Maũndũ ma Matukũ ma Tene wa Mbere 24:1-31
24 Na rĩrĩ, ici nĩcio ciarĩ ikundi cia njiarũa cia Haruni: Ariũ a Haruni maarĩ Nadabu, Abihu,+ Eliazaru, na Ithamaru.+
2 O na kũrĩ ũguo, Nadabu na Abihu maakuire mbere ya baba wao,+ na matiarĩ na ariũ; no Eliazaru+ na Ithamaru magĩthiĩ na mbere gũtungata marĩ athĩnjĩri-Ngai.
3 Daudi, hamwe na Zadoku+ kuuma harĩ ariũ a Eliazaru na Ahimeleku kuuma harĩ ariũ a Ithamaru, makĩmagayania ikundi nĩ ũndũ wa ũtungata wao ũrĩa maaheetwo.
4 Na tondũ ariũ a Eliazaru maarĩ na atongoria aingĩ gũkĩra arĩa ariũ a Ithamaru maarĩ nao-rĩ, ũũ nĩguo maamagayanirie: Ariũ a Eliazaru maarĩ na atongoria 16 a nyũmba cia maithe mao, nao ariũ a Ithamaru maarĩ na atongoria 8 a nyũmba cia maithe mao.
5 Ningĩ makĩmagayania na njĩra ya gũcuka mĩtĩ,+ gĩkundi kĩmwe hamwe na kĩrĩa kĩngĩ, nĩ gũkorũo kwarĩ na anene a harĩa hatheru na anene a Ngai ũrĩa wa ma kuuma harĩ ariũ a Eliazaru na ariũ a Ithamaru.
6 Thutha ũcio Shemaia mũrũ wa Nethaneli mwandĩki wa Alawii akĩandĩka marĩĩtwa mao arĩ mbere ya mũthamaki, anene, Zadoku+ mũthĩnjĩri-Ngai, Ahimeleku+ mũrũ wa Abiatharu,+ na atongoria a nyũmba cia maithe ma athĩnjĩri-Ngai na ma Alawii, nyũmba ĩmwe ya maithe mao ĩthuurĩtwo kuuma harĩ Eliazaru na ĩmwe ĩthuurĩtwo kuuma harĩ Ithamaru.
7 Mũtĩ wa mbere ũkĩgwĩra Jehoiaribu; wa kerĩ ũkĩgwĩra Jedaia,
8 wa gatatũ ũkĩgwĩra Harimu, wa kana ũkĩgwĩra Seorimu,
9 wa gatano ũkĩgwĩra Malikija, wa gatandatũ ũkĩgwĩra Mijamini,
10 wa mũgwanja ũkĩgwĩra Hakozu, wa kanana ũkĩgwĩra Abija,+
11 wa kenda ũkĩgwĩra Jeshua, wa ikũmi ũkĩgwĩra Shekania,
12 wa 11 ũkĩgwĩra Eliashibu, wa 12 ũkĩgwĩra Jakimu,
13 wa 13 ũkĩgwĩra Hupa, wa 14 ũkĩgwĩra Jeshebeabu,
14 wa 15 ũkĩgwĩra Biliga, wa 16 ũkĩgwĩra Imeri,
15 wa 17 ũkĩgwĩra Heziri, wa 18 ũkĩgwĩra Hapizezu,
16 wa 19 ũkĩgwĩra Pethahia, wa 20 ũkĩgwĩra Jehezekeli,
17 wa 21 ũkĩgwĩra Jakini, wa 22 ũkĩgwĩra Gamuli,
18 wa 23 ũkĩgwĩra Delaia, wa 24 ũkĩgwĩra Maazia.
19 Ũguo nĩguo maabangĩtwo nĩ ũndũ wa ũtungata wao+ magĩtonya nyũmba-inĩ ya Jehova kũringana na mũtaratara ũrĩa waigĩtwo nĩ Haruni ithe wao wa tene, o ta ũrĩa Jehova Ngai wa Isiraeli aamwathĩte.
20 Nao Alawii acio angĩ maarĩ: kuuma harĩ ariũ a Amuramu,+ haarĩ na Shubaeli;+ kuuma harĩ ariũ a Shubaeli, Jehedeia;
21 kuuma harĩ Rehabia:+ kuuma harĩ ariũ a Rehabia, Ishia ũrĩa warĩ mũtongoria;
22 kuuma harĩ Aiziharu, Shelomothu;+ kuuma harĩ ariũ a Shelomothu, Jahathu;
23 na kuuma harĩ ariũ a Hebironi, Jeria+ ũrĩa warĩ mũtongoria, wa kerĩ aarĩ Amaria, wa gatatũ aarĩ Jahazieli, wa kana aarĩ Jekameamu;
24 kuuma harĩ ariũ a Uzieli, Mika; kuuma harĩ ariũ a Mika, Shamiru.
25 Mũrũ wa ithe na Mika aarĩ Ishia; kuuma harĩ ariũ a Ishia, Zekaria.
26 Ariũ a Merari+ maarĩ Mahili na Mushi; kuuma harĩ ariũ a Jaazia, Beno.
27 Ariũ a Merari: kuuma harĩ Jaazia, Beno, Shohamu, Zakuri, na Ibiri;
28 kuuma harĩ Mahili, Eliazaru, ũrĩa ũtaarĩ na ariũ;+
29 kuuma harĩ Kishu: ariũ a Kishu, Jerameeli;
30 na ariũ a Mushi maarĩ Mahili, Ederi, na Jerimothu.
Acio nĩo maarĩ ariũ a Lawii kũringana na nyũmba cia maithe mao.
31 Na o nao magĩcuka mĩtĩ+ o ta ũrĩa ariũ a ithe wao ariũ a Haruni meekire marĩ mbere ya Mũthamaki Daudi, Zadoku, Ahimeleku, na atongoria a nyũmba cia maithe ma athĩnjĩri-Ngai na ma Alawii. Ha ũhoro wĩgiĩ nyũmba cia maithe mao-rĩ, ũrĩa warĩ mũtongoria aatariĩ o ta mũrũ wa ithe ũrĩa mũnyinyi.
