Marũa ma Mbere Kũrĩ Athesalonike 3:1-13
3 Nĩ ũndũ ũcio, rĩrĩa twaremirũo nĩ gũthiĩ na mbere gũkirĩrĩria, tuoonire arĩ wega tũtigwo Athene tũrĩ ithuiki;+
2 na tũgĩtũma mũrũ wa Ithe witũ Timotheo,+ ndungata ya Ngai ya* ũhoro ũrĩa mwega wĩgiĩ Kristo, nĩguo amwĩkĩre hinya na amũũmĩrĩrie wĩtĩkio-inĩ wanyu,
3 nĩguo gũtikagĩe mũndũ ũkwenyenyio* nĩ mĩnyamaro ĩyo. Nĩ gũkorũo inyuĩ ene nĩ mũĩ atĩ tũtingĩĩthema kũnyamarĩka na maũndũ ta macio.*+
4 Tondũ hĩndĩ ĩrĩa twarĩ hamwe na inyuĩ, nĩ twamwĩraga o mbere atĩ nĩ tũngĩkaanyarirũo, na ũndũ ũcio nĩguo wĩkĩkĩte rĩu o ta ũrĩa mũĩ.+
5 Na nĩkĩo hĩndĩ ĩrĩa ndaremirũo gũthiĩ na mbere gũkirĩrĩria, nĩ ndatũmanire nĩguo menye ũhoro wa wĩhokeku wanyu,+ gũtigakorũo hihi Mũgerania+ nĩ amũgeretie, naguo wĩra witũ mũritũ ũgatuĩka wa tũhũ.
6 Ĩndĩ Timotheo no hĩndĩ akinya gũkũ kuuma kũrĩ inyuĩ+ na nĩ atũmenyithia ũhoro mwega wĩgiĩ wĩhokeku o na wendo wanyu, atĩ hingo ciothe nĩ mũthiaga na mbere gũtũririkana mũrĩ na wendo na atĩ nĩ mwĩriragĩria gũtuona ta ũrĩa o na ithuĩ twĩriragĩria kũmuona.
7 Na nokĩo ariũ a Ithe witũ, o na mĩtangĩko-inĩ itũ yothe* na mĩnyamaro, nĩ tũũmĩrĩirio nĩ ũndũ wanyu na nĩ ũndũ wa wĩhokeku ũrĩa muonanagia.+
8 Nĩ gũkorũo nĩ twĩkĩragwo hinya* mũngĩkorũo mwĩhandĩte wega thĩinĩ wa Mwathani.
9 Tondũ rĩrĩ, tũngĩcokeria Ngai ngatho atĩa ũhoro-inĩ wanyu nĩ gĩkeno kĩnene kĩrĩa tũiguaga nĩ ũndũ wanyu tũrĩ mbere ya Ngai witũ?
10 Tũthaithaga Ngai na kĩyo o ũrĩa wothe tũngĩhota mũthenya na ũtukũ nĩguo tũmuone ũthiũ kwa ũthiũ,* na tũmuongerere kũrĩa mũnyihĩirũo wĩtĩkio-inĩ wanyu.+
11 Rĩu-rĩ, Ngai Ithe witũ we mwene, na Mwathani witũ Jesu, marotũhingũrĩra njĩra ya gũka kũrĩ inyuĩ.
12 Makĩria ma ũguo-rĩ, Mwathani arotũma muongerereke, mũgĩe na wendo mũnene kwerekera mũndũ na ũrĩa ũngĩ+ na harĩ andũ othe, o ta ũrĩa tũmwendete,
13 nĩguo atũme ngoro cianyu ikorũo na hinya, itarĩ na ũcuke harĩ ũtheru mbere ya Ngai+ Ithe witũ hĩndĩ ya gũkorũo kuo kwa Mwathani Jesu+ arĩ na arĩa ake aamũre othe.
Tũũhoro twa magũrũ-inĩ
^ Kana hihi, “mũrutithania wĩra hamwe na Ngai wa.”
^ Ũkk., “ũkwagagio.”
^ Kana “nĩ mũĩ atĩ nĩyo twathĩrĩirũo.”
^ Ũkk., “mabataro-inĩ maitũ mothe.”
^ Ũkk., “nĩ tũtũũraga.”
^ Ũkk., “tuone ũthiũ wanyu.”
