Atiirĩrĩri Bũrũri 13:1-25
13 O rĩngĩ Aisiraeli magĩka maũndũ moru maitho-inĩ ma Jehova,+ na Jehova akĩmaneana guoko-inĩ kwa Afilisti+ mĩaka 40.
2 Ihinda-inĩ rĩu, nĩ kwarĩ mũndũ wa kuuma Zora+ wa famĩlĩ ya Adani+ wetagwo Manoa.+ Mũtumia wake aarĩ thata na ndaarĩ na mwana.+
3 Thutha wa ihinda, mũraika wa Jehova akiumĩrĩra mũtumia ũcio akĩmwĩra ũũ: “Atĩrĩrĩ, wĩ thata na ndũrĩ mwana. No nĩ ũkuoha nda na ũciare mwana wa kahĩĩ.+
4 Wĩmenyerere ndũkanyue ndibei kana kĩndũ o gĩothe kĩngĩtũma mũndũ arĩĩo,+ na ndũkarĩe kĩndũ o gĩothe kĩrĩ na thahu.+
5 Atĩrĩrĩ, nĩ ũkuoha nda na ũciare mwana wa kahĩĩ, na rwenji rũtiagĩrĩire kũhutia mũtwe wake,+ nĩ gũkorũo mwana ũcio agaakorũo arĩ Mũnaziri wa Ngai kuuma aciarũo,* na nĩ agaatongoria harĩ kũhonokia Isiraeli kuuma guoko-inĩ kwa Afilisti.”+
6 Mũtumia ũcio agĩthiĩ akĩra mũthuriwe ũũ: “Nĩ harĩ mũndũ wa Ngai ũrĩa wa ma ũũkire kũrĩ niĩ, na ekũhaanaga ta mũraika wa Ngai ũrĩa wa ma, oima wa magegania biũ. Ndinamũũria kũrĩa ekuumĩte, o na ndananjĩra ũrĩa etagwo.+
7 No anjĩrire ũũ, ‘Atĩrĩrĩ, nĩ ũkuoha nda na ũciare mwana wa kahĩĩ. Ndũkanyue ndibei kana kĩndũ o gĩothe kĩngĩtũma mũndũ arĩĩo, na ndũkarĩe kĩndũ o gĩothe kĩrĩ na thahu, nĩ gũkorũo mwana ũcio agaakorũo arĩ Mũnaziri wa Ngai kuuma aciarũo* nginya rĩrĩa agaakua.’”
8 Manoa agĩthaitha Jehova akĩmwĩra ũũ: “Atĩrĩrĩ Jehova, ndagũthaitha ũreke mũndũ wa Ngai ũrĩa wa ma ũcio ũgũtũmĩte oke rĩngĩ atũrute ũrĩa twagĩrĩirũo gwĩka na mwana ũcio ũgũciarũo.”
9 Nĩ ũndũ ũcio Ngai ũrĩa wa ma agĩthikĩrĩria Manoa, na mũraika wa Ngai ũrĩa wa ma agĩthiĩ rĩngĩ kũrĩ mũtumia ũcio akĩmũkora aikarĩte thĩ mũgũnda-inĩ; matiarĩ hamwe na mũthuriwe Manoa.
10 Mũtumia ũcio agĩteng’era ihenya na akĩra mũthuriwe ũũ: “Atĩrĩrĩ, mũndũ ũrĩa ũrokĩte kũrĩ niĩ mũthenya ũngĩ nĩ anyumĩrĩra.”+
11 Manoa agĩgĩũkĩra na magĩthiĩ na mũtumia wake. Agĩkinya harĩ mũndũ ũcio, akĩmũũria ũũ: “Hihi nĩwe ũraarĩtie na mũtumia wakwa?” Nake akĩmũcokeria atĩrĩ: “Ĩĩ nĩ niĩ.”
12 Manoa agĩcoka akiuga atĩrĩ: “Ciugo ciaku irohinga! Hihi ũtũũro wa mwana ũcio ũgaakorũo ũhaana atĩa, na akaarutaga wĩra ũrĩkũ?”+
13 Nĩ ũndũ ũcio mũraika wa Jehova akĩra Manoa ũũ: “Mũtumia waku agĩrĩirũo gwĩthema kĩrĩa gĩothe ndĩramũgweteire.+
14 Ndagĩrĩirũo kũrĩa kĩndũ o gĩothe kiumanĩte na mũthabibũ, ndagĩrĩirũo kũnyua ndibei kana kĩndũ o gĩothe kĩngĩtũma mũndũ arĩĩo,+ na ndagĩrĩirũo kũrĩa kĩndũ o gĩothe kĩrĩ na thahu.+ Agĩrĩirũo kũrũmia maũndũ mothe marĩa ndĩmwathĩte.”
15 Na rĩrĩ, Manoa akĩra mũraika wa Jehova ũũ: “Ndagũthaitha ũikarange, na ũreke tũkũhaarĩrĩrie kabũri.”+
16 No mũraika wa Jehova akĩra Manoa atĩrĩ: “O na ingĩikaranga, ndikũrĩa irio ciaku; no ũngĩenda kũrutĩra Jehova igongona rĩa njino, no ũrĩrute.” Manoa ndaamenyaga atĩ mũndũ ũcio aarĩ mũraika wa Jehova.
17 Manoa agĩcoka akĩũria mũraika wa Jehova atĩrĩ: “Wĩtagwo atĩa,+ nĩguo tũgaagũtĩa rĩrĩa kiugo gĩaku gĩkaahinga?”
18 Ĩndĩ mũraika wa Jehova akĩmũũria ũũ: “Ũranjũria rĩĩtwa rĩakwa nĩkĩ, kuona atĩ nĩ rĩa magegania?”
19 Manoa agĩcoka akĩoya kabũri kau na igongona rĩa mũtu agĩcirutĩra Jehova rwaro-inĩ rwa ihiga. Nake* agĩgĩka ũndũ wa kũgegania Manoa na mũtumia wake meroreire.
20 Rĩrĩa rũrĩrĩmbĩ rwa mwaki rwaambataga na igũrũ kuuma kĩgongona-inĩ, mũraika ũcio wa Jehova akĩambata arĩ rũrĩrĩmbĩ-inĩ rũu rwa mwaki kuuma kĩgongona-inĩ kĩu, Manoa na mũtumia wake meroreire. O rĩo magĩturumithia mothiũ mao thĩ.
21 Mũraika wa Jehova ndooimĩrĩire Manoa na mũtumia wake rĩngĩ. Manoa agĩkĩmenya atĩ ũcio aarĩ mũraika wa Jehova.+
22 Manoa agĩcoka akĩra mũtumia wake atĩrĩ: “Na ma no tũgũkua, tondũ ũcio nĩ Ngai tuona.”+
23 No mũtumia wake akĩmwĩra atĩrĩ: “Korũo Jehova ekwendaga gũtũũraga-rĩ, ndangĩetĩkĩra igongona rĩa njino+ na igongona rĩa mũtu kuuma guoko-inĩ gwitũ, ndangĩatuonia maũndũ macio mothe, na ndangĩtwĩrĩte ũndũ o na ũmwe wa maũndũ macio.”
24 Thutha-inĩ mũtumia ũcio agĩciara kahĩĩ na agĩgeta Samsoni;+ na o ũrĩa kahĩĩ kau kaanenehaga, Jehova aathiire o na mbere gũkarathima.
25 Thutha wa ihinda roho wa Jehova ũkĩambĩrĩria kũruta wĩra thĩinĩ wa Samsoni+ arĩ Mahane-dani,+ gatagatĩ ka Zora na Eshitaoli.+
