Marũa ma Kerĩ Kũrĩ Athesalonike 2:1-17
2 No rĩrĩ ariũ a Ithe witũ, ũhoro-inĩ wĩgiĩ gũkorũo kuo kwa Mwathani witũ Jesu Kristo+ na wa gũcokanĩrĩrio tũkorũo hamwe nake-rĩ,+ tũkũmũũria
2 mũtikahiũhe kwenyenyio kuuma harĩ gwĩciria kwanyu, kana mũhahũrũo nĩ ciugo itongoretio nĩ roho,*+ kana ndũmĩrĩri yarĩtio, o na kana marũa maroneka ta moimĩte kũrĩ ithuĩ, makiuga atĩ mũthenya wa Jehova*+ nĩ mũkinyu.
3 Mũtikareke mũndũ o na ũrĩkũ amũhĩtithie* o na atĩa, tondũ mũthenya ũcio ndũgooka o nginya ũregenyũki+ wambe ũũke na muuni-watho aguũrio,+ o we mwana ũrĩa wa mwanangĩko.+
4 Ũcio akoragwo agĩkararia na agetũũgĩria igũrũ rĩa kĩndũ o gĩothe gĩtagwo ngai kana kĩndũ gĩa gũthathaiyo,* kwoguo aikaraga thĩ thĩinĩ wa hekarũ ya Ngai, na akeyonania mbere ya andũ atĩ we nĩ ngai.
5 Kaĩ mũtararirikana atĩ rĩrĩa ndakoragwo hamwe na inyuĩ, nĩ ndamwĩraga maũndũ macio?
6 Na rĩu nĩ mũĩ kĩrĩa gĩkoretwo kĩrĩ kĩgirĩrĩria, nĩguo ũcio akaaguũrio ihinda rĩake mwene rĩakinya.
7 Nĩ ma, kĩriga kĩa uuni-watho ũcio nĩ kĩraruta wĩra o na rĩu,+ no nĩ nginya rĩrĩa ũcio ũkoragwo arĩ kĩgirĩrĩria ihinda-inĩ rĩrĩ akeehera.
8 Na hĩndĩ ĩyo, nĩguo muuni-watho akaaguũrio, o ũcio Mwathani Jesu akeeheria kũgerera roho wa kanua gake+ na amũniine biũ kũgerera kũmenyithanio+ gwa gũkorũo kuo gwake.
9 No gũkorũo kuo kwa muuni-watho ũcio nĩ kũgerera wĩra wa Shaitani+ akĩhũthĩra mawĩko mothe ma hinya na imenyithia cia maheeni na maũndũ ma magegania*+
10 na maheeni o mothe matarĩ ma ũthingu+ harĩ arĩa maraniinwo rĩrĩ iherithia tondũ matietĩkĩrire wendo wa ũhoro ũrĩa wa ma nĩguo mahonokio.
11 Nĩkĩo Ngai etĩkagĩria mahĩtithio nĩ hinya wa maheeni nĩguo makinyĩrĩre gwĩtĩkia maheeni macio,+
12 nĩgetha othe magaatuĩrũo tondũ matietĩkirie ũhoro ũrĩa wa ma ĩndĩ maakeneire maũndũ matarĩ ma ũthingu.
13 No rĩrĩ, nĩ twagĩrĩirũo gũcokagĩria Ngai ngatho hĩndĩ ciothe nĩ ũndũ wanyu ariũ a Ithe witũ, inyuĩ mwendetwo nĩ Jehova,* tondũ kuuma o kĩambĩrĩria Ngai nĩ aamũthuurire+ nĩguo mũkaahonokio, na njĩra ya kũmũtheria+ kũgerera roho wake na wĩtĩkio wanyu harĩ ũhoro ũrĩa wa ma.
14 Aamwĩtĩire ũndũ ũcio kũgerera ũhoro ũrĩa mwega tũhunjagia, nĩguo mũgĩe na riri wa Mwathani witũ Jesu Kristo.+
15 Nĩ ũndũ ũcio, ariũ a Ithe witũ-rĩ, rũgamai mwĩhandĩte+ na mũtũũre mũrũmĩtie irĩra iria mwarutirũo+ kũgerera ndũmĩrĩri yarĩtio kana marũa kuuma kũrĩ ithuĩ.
16 Makĩria ma ũguo Mwathani witũ Jesu Kristo we mwene o na Ngai Ithe witũ, o we watwendire+ na agĩtũhe ũmĩrĩru wa gũtũũra na kĩĩrĩgĩrĩro+ kĩega kũgerera ũtugi mũnene,
17 nĩ momĩrĩrie ngoro cianyu na matũme mwĩhande wega* ũhoro-inĩ wĩgiĩ ciĩko na ciugo ciothe njega.
Tũũhoro twa magũrũ-inĩ
^ Rora Ũthathaũri wa Ciugo.
^ Rora Ũhoro Muongerere A5.
^ Kana “amũgucĩrĩrie.”
^ Kana “kũheo gĩtĩo mũno.”
^ Kana “morirũ.”
^ Rora Ũhoro Muongerere A5.
^ Kana “mamwĩkĩre hinya.”
