũmwenda na ndangĩmũmena nĩ ũndũ tu wa gũkorũo atĩ ti Mũira wa Jehova.

 Tũthiaga hamwe na ciana citũ kũhunjia nĩ ũndũ wa itũmi cigana ũna. a

•   Bibilia yonanagia atĩ aciari nĩ magĩrĩirũo kũruta ciana ciao maũndũ ma kĩĩroho, na macirute gũthathaiya Ngai. (Aefeso 6:4) Gũthiĩ kũhunjia hamwe na ciana nĩ ũndũ wa bata harĩ gũciruta ũhoro wa Ngai, tondũ ũthathaiya ũhutĩtie nginya kwĩra andũ arĩa angĩ maũndũ marĩa wĩtĩkĩtie.—Aroma 10:9, 10; Ahibirania 13:15.

•   Bibilia yugaga atĩ andũ ethĩ “nĩmagooce rĩĩtwa rĩa Mwathani.” (Thaburi 148:12, 13, The Holy Bible in Gĩkũyũ Language) Njĩra ĩmwe ya bata mangĩka ũguo nayo nĩ kwĩra andũ arĩa angĩ ũhoro wĩgiĩ Ngai. b

•   Ciana nĩ igunĩkaga rĩrĩa ciathiĩ kũhunjia hamwe na aciari a cio. Kwa ngerekano, nĩ ciĩrutaga kwaranĩria na andũ a mĩthemba yothe, ikeruta kũiguanĩra tha, kuonania ũtugi, gĩtĩo, na kwaga mwĩyendo. Kũhunjia ningĩ nĩ gũteithagia ciana gũtaũkĩrũo wega nĩ Bibilia na kwoguo igakorũo na mũthingi mwega wa maũndũ marĩa ciĩtĩkĩtie.

 Aira a Jehova matinyitanagĩra ikũngũĩro-inĩ cia kĩndini kana ikũngũĩro ingĩ iria itakenagia Ngai. c (2 Akorintho 6:14-17; Aefeso 5:10) Kwa ngerekano, tũtikũngũyagĩra birthday kana Krismasi tondũ ikũngũĩro icio itiumanĩte na Bibilia.

O na kũrĩ ũguo, nĩ tũkenagĩra kũhũthĩra mahinda hamwe na famĩlĩ citũ na kũhe ciana citũ iheo. Handũ ha gũcemania na andũ a famĩlĩ na kũheana iheo o mahinda-inĩ mamwe tu harĩ mwaka, tũgeragia gwĩka ũguo mahinda-inĩ matiganĩte harĩ mwaka.