Marũa ma Mbere Kũrĩ Timotheo 2:1-15
2 Nĩ ũndũ ũcio-rĩ, wa mbere ngũũria atĩ andũ mathaithage Ngai, mahoyage, mahoyagĩre andũ arĩa angĩ, na magacokia ngatho nĩ ũndũ wa andũ a mĩthemba yothe,
2 nĩ ũndũ wa athamaki na arĩa othe marĩ itĩ-inĩ cia ũnene,*+ nĩguo tũthiĩ na mbere gũkorũo na ũtũũro mũhooreru na ũrĩ na thayũ twĩrutĩire Ngai biũ hatarĩ itherũ.+
3 Ũndũ ũcio nĩ mwega na wa gwĩtĩkĩrĩka maitho-inĩ ma Mũhonokia witũ, o we Ngai,+
4 ũrĩa wendaga andũ a mĩthemba yothe mahonokio+ na magĩe na ũmenyo wa ma wĩgiĩ ũhoro wa ma.
5 Nĩ gũkorũo kũrĩ Ngai ũmwe,+ na mũiguithania ũmwe+ gatagatĩ ka Ngai na andũ,+ nake nĩ mũndũ, Kristo Jesu,+
6 ũrĩa werutire arĩ ũkũũri ũringaine nĩ ũndũ wa andũ othe*+—ũndũ ũcio nĩguo ũkaarutĩrũo ũira ihinda rĩaguo rĩakinya.
7 Ndamũrirũo nduĩke mũhunjia na mũtũmwo+ nĩ ũndũ wa ũira ũcio+—ndĩraria ma, ti maheeni ndĩraria—mũrutani wa ndũrĩrĩ+ ũhoro-inĩ wa wĩtĩkio na ũhoro wa ma.
8 Nĩ ũndũ ũcio ngwenda atĩ kũndũ guothe arũme mathiĩ na mbere kũhoya, makĩoyaga moko mao matheru na igũrũ,+ hatarĩ marakara+ kana ngarari.+
9 O taguo, nao atumia magĩrĩirũo nĩ kwĩgemagia na njĩra ya kwĩhumba nguo njega,* mategũkĩria njano, na marĩ na meciria mega,* no ti na mĩthemba ĩtiganĩte ya kũrama njuĩrĩ na thahabu kana ruru kana nguo cia goro mũno,+
10 no nĩ na njĩra ĩrĩa yagĩrĩire harĩ atumia arĩa moigaga nĩ meyamũrĩire Ngai,+ ũguo nĩ kuuga, kũgerera ciĩko njega.
11 Mũtumia nĩ erutage maũndũ akirĩte* arĩ na wĩnyihia wothe.+
12 Ndiĩtĩkĩrĩtie mũtumia arutage kana agaatha mũndũrũme, ĩndĩ nĩ aikarage akirĩte.*+
13 Nĩ gũkorũo Adamu nĩwe waambire kũũmbwo, na thutha ũcio Hawa.+
14 Ningĩ Adamu ndaaheenirio, no mũtumia ũcio nĩ aaheenirio biũ+ na agĩtuĩka mwĩhia.
15 O na kũrĩ ũguo, mũtumia nĩ arĩgitagĩrũo kũgerera kũgĩa ciana,+ angĩthiĩ* na mbere gũkorũo na wĩtĩkio na wendo na ũtheru o hamwe na meciria mega.*+
Tũũhoro twa magũrũ-inĩ
^ Kana “marĩ iturũa-inĩ cia wathani.”
^ Kana “andũ a mĩthemba yothe.”
^ Kana “irĩ na gĩtĩo.”
^ Kana “ũtaũku.”
^ Kana “ahooreire.”
^ Kana “ahooreire.”
^ Kana “ũtaũku.”
^ Ũkk., “mangĩthiĩ.”
