Mũthuri wĩtagwo Bob aatwarithagia ngaari yake na thibindi ya kilomita 100 harĩ ithaa mũthenya kwarĩ na heho na rũhuho rũnene gĩcigo-inĩ kĩa Alberta, Canada, rĩrĩa kũgũrũ kũmwe gwa thutha kwa ngaari yake gwatũrĩkire o rĩmwe. Kĩambĩrĩria-inĩ Bob ndamenyete ũrĩa gwathiĩte, na agĩtua itua rĩa gũthiĩ na mbere gũtwarithia ngaari yake kilomita ithano iria ciatigarĩte nĩguo akinye gwake mũciĩ.

 Marũa-inĩ marĩa aatũmire Nyũmba-inĩ ya Ũthamaki ya Aira a Jehova ya kũu, Bob nĩ aataarĩirie ũrĩa gwacokire gwĩkĩka. Aandĩkire ũũ: “Anake atatũ na airĩtu erĩ nĩ maanginyĩrire marĩ ngaari-inĩ na magĩikũrũkia gĩcicio kĩa ngaari yao. Makĩnjĩra atĩ kũgũrũ kũmwe kwa ngaari yakwa nĩ gwatũrĩkĩte. Tũkĩrũgama na makĩĩrutĩra gũcenjia kũgũrũ kũu. O na ndiamenyaga kana ndarĩ na kũgũrũ kũngĩ gwa gũcenjia kana jack ya kuoya ngaari. Ngĩikarĩra gakaari gakwa ga gũtindĩkwo mwena-inĩ wa bara, nao magĩthiĩ rungu rwa ngaari na makĩona kũgũrũ kũngĩ gwa gũcenjia na jack, na magĩgũcenjia. Kwarĩ na heho mũno na mbarabu nĩ yaitĩkaga. Meehumbĩte wega, no nĩ maarutire wĩra ũcio na ngĩhota gũthiĩ na mbere na rũgendo rwakwa. Ndingĩahotire kũruta wĩra ũcio ndĩ nyiki.

 “Nĩ ndĩracokia ngatho kũrĩ Aira a Jehova acio atano maandeithirie. Maarĩ gĩcigo-inĩ kĩu makĩhunjia mĩciĩ-inĩ ya andũ. Hatarĩ nganja andũ acio ethĩ nĩ mekaga ũrĩa mahunjagia. Korũo matiandeithirie, ũndũ ũcio nĩ ũngĩanditũhĩire mũno, na nĩ ndĩracokia ngatho mũno. Ndonire ta andũ acio ethĩ maatũmĩtwo nĩ Ngai makorũo barabara-inĩ mũthenya ũcio.”