Maũndũ ma Matukũ ma Tene wa Mbere 27:1-34
-
Anene ũtungata-inĩ wa mũthamaki (1-34)
27 Ũyũ nĩguo mũigana wa Aisiraeli, atongoria a nyũmba cia maithe mao, anene a andũ ngiri na a andũ igana,+ na atongoria ao arĩa maatungatagĩra mũthamaki+ maũndũ-inĩ mothe megiĩ ikundi iria cioimagaraga na ikahũndũka o mweri o mweri mĩeri-inĩ yothe ya mwaka; o gĩkundi kĩarĩ na andũ 24,000.
2 Ũrĩa warũgamagĩrĩra gĩkundi kĩa mbere kĩa mweri wa mbere aarĩ Jashobeamu+ mũrũ wa Zabedieli, na gĩkundi gĩake kĩarĩ na andũ 24,000.
3 Harĩ ariũ a Perezu,+ nĩwe warĩ mũtongoria wa anene othe a ikundi iria ciagaĩirũo gũtungata mweri wa mbere.
4 Ũrĩa warũgamagĩrĩra gĩkundi kĩa mweri wa kerĩ aarĩ Dodai+ Mũahohi,+ na Mikilothu nĩwe warĩ mũtongoria, na gĩkundi gĩake kĩarĩ na andũ 24,000.
5 Mũnene wa gĩkundi gĩa gatatũ kĩrĩa kĩagaĩirũo gũtungata mweri-inĩ wa gatatũ aarĩ Benaia+ mũrũ wa Jehoiada+ mũnene wa athĩnjĩri-Ngai, na gĩkundi gĩake kĩarĩ na andũ 24,000.
6 Benaia ũcio aarĩ njamba ya ita yarĩ hinya gatagatĩ-inĩ ka njamba iria mĩrongo ĩtatũ na nĩwe watongoragia njamba icio mĩrongo ĩtatũ, na gĩkundi gĩake kĩarũgamagĩrĩrũo nĩ mũrũwe Amizabadi.
7 Wa kana nĩ ũndũ wa mweri wa kana aarĩ Asaheli,+ mũrũ wa nyina na Joabu,+ na thutha wake mũrũwe Zebadia, na gĩkundi gĩake kĩarĩ na andũ 24,000.
8 Mũnene wa gatano nĩ ũndũ wa mweri wa gatano aarĩ Shamuhuthu Mũizirahia, na gĩkundi gĩake kĩarĩ na andũ 24,000.
9 Wa gatandatũ nĩ ũndũ wa mweri wa gatandatũ aarĩ Ira+ mũrũ wa Ikeshu Mũtekoa,+ na gĩkundi gĩake kĩarĩ na andũ 24,000.
10 Wa mũgwanja nĩ ũndũ wa mweri wa mũgwanja aarĩ Helezu+ Mũpeloni wa Aefiraimu, na gĩkundi gĩake kĩarĩ na andũ 24,000.
11 Wa kanana nĩ ũndũ wa mweri wa kanana aarĩ Sibekai+ Mũhushathi wa Azera,+ na gĩkundi gĩake kĩarĩ na andũ 24,000.
12 Wa kenda nĩ ũndũ wa mweri wa kenda aarĩ Abi-ezeri+ Mũanathothi+ wa Abenjamini, na gĩkundi gĩake kĩarĩ na andũ 24,000.
13 Wa ikũmi nĩ ũndũ wa mweri wa ikũmi aarĩ Maharai+ Mũnetofathi wa Azera,+ na gĩkundi gĩake kĩarĩ na andũ 24,000.
14 Wa 11 nĩ ũndũ wa mweri wa 11 aarĩ Benaia+ Mũpirathoni wa ariũ a Efiraimu, na gĩkundi gĩake kĩarĩ na andũ 24,000.
15 Wa 12 nĩ ũndũ wa mweri wa 12 aarĩ Helidai Mũnetofathi, wa Othinieli, na gĩkundi gĩake kĩarĩ na andũ 24,000.
16 Aya nĩo maarĩ atongoria a mĩhĩrĩga ya Isiraeli: Kuuma harĩ Arubeni, Eliezeri mũrũ wa Zikiri aarĩ mũtongoria; kuuma harĩ Asimeoni, Shefatia mũrũ wa Maaka;
17 kuuma harĩ Lawii, Hashabia mũrũ wa Kemueli; kuuma harĩ Haruni, Zadoku;
18 kuuma harĩ Juda, Elihu,+ ũmwe wa ariũ a ithe na Daudi; kuuma harĩ Isakaru, Omuri mũrũ wa Mikaeli;
19 kuuma harĩ Zebuluni, Ishimaia mũrũ wa Obadia; kuuma harĩ Nafitali, Jerimothu mũrũ wa Azirieli;
20 kuuma harĩ Aefiraimu, Hoshea mũrũ wa Azazia; kuuma harĩ nuthu ya mũhĩrĩga wa Manase, Joeli mũrũ wa Pedaia;
21 kuuma harĩ nuthu ya mũhĩrĩga wa Manase thĩinĩ wa Gileadi, Ido mũrũ wa Zekaria; kuuma harĩ Benjamini, Jaasieli mũrũ wa Abineri;+
22 kuuma harĩ Dani, Azareli mũrũ wa Jerohamu. Acio nĩo maarĩ anene a mĩhĩrĩga ya Isiraeli.
23 Daudi ndaatarire arĩa maarĩ na mĩaka 20 gũcoka na thĩ, nĩ gũkorũo Jehova nĩ eeranĩire atĩ nĩ egũtũma andũ a Isiraeli maingĩhe o ta njata cia igũrũ.+
24 Joabu mũrũ wa Zeruia nĩ aambĩrĩirie gũtara andũ, ĩndĩ ndaarĩkirie; na marakara ma Ngai makĩrĩrĩmbũkĩra Isiraeli* nĩ ũndũ wa ũndũ ũcio,+ na mũigana ũcio ndwandĩkirũo maũndũ-inĩ megiĩ mahinda ma Mũthamaki Daudi.
25 Azamavethu mũrũ wa Adieli nĩwe warũgamagĩrĩra igĩna cia mũthamaki.+ Jonathani mũrũ wa Uzia aarũgamagĩrĩra thitoo* iria ciarĩ mĩgũnda-inĩ, matũũra-inĩ, icagi-inĩ, na nyũmba-inĩ iria ndaya na igũrũ.
26 Eziri mũrũ wa Kelubu aarũgamagĩrĩra aruti wĩra arĩa maarĩmaga mĩgũnda.
27 Shimei Mũramathi aarũgamagĩrĩra mĩgũnda ya mĩthabibũ; Zabedi Mũsifimothu aarũgamagĩrĩra maciaro ma mĩgũnda ya mĩthabibũ nĩ ũndũ wa ũigi wa ndibei.
28 Baali-hanani Mũgederi aarũgamagĩrĩra mĩgũnda ya mĩtamaiyũ na mĩtĩ ya mĩkũyũ+ ya Shefela;+ Joashu aarũgamagĩrĩra kũrĩa maguta maaigagwo.
29 Shitirai Mũsharoni+ aarũgamagĩrĩra ndũũru cia ng’ombe iria ciarĩithagio Sharoni, na Shafati mũrũ wa Adilai aarũgamagĩrĩra ndũũru cia ng’ombe mĩkuru-inĩ mĩaraganu.*
30 Obili Mũishumaeli aarũgamagĩrĩra ngamĩra; Jehedeia Mũmeronothi aarũgamagĩrĩra ndigiri.*
31 Jazizi Mũhagari aarũgamagĩrĩra ndũũru cia mbũri na ng’ondu. Acio othe nĩo maarĩ anene a indo cia Mũthamaki Daudi.
32 Jonathani,+ ũrĩa wetaga Daudi mama, aarĩ mũtaarani, na aarĩ mũndũ ũrĩ na ũtaũku na ningĩ aarĩ mwandĩki, na Jehieli mũrũ wa Hakimoni aaroraga ariũ a mũthamaki.+
33 Ahithofeli+ aarĩ mũtaarani wa mũthamaki, na Hushai+ Mũariki aarĩ mũrata wa mũthamaki.*
34 Thutha wa Ahithofeli haarĩ Jehoiada mũrũ wa Benaia+ na Abiatharu;+ na Joabu+ aarĩ mũnene wa mbũtũ ya mũthamaki.
Tũũhoro twa magũrũ-inĩ
^ Ũkk., “na marakara magĩũka igũrũ rĩa Isiraeli.”
^ Kana “igĩna.”
^ Kana “cianda-inĩ.”
^ Ũkk., “ndigiri cia mĩgoma.”
^ Kana “mũndũ ũrĩa mũthamaki eeraga thiri ciake.”
