Ĩĩ. Kũrĩa guothe tũikaraga, ithuothe nĩ tũgeragia gũkorũo na roho wa ũmishonarĩ, tũkahunjĩria andũ arĩa othe tũcemanagia nao ũhoro wa wĩtĩkio witũ.—Mathayo 28:19, 20.

 Makĩria ma ũguo, Aira a Jehova amwe nĩ maceeragĩra kana magathaamĩra icigo irĩ bũrũri-inĩ wao kũrĩa andũ aingĩ marabatara kũigua ũhoro mwega kuuma Bibilia-inĩ. Aira a Jehova angĩ nĩ mathamagĩra mabũrũri mangĩ nĩguo makorũo na itemi inene makĩria wĩra-inĩ wa kũhunjia. Nĩ makenagĩra kũnyita itemi harĩ kũhingia ũrathi ũyũ wa Jesu: “Nĩ mũgaatuĩka aira akwa . . . o nginya ituri ciothe cia thĩ.”—Atũmwo 1:8.

 Kũrĩ mwaka wa 1943, nĩ twambĩrĩirie cukuru ya kũmenyeria amwe a amishonarĩ aitũ. Kuuma hĩndĩ ĩyo, Aira a Jehova makĩria ma 8,000 nĩ mathomithĩtio thĩinĩ wa cukuru ĩyo, ĩrĩa ĩtagwo Cukuru ya Bibilia ya Gileadi.