Maũndũ ma Matukũ ma Tene wa Mbere 7:1-40
7 Na rĩrĩ, ariũ a Isakaru maarĩ Tola, Pua, Jashubu, na Shimuroni+—maarĩ ana.
2 Nao ariũ a Tola maarĩ, Uzi, Refaia, Jerieli, Jahamai, Ibisamu, na Shemueli, atongoria a nyũmba cia maithe mao. Kwarĩ na njamba cia ita irĩ hinya cioimanire na Tola, na mũigana wacio matukũ-inĩ ma Daudi warĩ 22,600.
3 Na njiarũa cia* Uzi ciarĩ Izirahia na ariũ a Izirahia: Mikaeli, Obadia, Joeli, na Ishia—othe atano maarĩ anene.*
4 Na kũringana na njiarũa ciao, kũringana na nyũmba cia maithe mao, maarĩ na thigari 36,000 mbũtũ-inĩ yao ciakoragwo ciĩhaarĩirie nĩ ũndũ wa mbaara, nĩ gũkorũo maarĩ na atumia aingĩ na ariũ aingĩ.
5 Na ariũ a ithe wao a famĩlĩ ciothe cia Isakaru maarĩ njamba cia ita irĩ hinya 87,000 o ta ũrĩa maandĩkithĩtio kũringana na ndĩra ciao.+
6 Ariũ a Benjamini+ maarĩ Bela,+ Bekeri,+ na Jediaeli+—maarĩ atatũ.
7 Nao ariũ a Bela maarĩ Eziboni, Uzi, Uzieli, Jerimothu, na Iri—maarĩ atano—atongoria a nyũmba cia maithe mao, njamba cia ita irĩ hinya, na 22,034 nĩo maandĩkithĩtio kũringana na ndĩra ciao.+
8 Nao ariũ a Bekeri maarĩ Zemira, Joashu, Eliezeri, Elioenai, Omuri, Jeremothu, Abija, Anathothi, na Alemethu—acio othe maarĩ ariũ a Bekeri.
9 Atongoria a nyũmba cia maithe mao kũringana na njiarũa ciao na kũringana na ũrĩa maandĩkithĩtio kũringana na ndĩra ciao maarĩ njamba cia ita irĩ hinya 20,200.
10 Nao ariũ a Jediaeli+ maarĩ Bilihani na ariũ a Bilihani: Jeushu, Benjamini, Ehudi, Kenaana, Zethani, Tarishishi, na Ahishaharu.
11 Acio othe maarĩ ariũ a Jediaeli, kũringana na atongoria a maithe mao ma tene, njamba cia ita irĩ hinya 17,200 ciĩhaarĩirie gũthiĩ mbũtũ-inĩ nĩ ũndũ wa mbaara.
12 Ashupi na Ahupi* maarĩ ariũ a Iru;+ Ahushi maarĩ ariũ a Aheri.
13 Ariũ a Nafitali+ maarĩ Jahazieli, Guni, Jezeri, na Shalumu—njiarũa cia* Biliha.+
14 Ariũ a Manase maarĩ:+ Asirieli ũrĩa waciarirũo nĩ thuriya yake ya kuuma Siria. (Thuriya ĩyo nĩo yaciarire Makiru+ ithe wa Gileadi.
15 Makiru agĩcarĩria Hupimu na Shupimu mũtumia, na mwarĩ wa ithe eetagwo Maaka.) Wa kerĩ aarĩ Zelofehadi, no Zelofehadi+ aagĩire airĩtu.+
16 Maaka mũtumia wa Makiru, agĩciara mwana wa kahĩĩ na akĩmwĩta Pereshu; mũrũ wa nyina eetagwo Shereshu; na ariũ ake maarĩ Ulamu na Rekemu.
17 Na mũrũ wa* Ulamu aarĩ Bedani. Acio nĩo maarĩ ariũ a Gileadi mũrũ wa Makiru mũrũ wa Manase.
18 Na mwarĩ wa ithe aarĩ Hamolekethu. Hamolekethu aaciarire Ishihodi, Abi-ezeri, na Mahala.
19 Nao ariũ a Shemida maarĩ Ahiani, Shekemu, Liki, na Aniamu.
20 Ariũ a Efiraimu+ maarĩ Shuthela,+ mũrũwe Beredi, mũrũwe Tahathu, mũrũwe Eleada, mũrũwe Tahathu,
21 mũrũwe Zabadi, mũrũwe Shuthela, Ezeri, na Eleadi. Nao arũme a Gathu+ arĩa maaciarĩirũo bũrũri-inĩ ũcio makĩmoraga nĩ gũkorũo nĩ maaikũrũkĩte kuoya mahiũ mao.
22 Ithe wao Efiraimu agĩgĩthiĩ o na mbere gũcakaya matukũ maingĩ, na ariũ a ithe nĩ mookaga kũmũũmĩrĩria.
23 Thutha-inĩ agĩkoma na mũtumia wake, akĩgĩa nda na agĩciara mwana wa kahĩĩ. Nake akĩmwĩta Beria* nĩ gũkorũo kwarĩ na thĩna hĩndĩ ĩyo mũtumia wake aarĩ gwake nyũmba.
24 Na mwarĩ wake aarĩ Sheera, ũrĩa waakire Bethi-horoni ya Kĩanda+ na ya Rũgongo+ o hamwe na Uzeni-sheera.
25 Na kwarĩ na mũrũwe Refa, Reshefu, mũrũwe Tela, mũrũwe Tahani,
26 mũrũwe Ladani, mũrũwe Amihudu, mũrũwe Elishama,
27 mũrũwe Nuni, na mũrũwe Joshua.*+
28 Igai rĩao na icagi ciao ciarĩ Betheli+ na taũni ciakuo iria ciamĩthiũrũrũkĩirie, na mwena wa irathĩro, Naarani, na mwena wa ithũĩro, Gezeri na taũni ciakuo iria ciamĩthiũrũrũkĩirie, na Shekemu na taũni ciakuo iria ciamĩthiũrũrũkĩirie, gũthiĩ nginya Aya* na taũni ciakuo iria ciamĩthiũrũrũkĩirie;
29 na kũrigania na njiarũa cia Manase, Bethi-sheani+ na taũni ciakuo iria ciamĩthiũrũrũkĩirie, Taanaka+ na taũni ciakuo iria ciamĩthiũrũrũkĩirie, Megido+ na taũni ciakuo iria ciamĩthiũrũrũkĩirie, Doru+ na taũni ciakuo iria ciamĩthiũrũrũkĩirie. Kũu nĩkuo njiarũa cia Jusufu mũrũ wa Isiraeli ciaikaraga.
30 Ariũ a Asheri maarĩ Imuna, Ishiva, Ishivi, na Beria,+ na mwarĩ wa ithe wao aarĩ Sera.+
31 Ariũ a Beria maarĩ Heberi na Malikieli, ũrĩa warĩ ithe wa Birizaithu.
32 Heberi agĩtuĩka ithe wa Jafileti, Shomeri, na Hothamu, na Shua mwarĩ wa ithe wao.
33 Ariũ a Jafileti maarĩ Pasaki, Bimihali, na Ashavathu. Acio nĩo maarĩ ariũ a Jafileti.
34 Ariũ a Shemeri* maarĩ Ahi, Rohaga, Jehuba, na Aramu.
35 Ariũ a Helemu* mũrũ wa ithe maarĩ Zofa, Imuna, Sheleshu, na Amali.
36 Ariũ a Zofa maarĩ Sua, Harineferi, Shuali, Beri, Imura,
37 Bezeri, Hodi, Shama, Shilisha, Ithirani, na Beera.
38 Ariũ a Jetheri maarĩ Jefune, Pisipa, na Ara.
39 Ariũ a Ula maarĩ Ara, Hanieli, na Rizia.
40 Acio othe maarĩ ariũ a Asheri, atongoria a nyũmba cia maithe mao, andũ athuure, njamba cia ita irĩ hinya, anene a atongoria; na mũigana ũrĩa waandĩkithĩtio kũringana na ndĩra ciao+ warĩ arũme 26,000+ thĩinĩ wa mbũtũ na maakoragwo mehaarĩirie nĩ ũndũ wa mbaara.
Tũũhoro twa magũrũ-inĩ
^ Ũkk., “atongoria.”
^ Ũkk., “ariũ a.”
^ Kana “Shupimu na Hupimu.”
^ Ũkk., “ariũ a.”
^ Ũkk., “ariũ a.”
^ Rĩĩtwa rĩu riugĩte “Na Thĩna.”
^ Kana “Jehoshua,” rĩĩtwa rĩu riugĩte “Jehova Nĩ Ũhonokio.”
^ Kana hihi, “Gaza,” o na gũtuĩka ti Gaza ya Filistia.
^ Nowe ningĩ wĩtĩtwo Shomeri mũhari-inĩ wa 32.
^ No kũhoteke nowe ningĩ wĩtĩtwo “Hothamu” mũhari-inĩ wa 32.