Marũa ma Mbere Kũrĩ Timotheo 1:1-20
1 Nĩ niĩ Paulo, mũtũmwo wa Kristo Jesu kũgerera watho wa Ngai Mũhonokia witũ na wa Kristo Jesu, o we kĩĩrĩgĩrĩro gitũ,+
2 kũrĩ Timotheo,*+ mwana wakwa kũna+ thĩinĩ wa wĩtĩkio:
Ũrogĩa na ũtugi mũnene na tha na thayũ kuuma kũrĩ Ngai Ithe witũ, na Kristo Jesu Mwathani witũ.
3 O ta ũrĩa ndagwĩkĩrire ngoro ũtigwo Efeso rĩrĩa ndarĩ hakuhĩ gũthiĩ Makedonia-rĩ, o na rĩu noguo ndĩreka, nĩgetha wathe andũ amwe matikarutane ũrutani ngũrani,
4 o na kana mathikĩrĩrie ng’ano cia maheeni+ na ũhoro wa ndĩra. Maũndũ ta macio mũthia-inĩ matikoragwo na ũguni+ no moimĩragia maũndũ ma gwĩcirĩrio ithenya rĩa kũrehe ũndũ o wothe uumĩte kũrĩ Ngai ũkonainie na wĩtĩkio.
5 Atĩrĩrĩ, muoroto wa ũtaaro* ũyũ nĩ wendo+ ũrĩa uumanaga na ngoro theru na thamiri njega o na wĩtĩkio+ ũtarĩ na ũhinga.
6 Nĩ ũndũ wa gũtiganĩria maũndũ macio, andũ amwe nĩ magarũrũkĩire ndeereti cia tũhũ.+
7 Mendaga gũtuĩka arutani+ a watho, ĩndĩ matitaũkagĩrũo nĩ maũndũ marĩa moigaga o na kana marĩa manyitagĩrĩra mũno.
8 Rĩu-rĩ, nĩ tũĩ atĩ Watho nĩ mwega mũndũ angĩũhũthĩra ũrĩa kwagĩrĩire,*
9 akĩmenyaga atĩ watho ndũthondekagĩrũo mũndũ ũrĩa mũthingu no ũthondekagĩrũo arĩa moinaga watho+ na aremi, arĩa matendete Ngai na ehia, arĩa matarĩ ehokeku* na arĩa matatĩĩte maũndũ marĩa matheru, arĩa moragaga maithe na arĩa moragaga manyina, na arĩa moragaga andũ angĩ,
10 arĩa meingĩragia thĩinĩ wa ngomanio itagĩrĩire,* arũme arĩa makomaga na arũme, arĩa manyitaga andũ mĩgwate, aheenania, arĩa matahingagia mĩĩhĩtwa,* na ũndũ ũngĩ o wothe ũtaringaine na ũrutani ũrĩa wagĩrĩire*+
11 kũringana na ũhoro ũrĩa mwega ũrĩ riri wa Ngai ũrĩa mũkeni, ũhoro o ũcio ndehokeirũo.+
12 Nĩ njokagĩria Kristo Jesu Mwathani witũ ngatho, o we waheire hinya, tondũ nĩ oonire ndĩ mwĩhokeku akĩhe ũtungata,+
13 o na gũtuĩka tene ndarĩ mũrumi Ngai na mũnyarirani na mũndũ ũtaarĩ gĩtĩo.+ O na kũrĩ ũguo, nĩ ndaiguĩrĩirũo tha tondũ ndekaga maũndũ macio nĩ ũndũ wa kwaga ũmenyo na kwaga wĩtĩkio.
14 No ũtugi mũnene wa Mwathani witũ ũkĩingĩha o na makĩria o hamwe na wĩtĩkio na wendo ũrĩa uumaga kũrĩ Kristo Jesu.
15 Uuge ũyũ nĩ wa kwĩhokeka na nĩ wagĩrĩire gwĩtĩkĩrũo biũ: Kristo Jesu ookire thĩinĩ wa thĩ kũhonokia ehia.+ Niĩ ndĩ wa mbere harĩ acio.+
16 O na kũrĩ ũguo, ndaiguĩrĩirũo tha nĩguo kũgerera niĩ ndĩ wa mbere, Kristo Jesu onanie wetereri wake wothe, agĩtũma nduĩke kĩonereria harĩ arĩa mekũmwĩtĩkia nĩguo magĩe na muoyo wa tene na tene.+
17 Rĩu-rĩ, Mũthamaki wa tene na tene,+ o we ũtathiraga+ na ũtonekaga,+ o we wiki Ngai,+ aroheo gĩtĩo na riri tene na tene. Ameni.
18 Ũtaaro* ũyũ nĩwe ndehokera, wee Timotheo mwana wakwa, kũringana na morathi marĩa maarathirũo igũrũ rĩaku, nĩguo kũgerera harĩ mo ũthiĩ na mbere kũrũa mbaara ĩrĩa njega,+
19 ũrũmĩtie wĩtĩkio na thamiri njega,+ ĩrĩa andũ amwe maregete gwathĩkĩra, naguo ũndũ ũcio ũgatũma wĩtĩkio wao ũthũke biũ o ta meri yanangĩkĩte.
20 Himenayo+ na Aleksanda nĩ amwe ao, na nĩ ndĩmaneanĩte kũrĩ Shaitani+ marutwo na njĩra ya kũherithio nĩguo matige kũrumaga Ngai.
Tũũhoro twa magũrũ-inĩ
^ Rĩĩtwa rĩu riugĩte “Ũrĩa Ũtĩaga Ngai.”
^ Kana “watho.”
^ Ũkk., “na njĩra ĩretĩkĩrĩka.”
^ Kana “matarĩ wendo mwĩhokeku.”
^ Kana “ũrĩa ũrĩ ũguni.”
^ Kana “mehĩtaga na maheeni.”
^ Rora Ũthathaũri wa Ciugo.
^ Kana “Watho.”
