Maũndũ ma Matukũ ma Tene wa Mbere 26:1-32
26 Ici nĩcio ciarĩ ikundi cia arangĩri:+ kuuma harĩ Akora, Meshelemia+ mũrũ wa Kore wa kuuma harĩ ariũ a Asafu.
2 Na Meshelemia aarĩ na ariũ aya: wa irigithathi aarĩ Zekaria, wa kerĩ aarĩ Jediaeli, wa gatatũ aarĩ Zebadia, wa kana aarĩ Jathinieli,
3 wa gatano aarĩ Elamu, wa gatandatũ aarĩ Jehohanani, wa mũgwanja aarĩ Elieho-enai.
4 Na Obedi-edomu aarĩ na ariũ aya: wa irigithathi aarĩ Shemaia, wa kerĩ aarĩ Jehozabadu, wa gatatũ aarĩ Joa, wa kana aarĩ Sakaru, wa gatano aarĩ Nethaneli,
5 wa gatandatũ aarĩ Amieli, wa mũgwanja aarĩ Isakaru, na wa kanana aarĩ Peulethai; nĩ gũkorũo Ngai nĩ aamũrathimĩte.
6 Na mũrũwe Shemaia nĩ aaciarĩirũo ariũ arĩa maarĩ atongoria a nyũmba cia maithe mao, nĩ gũkorũo maarĩ arũme marĩ hinya na ũhoti.
7 Ariũ a Shemaia: Othini, Refaeli, Obedi, na Elizabadu; na ariũ a ithe Elihu na Semakia o nao maarĩ arũme marĩ na ũhoti.
8 Acio othe maarĩ a ariũ a Obedi-edomu; marĩ hamwe na ariũ ao na ariũ a ithe wao, maarĩ arũme marĩ na ũhoti na agĩrĩru nĩ ũndũ wa ũtungata, andũ 62 arĩa mooimanĩte na Obedi-edomu.
9 Na Meshelemia+ nĩ aarĩ na ariũ ake na ariũ a ithe, arũme 18 marĩ na ũhoti.
10 Na Hosa wa kuuma harĩ ariũ a Merari nĩ aarĩ na ariũ. Shimuri nĩwe warĩ mũtongoria, nĩ gũkorũo o na gũtuĩka tiwe warĩ wa irigithathi, ithe nĩ aamũthuurire atuĩke mũtongoria,
11 na wa kerĩ aarĩ Hilikia, wa gatatũ aarĩ Tebalia, wa kana aarĩ Zekaria. Ariũ a Hosa na ariũ a ithe othe maarĩ 13.
12 Harĩ ikundi icio cia arangĩri, atongoria acio maarĩ na mawĩra o ta ariũ a ithe wao, ma gũtungata nyũmba-inĩ ya Jehova.
13 Nĩ ũndũ ũcio magĩcuka mĩtĩ,+ ũrĩa mũnene o ũndũ ũmwe na ũrĩa mũnini kũringana na nyũmba cia maithe mao, nĩ ũndũ wa ihingo itiganĩte.
14 Naguo mũtĩ wa mwena wa irathĩro ũkĩgwĩra Shelemia. Magĩcuka mĩtĩ nĩ ũndũ wa mũrũwe Zekaria, ũrĩa warĩ mũtaarani mũũgĩ, na akĩgwĩrũo nĩ mũtĩ wa mwena wa rũgongo.
15 Obedi-edomu akĩgwĩrũo nĩ mũtĩ wa mwena wa mũhuro, na ariũ ake+ makĩgaĩrũo thitoo.
16 Shupimu na Hosa+ maagwĩrĩirũo nĩ mũtĩ wa mwena wa ithũĩro, hakuhĩ na Kĩhingo gĩa Shalekethu mũkĩra wa barabara nene ĩrĩa yambatĩte, gĩkundi gĩa kũrangĩra gĩkarigania na gĩkundi kĩngĩ gĩa kũrangĩra;
17 kwarĩ na Alawii atandatũ mwena wa irathĩro; mwena wa rũgongo arangĩri ana o mũthenya, na mwena wa mũhuro arangĩri ana o mũthenya; na arangĩri erĩ erĩ a thitoo;+
18 nĩ ũndũ wa gĩthaku mwena wa ithũĩro, kwarĩ na arangĩri ana barabara-inĩ ĩyo nene+ na erĩ gĩthaku-inĩ kĩu.
19 Icio nĩcio ciarĩ ikundi cia arangĩri kuuma harĩ ariũ a Akora na a Amerari.
20 Ha ũhoro wĩgiĩ Alawii, Ahija nĩwe warũgamagĩrĩra igĩna cia nyũmba ya Ngai ũrĩa wa ma na igĩna cia indo iria nyamũre.+
21 Ariũ a Ladani: ariũ a Mũgerishoni ũrĩa woimanĩte na Ladani, atongoria a nyũmba cia maithe mao arĩa mooimanĩte na Ladani Mũgerishoni, Jehieli+
22 na ariũ a Jehieli, Zethamu na mũrũ wa ithe Joeli. Maarũgamagĩrĩra igĩna cia nyũmba ya Jehova.+
23 Kuuma harĩ Aamuramu, Aiziharu, Ahebironi, na Auzieli,+
24 Shebueli mũrũ wa Gerishomu mũrũ wa Musa aarĩ mũtongoria wa kũrũgamĩrĩra thitoo.
25 Ha ũhoro wĩgiĩ ariũ a ithe, kuuma harĩ Eliezeri,+ kwarĩ na mũrũwe Rehabia,+ mũrũwe Jeshaia, mũrũwe Joramu, mũrũwe Zikiri, na mũrũwe Shelomothu.
26 Shelomothu ũcio hamwe na ariũ a ithe, maarũgamagĩrĩra igĩna ciothe cia indo iria nyamũre,+ iria ciaamũrirũo nĩ Mũthamaki Daudi,+ atongoria a nyũmba cia maithe mao,+ anene a andũ ngiri na a andũ igana, na anene a mbũtũ.
27 Maamũrire indo cia kuuma mbaara-inĩ+ na kuuma harĩ indo cia gũtahwo,+ nĩguo nyũmba ya Jehova ĩmenyererũo;
28 hamwe na kĩrĩa gĩothe Samueli muoni maũndũ,+ Saulu mũrũ wa Kishu, Abineri+ mũrũ wa Neri, na Joabu+ mũrũ wa Zeruia+ maamũrire. Kĩrĩa gĩothe mũndũ o wothe aamũrire kĩaigirũo rungu rwa ũmenyereri wa Shelomithu na ariũ a ithe.
29 Kuuma harĩ Aiziharu,+ Kenania na ariũ ake makĩgaĩrũo wĩra ũngĩ ũtaakonainie na mawĩra macio, magĩtuwo anene na atuanĩri ciira+ a Isiraeli.
30 Kuuma harĩ Ahebironi,+ Hashabia na ariũ a ithe, arũme 1,700 marĩ na ũhoti, nĩo maarũgamagĩrĩra Isiraeli gĩcigo-inĩ kĩrĩa kĩarĩ mwena wa ithũĩro wa Jorodani nĩ ũndũ wa wĩra wothe wa Jehova na nĩ ũndũ wa ũtungata wa mũthamaki.
31 Kuuma harĩ Ahebironi, Jerija+ nĩwe warĩ mũtongoria wa Ahebironi kũringana na rũciaro rwa nyũmba cia maithe mao. Mwaka-inĩ wa 40 wa ũthamaki wa Daudi,+ nĩ maathuthuririo, na gũkĩoneka arũme marĩ hinya na ũhoti gatagatĩ-inĩ kao thĩinĩ wa Jazeru+ kũu Gileadi.
32 Na ariũ a ithe maarĩ arũme 2,700 marĩ na ũhoti, atongoria a nyũmba cia maithe mao. Nĩ ũndũ ũcio Mũthamaki Daudi akĩmaiga marũgamagĩrĩre Arubeni, Agadi, na nuthu ya mũhĩrĩga wa Amanase, nĩ ũndũ wa ũhoro o wothe ũkonainie na Ngai ũrĩa wa ma na ũhoro ũkonainie na mũthamaki.
