Maũndũ ma Matukũ ma Tene wa Mbere 4:1-43
4 Ariũ a Juda maarĩ Perezu,+ Hezironi,+ Karimi, Huri,+ na Shobali.+
2 Reaia mũrũ wa Shobali agĩtuĩka ithe wa Jahathu; Jahathu agĩtuĩka ithe wa Ahumai na Lahadi. Icio nĩcio ciarĩ famĩlĩ cia Azorathi.+
3 Aya nĩo maarĩ ariũ a ithe* wa Etamu:+ Jezireeli, Ishima, na Idibasha (na mwarĩ wa ithe wao eetagwo Hazeleliponi),
4 nake Penueli aarĩ ithe wa Gedoru, nake Ezeri aarĩ ithe wa Husha. Acio nĩo maarĩ ariũ a Huri,+ irigithathi rĩa Efiratha na ithe wa Bethilehemu.+
5 Ashihuri+ ithe wa Tekoa+ aarĩ na atumia erĩ, Hela na Naara.
6 Naara akĩmũciarĩra Ahuzamu, Heferi, Temeni, na Haahashatari. Acio nĩo maarĩ ariũ a Naara.
7 Nao ariũ a Hela maarĩ Zerethi, Iziharu, na Ethani.
8 Kozu agĩtuĩka ithe wa Anubu, Zobeba, na famĩlĩ cia Ahariheli mũrũ wa Harumu.
9 Jabezu nĩwe waheetwo gĩtĩo mũno gũkĩra ariũ a ithe; na nyina aamwĩtire Jabezu,* nĩ gũkorũo ooigire ũũ: “Ndamũciarire na ruo.”
10 Jabezu aakaĩire Ngai wa Isiraeli, akĩmwĩra atĩrĩ: “Na arĩ korũo wandathima na wararamie gĩcigo gĩakwa na ũreke guoko gwaku gũkorũo hamwe na niĩ na ũũhonokie kuuma thĩna-inĩ, nĩgetha thĩna ũcio ndũkandehere ũũru!” Nĩ ũndũ ũcio Ngai akĩhingia ũndũ ũcio aahoete.
11 Kelubu mũrũ wa ithe na Shuha agĩtuĩka ithe wa Mehiri, ũrĩa warĩ ithe wa Eshitoni.
12 Eshitoni agĩtuĩka ithe wa Bethi-rafa, Pasea, na Tehina, ithe wa Iri-nahashu. Acio nĩo maarĩ arũme a Reka.
13 Nao ariũ a Kenazu maarĩ Othinieli+ na Seraia, nake mũrũ wa* Othinieli aarĩ Hathathu.
14 Meonothai agĩtuĩka ithe wa Ofara. Seraia agĩtuĩka ithe wa Joabu ithe wa Ge-harashimu,* na meetirũo ũguo tondũ maarĩ mabundi.
15 Ariũ a Kalebu+ mũrũ wa Jefune maarĩ Iru, Ela, na Naamu; nake mũrũ wa* Ela aarĩ Kenazu.
16 Ariũ a Jehaleleli maarĩ Zifu, Zifa, Tiria, na Asareli.
17 Ariũ a Ezara maarĩ Jetheri, Meredi, Eferi, na Jaloni; akĩoha* nda na agĩciara Miriamu, Shamai, na Ishiba ithe wa Eshitemoa.
18 (Na mũtumia wake Mũyahudi agĩciara Jeredi ithe wa Gedoru, Heberi ithe wa Soko, na Jekuthieli ithe wa Zanoa.) Acio nĩo maarĩ ariũ a Bithia mwarĩ wa Firauni, ũrĩa Meredi aahikirie.
19 Ariũ a mũtumia wa Hodia, mwarĩ wa ithe na Nahamu, maarĩ maithe ma Keila Mũgarimi na Eshitemoa Mũmaakathi.
20 Nao ariũ a Shimoni maarĩ Amunoni, Rina, Beni-hanani, na Tiloni. Nao ariũ a Ishi maarĩ Zohethu na Beni-zohethu.
21 Ariũ a Shela+ mũrũ wa Juda maarĩ Eri ithe wa Leka, Laada ithe wa Maresha, na famĩlĩ cia arĩa maarutaga wĩra wa gũthondeka ngora ĩrĩa njega a nyũmba ya Ashibea,
22 na Jokimu, arũme a Kozeba, Joashu, na Sarafi, arĩa maatuĩkire athuri a atumia Amoabi, na Jashubi-lehemu. Rekondi ici nĩ cia tene.*
23 Maarĩ ombi a indo cia rĩũmba arĩa maaikaraga Netaimu na Gedera. Kũu nĩkuo maaikaraga na maarutagĩra mũthamaki wĩra.
24 Ariũ a Simeoni+ maarĩ Nemueli, Jamini, Jaribu, Zera, na Shaulu.+
25 Mũrũwe aarĩ Shalumu, mũrũwe Mibisamu, na mũrũwe Mishima.
26 Nao ariũ a Mishima maarĩ mũrũwe Hamueli, mũrũwe Zakuri, mũrũwe Shimei.
27 Na Shimei aarĩ na ariũ 16 na airĩtu 6; no ariũ a ithe matiarĩ na ariũ aingĩ, na gũtirĩ famĩlĩ o na ĩmwe yao yarĩ na ariũ aingĩ ta arĩa arũme a Juda maarĩ nao.+
28 Maaikaraga Biri-shiba,+ Molada,+ Hazaru-shuali,+
29 Biliha, Ezemu,+ Toladi,
30 Bethueli,+ Horoma,+ Zikilagi,+
31 Bethi-marikabothu, Hazaru-susimu,+ Bethi-biri, na Shaaraimu. Macio nĩmo maarĩ matũũra mao o nginya hĩndĩ ya wathani wa Daudi.
32 Maaikaraga Etamu, Aini, Rimoni, Tokeni, na Ashani,+ matũũra matano,
33 hamwe na icagi ciao iria ciathiũrũrũkĩirie matũũra macio gũthiĩ nginya Baali. Ũguo nĩguo maandĩkithĩtio kũringana na ndĩra ciao o hamwe na kũrĩa maaikaraga.
34 Na Meshobabu, Jamuleki, Josha mũrũ wa Amazia,
35 Joeli, Jehu mũrũ wa Joshibia mũrũ wa Seraia mũrũ wa Asieli,
36 na Elioenai, Jaakoba, Jeshohaia, Asaia, Adieli, Jesimieli, Benaia,
37 na Ziza mũrũ wa Shifi mũrũ wa Aloni mũrũ wa Jedaia mũrũ wa Shimuri mũrũ wa Shemaia;
38 acio magwetetwo na marĩĩtwa nĩo maarĩ atongoria gatagatĩ-inĩ ka famĩlĩ ciao, na andũ a nyũmba ya maithe mao ma tene nĩ moongererekire makĩingĩha.
39 Na magĩthiĩ itonyero-inĩ rĩa Gedoru, mwena wa irathĩro wa mũkuru, gũcarĩria ndũũru ciao ũrĩithio.
40 Mũthia-inĩ makĩona kũndũ kũnoru na kũrĩ na ũrĩithio mwega, na bũrũri ũcio warĩ mwariĩ, mũhooreru, na warĩ na thayũ. Ahamu+ nĩo maaikaraga kuo mbere ĩyo.
41 Andũ acio mandĩkĩtwo na marĩĩtwa mookire matukũ-inĩ ma Mũthamaki Hezekia+ wa Juda na makĩmomora hema cia Ahamu na Ameuni arĩa maarĩ kũu. Makĩmaniina magĩthira biũ nginyagia ũmũthĩ; magĩgĩikara kuo ithenya rĩao nĩ gũkorũo kũu nĩkuo ũrĩithio wa ndũũru ciao warĩ.
42 Asimeoni amwe, arũme 500, magĩthiĩ Kĩrĩma-inĩ gĩa Seiru+ marĩ hamwe na Pelatia, Nearia, Refaia, na Uzieli, ariũ a Ishi ũrĩa wamatongoririe.
43 Na makĩũraga Aamaleki+ arĩa maatigarĩte arĩa meetharĩte, na matũire kũu nginyagia ũmũthĩ.
Tũũhoro twa magũrũ-inĩ
^ Marĩĩtwa mamwe mũrango-inĩ ũyũ no makorũo mararĩrĩria ũhoro wĩgiĩ kũndũ no ti andũ. Kwoguo mĩhari-inĩ ĩmwe kiugo “ithe” no kũhoteke kiugĩte “mwambĩrĩria.”
^ Rĩĩtwa Jabezu no rĩkorũo rĩkonainie na kiugo gĩa Kĩhibirania kĩrĩa kiugĩte “ruo.”
^ Ũkk., “ariũ a.”
^ Rĩĩtwa rĩu riugĩte “Mũkuru wa Mabundi.”
^ Ũkk., “ariũ a.”
^ No kũhoteke ũcio nĩ Bithia ũrĩa ũgwetetwo mũhari-inĩ wa 18.
^ Kana “Maũndũ macio nĩ ma ũndũire wa tene.”
