Maũndũ ma Matukũ ma Tene wa Mbere 25:1-31
-
Aini a nyũmba ya Ngai (1-31)
25 Ningĩ, Daudi marĩ hamwe na anene a ikundi cia ũtungata makĩamũrania ariũ amwe a Asafu, Hemani, na Jeduthuni+ matungatage na njĩra ya kũratha marĩ na inanda cia mũgeeto, inanda cia ndigi,+ na thani iria ihũũrithanagio.+ Aya nĩo arũme arĩa maaheirũo ũtungata ũcio,
2 kuuma harĩ ariũ a Asafu: Zakuri, Jusufu, Nethania, na Asharela, ariũ a Asafu rungu rwa ũtongoria wa Asafu, ũrĩa warathaga maũndũ rungu rwa ũtongoria wa mũthamaki.
3 Kuuma harĩ Jeduthuni,+ ariũ a Jeduthuni: Gedalia, Zeri, Jeshaia, Shimei, Hashabia, na Matithia,+ maarĩ atandatũ, rungu rwa ũtongoria wa ithe wao Jeduthuni, ũrĩa warathaga maũndũ arĩ na kĩnanda kĩa mũgeeto, agĩcokagĩria Jehova ngatho na kũmũgooca.+
4 Kuuma harĩ Hemani,+ ariũ a Hemani: Bukia, Matania, Uzieli, Shebueli, Jerimothu, Hanania, Hanani, Eliatha, Gidaliti, Romamuti-ezeri, Joshibekasha, Malothi, Hothiru, na Mahaziothu.
5 Acio othe maarĩ ariũ a Hemani, ũrĩa warĩ muoni cioneki wa mũthamaki maũndũ-inĩ makonainie na Ngai ũrĩa wa ma harĩ kũmũgoocithia;* nĩ ũndũ ũcio Ngai ũrĩa wa ma aaheire Hemani ariũ 14 na airĩtu 3.
6 Acio othe maarĩ rungu rwa ũtongoria wa ithe wao harĩ kũina nyũmba-inĩ ya Jehova, marĩ na thani iria ihũũrithanagio, inanda cia ndigi, na inanda cia mũgeeto+ ũtungata-inĩ wa nyũmba ya Ngai ũrĩa wa ma.
Arĩa maarĩ rungu rwa ũtongoria wa mũthamaki maarĩ Asafu, Jeduthuni, na Hemani.
7 Mũigana wao o hamwe na ariũ a ithe wao arĩa maamenyeretio kũinĩra Jehova, arĩa othe maarĩ njorua, warĩ 288.
8 Magĩgĩcuka mĩtĩ+ nĩ ũndũ wa mawĩra mao, ũrĩa mũnini o ũndũ ũmwe na ũrĩa mũnene, ũrĩa warĩ njorua o hamwe na ũrĩa werutaga.
9 Mũtĩ wa mbere wagwĩrĩire Asafu nĩ ũndũ wa Jusufu,+ wa kerĩ ũkĩgwĩra Gedalia+ (we o hamwe na ariũ a ithe na ariũ ake maarĩ 12);
10 wa gatatũ ũkĩgwĩra Zakuri,+ ariũ ake na ariũ a ithe, andũ 12;
11 wa kana ũkĩgwĩra Iziri, ariũ ake na ariũ a ithe, andũ 12;
12 wa gatano ũkĩgwĩra Nethania,+ ariũ ake na ariũ a ithe, andũ 12;
13 wa gatandatũ ũkĩgwĩra Bukia, ariũ ake na ariũ a ithe, andũ 12;
14 wa mũgwanja ũkĩgwĩra Jesharela, ariũ ake na ariũ a ithe, andũ 12;
15 wa kanana ũkĩgwĩra Jeshaia, ariũ ake na ariũ a ithe, andũ 12;
16 wa kenda ũkĩgwĩra Matania, ariũ ake na ariũ a ithe, andũ 12;
17 wa ikũmi ũkĩgwĩra Shimei, ariũ ake na ariũ a ithe, andũ 12;
18 wa 11 ũkĩgwĩra Azareli, ariũ ake na ariũ a ithe, andũ 12;
19 wa 12 ũkĩgwĩra Hashabia, ariũ ake na ariũ a ithe, andũ 12;
20 wa 13 ũkĩgwĩra Shubaeli,+ ariũ ake na ariũ a ithe, andũ 12;
21 wa 14 ũkĩgwĩra Matithia, ariũ ake na ariũ a ithe, andũ 12;
22 wa 15 ũkĩgwĩra Jeremothu, ariũ ake na ariũ a ithe, andũ 12;
23 wa 16 ũkĩgwĩra Hanania, ariũ ake na ariũ a ithe, andũ 12;
24 wa 17 ũkĩgwĩra Joshibekasha, ariũ ake na ariũ a ithe, andũ 12;
25 wa 18 ũkĩgwĩra Hanani, ariũ ake na ariũ a ithe, andũ 12;
26 wa 19 ũkĩgwĩra Malothi, ariũ ake na ariũ a ithe, andũ 12;
27 wa 20 ũkĩgwĩra Eliatha, ariũ ake na ariũ a ithe, andũ 12;
28 wa 21 ũkĩgwĩra Hothiru, ariũ ake na ariũ a ithe, andũ 12;
29 wa 22 ũkĩgwĩra Gidaliti,+ ariũ ake na ariũ a ithe, andũ 12;
30 wa 23 ũkĩgwĩra Mahaziothu,+ ariũ ake na ariũ a ithe, andũ 12;
31 wa 24 ũkĩgwĩra Romamuti-ezeri,+ ariũ ake na ariũ a ithe, andũ 12.
Tũũhoro twa magũrũ-inĩ
^ Ũkk., “kuoya coro wake na igũrũ.”
