Maũndũ ma Matukũ ma Tene wa Mbere 20:1-8
20 Na rĩrĩ, kĩambĩrĩria-inĩ kĩa mwaka, ihinda-inĩ rĩrĩa athamaki mathiaga mbaara-inĩ, Joabu+ agĩtongoria mbũtũ mbaara-inĩ na akĩananga bũrũri wa Aamoni; agĩthiĩ na akĩrigicĩria itũũra rĩa Raba,+ no we Daudi agĩtigwo Jerusalemu.+ Joabu agĩgĩtharĩkĩra itũũra rĩa Raba na akĩrĩmomora.+
2 Nake Daudi akĩoya thũmbĩ ya Malikamu kuuma mũtwe-inĩ wayo, akĩona atĩ yarĩ na ũritũ wa taranda* ĩmwe ya thahabu, na yarĩ na tũhiga twa goro thĩinĩ; na ĩkĩigĩrĩrũo mũtwe-inĩ wa Daudi. Ningĩ akĩoya indo nyingĩ mũno cia gũtahwo kuuma itũũra-inĩ rĩu.+
3 Na agĩkuua andũ arĩa maarĩ itũũra-inĩ rĩu na akĩmaiga marutage wĩra+ wa kũrenga mahiga, na marutage wĩra na indo njũgĩ cia kĩgera na mathanwa. Ũguo nĩguo Daudi eekire matũũra mothe ma Aamoni. Thutha ũcio Daudi na thigari ciothe magĩcoka Jerusalemu.
4 Thutha wa maũndũ macio, gũkiumĩra mbaara rĩngĩ na Afilisti itũũra-inĩ rĩa Gezeri. Hĩndĩ ĩyo Sibekai+ Mũhushathi akĩũraga Sipai, ũrĩa warĩ wa rũciaro rwa Arefai,+ na magĩtoorio.
5 Na o rĩngĩ gũkĩgĩa mbaara na Afilisti, na Elihanani mũrũ wa Jairu akĩũraga Lahami mũrũ wa ithe na Goliathu+ Mũgiiti, ũrĩa itimũ rĩake rĩarĩ na mũtĩ wahaanaga ta mũtĩ wa atumi a nguo.+
6 Gũkiumĩra mbaara o rĩngĩ thĩinĩ wa Gathu,+ na kwarĩ na mũndũ warĩ na ũnene ũtarĩ wa ndũire,+ aarĩ na ciara 6 o guoko na ciara 6 o kũgũrũ, ciothe ciarĩ ciara 24; na o nake aarĩ wa rũciaro rwa Arefai.+
7 Agĩikara akĩnyũrũragia+ Isiraeli. Nĩ ũndũ ũcio Jonathani mũrũ wa Shimea,+ mũrũ wa nyina na Daudi akĩmũũraga.
8 Acio maarĩ njiarũa cia Arefai+ kũu Gathu,+ na makĩgwa kũgerera guoko kwa Daudi na kũgerera guoko kwa ndungata ciake.
Tũũhoro twa magũrũ-inĩ
^ Kilo ta 34.2. Rora Ũhoro Muongerere B14.