Gũcokerithia Maathani 32:1-52
32 “Ta tega gũtũ, wee igũrũ, heane ũhoro,O na thĩ nĩ ĩthikĩrĩrie ciugo cia kanua gakwa.
2 Ũtaaro wakwa ũkuura o ta mbura;Ciugo ciakwa ikũgwa o ta ime,O ta rũthuthuũ rũkiurĩra nyekiNa o ta mbura nene ĩkiurĩra mĩmera.
3 Nĩ gũkorũo nĩ ngũmenyithania ũhoro wĩgiĩ rĩĩtwa rĩa Jehova.+
Heanai ũhoro wĩgiĩ ũnene wa Ngai witũ!+
4 We nĩwe Rwaro rwa Ihiga, na mawĩra make nĩ makinyanĩru,+Nĩ gũkorũo njĩra ciake ciothe nĩ cia kĩhooto.+
Nĩ Ngai mwĩhokeku+ na ndarĩ hĩndĩ agaga kĩhooto;+Akoragwo arĩ mũthingu na mũrũngĩrĩru.+
5 O nĩo mekĩte maũndũ moru.+
O ti ciana ciake, nĩo merehereire thĩna.+
Nĩ rũciaro ruogomu na rũhĩngĩcanu!+
6 Hihi ũũ nĩguo mwagĩrĩirũo gwĩka Jehova,+Inyuĩ andũ aya akĩgu na matarĩ ũũgĩ?+
Na githĩ tiwe Ithe wanyu ũrĩa watũmire mũkorũo kuo,+O we Ũrĩa wamũmbire na agĩtũma mwĩhande wega?
7 Ririkana matukũ ma tene;Mwĩcũraniei ũhoro wa mĩaka ya njiarũa iria ihĩtũkĩte.
Ũria thoguo, na nĩ egũkwĩra;+Ũria athuri* anyu, na nĩ megũkũhe ũhoro.
8 Rĩrĩa Ũrĩa ũrĩ Igũrũ Mũno aaheire ndũrĩrĩ igai rĩacio,+Rĩrĩa aamũranirie ariũ a Adamu,*+Nĩ eekĩrire mũhaka wa ikundi cia andũ+Kũringana na mũigana wa ariũ a Isiraeli.+
9 Nĩ gũkorũo andũ a Jehova nĩo igai rĩake;+Jakubu nĩwe igai rĩake.+
10 Aamuonire kũndũ werũ-inĩ+Werũ ũtarĩ kĩndũ, ũrĩ na nyamũ iria igambaga.+
Akĩmũgitĩra amũthiũrũrũkĩirie, na akĩmũrũmbũiya,+Na akĩmũgitĩra o ta kĩũma kĩa riitho rĩake.+
11 O ta ũrĩa nderi ĩringaringaga gĩtara kĩayo,Ĩkareera igũrũ rĩa tũcui twayo,Na ĩgatambũrũkia mathagu mayo ĩgatuoya,Ĩgatũkuua na njoya ciayo,+
12 Jehova we wiki nĩwe wamũtongoragia;*+Gũtiarĩ ngai ng’eni yarĩ hamwe nake.+
13 Agĩtũma ahaice kũndũ kũrĩa gũtũũgĩru mũno thĩinĩ wa thĩ,+Nĩgetha arĩe maciaro ma mũgũnda.+
Akĩmũhũnia na ũũkĩ kuuma harĩ ndũmba ya ihigaNa maguta kuuma ihiga-inĩ rĩũmũ,
14 Thiagĩ kuuma rũũru-inĩ rwa ng’ombe na iria kuuma rũũru-inĩ rwa mbũri,Hamwe na ng’ondu iria njega biũ,*Na ndũrũme cia Bashani, na thenge,O hamwe na ngano ĩrĩa njega biũ;*+Na ũkĩnyua ndibei kuuma thakame-inĩ ya* thabibũ.
15 Na rĩrĩa Jeshuruni* aatunguhire, akĩambĩrĩria ũremi.
Rĩu nĩ ũtunguhĩte, nĩ ũnenehete biũ, na ũkahũna biũ.+
Nĩ ũndũ ũcio agĩtiganĩria Ngai, o we ũrĩa wamũmbire,+Akĩnyarara Rwaro rwa Ihiga o we ũhonokio wake.
16 Magĩtũma acinwo nĩ marakara nĩ ũndũ wa ngai ciao ng’eni;+Magĩikara o makĩmũrakaragia na maũndũ marĩ magigi.+
17 Maarutagĩra ndaimono magongona, no ti Ngai,+Makaruta magongona harĩ ngai matooĩ,Iria cieyumĩrĩtie o ica ikuhĩ,Makaruta magongona harĩ ngai iria maithe manyu ma tene matooĩ.
18 Ũkĩriganĩrũo nĩ Rwaro+ rwa Ihiga o we ũrĩa wagũciarire,Na ũkĩaga kũririkana Ngai ũrĩa wagũciarire.+
19 Rĩrĩa Jehova oonire ũndũ ũcio, akĩmarega+Tondũ ariũ ake na aarĩ ake nĩ maamũrakaririe.
20 Nĩ ũndũ ũcio akiuga ũũ, ‘Nĩ ngũmahitha ũthiũ wakwa;+Nyone moimĩrĩro mao.
Nĩ gũkorũo nĩ rũciaro rũremi,+Ariũ matarĩ ehokeku o na hanini.+
21 Nĩ matũmĩte njinwo nĩ marakara* nĩ ũndũ wa kĩndũ gĩtagĩrĩire gũkorũo kĩrĩ ngai;+Nĩ mandakarĩtie nĩ ũndũ wa mĩhianano yao ĩtarĩ kĩene.+
Nĩ ũndũ ũcio nĩ ngũtũma maigue ũiru nĩ ũndũ wa andũ matarĩ kĩene;+Nĩ ngaamarakaria kũgerera rũrĩrĩ rũkĩgu.+
22 Nĩ gũkorũo marakara makwa nĩ makĩtie mwaki+Ũrĩa ũgaacina o nginya ituri-inĩ cia Mbĩrĩra,*+Na ũgaacina thĩ na maciaro mayoNa ũcine mĩthingi ya irĩma.
23 Nĩ ngaaingĩhia mathĩna mao;Na hũthĩre mĩguĩ yakwa kũmerekera.
24 Nĩ magaathirũo nĩ hinya nĩ ũndũ wa ng’aragu+Na manyarirũo nĩ mũrimũ wa kũhiũha mwĩrĩ o hamwe na mwanangĩko mũũru.+
Nĩ ngaamatũmĩra magego ma nyamũ cia gĩthaka+Na nyoka irĩ thumu iria ithiagĩra rũkũngũ-inĩ.
25 Rũhiũ rwa njora nĩ rũkaaniina ciana ciao nja;+Nakuo thĩinĩ, nĩ kĩmako gĩgaakorũo kuo+Harĩ mwanake na mũirĩtu,Kaana kanini o hamwe na mũthuri ũrĩ na mbuĩ.+
26 Nĩ ingĩoigĩte ũũ: “Nĩ ngaamahurunja;Nĩ ngaatũma mariganĩre gatagatĩ-inĩ ka andũ,”
27 No nĩ ndetigĩrire ũrĩa thũ ikuuga,+Tondũ thũ ciahota kũnyita ũrĩa gũtarĩ.+
Ciahota kuuga ũũ: “Hinya witũ nĩguo ũtooranĩtie;+Jehova tiwe wĩkĩte ũũ wothe.”
28 Nĩ gũkorũo o nĩ rũrĩrĩ rũtarĩ na wĩcirio,*Na gũtirĩ mũndũ ũrĩ na ũtaũku gatagatĩ-inĩ kao.+
29 Na arĩ korũo nĩ ogĩ!+ No mecũranie ũhoro ũcio.+
No mecirie ũhoro wĩgiĩ moimĩrĩro mao.+
30 Mũndũ ũmwe angĩhota atĩa kũingatithia andũ 1,000,Na andũ erĩ matũme andũ 10,000 more?+
No gũkorirũo Rwaro Rwao rwa Ihiga nĩ amendetie+Jehova akorũo amaneanĩte.
31 Nĩ gũkorũo rwaro rwao rwa ihiga rũtitariĩ ta Rwaro Rwitũ rwa Ihiga,+O na thũ citũ nĩ itaũkĩirũo nĩ ũndũ ũcio.+
32 Nĩ gũkorũo mĩthabibũ yao nĩ ya kuuma harĩ mĩthabibũ ya SodomuNa kuuma mĩgũnda ya iharũrũka-inĩ cia Gomora.+
Thabibũ ciao nĩ thabibũ irĩ thumuNa imanjĩka ciao cia thabibũ nĩ ndũrũ.+
33 Ndibei yao nĩ thumu wa nyoka,Thumu mũũru wa nduĩra.
34 Na githĩ ũndũ ũcio ndiũigĩte handũ,Ngaũhingĩra thĩinĩ wa ikũmbĩ rĩakwa?+
35 Kũrĩhanĩria nĩ gwakwa, o na kũherithania,+Ihinda-inĩ rĩrĩa rĩtuĩtwo rĩrĩa kũgũrũ kwao gũgaatindirũka,+Nĩ gũkorũo mũthenya wao wa mwanangĩko nĩ ũkuhĩrĩirie,Na maũndũ marĩa makaamakora magooka o na ihenya.’
36 Nĩ gũkorũo Jehova nĩ agaaciirithia andũ ake,+Na nĩ akaaiguĩra ndungata ciake tha*+Rĩrĩa akoona atĩ nĩ ithirĩtwo nĩ hinya,Na atĩ andũ arĩa matarĩ na ũteithio na matarĩ hinya no o tu matigarĩte.
37 Agaacoka oige atĩrĩ, ‘Irĩ ha ngai ciao,+Rwaro rwa ihiga rũrĩa mooragĩra harĩ ruo,
38 Iria ciatũire irĩaga maguta ma magongona mao,*Na ikanyua ndibei ya magongona mao ma ndibei?+
Nĩ ciĩyumĩrie imũteithie.
Nĩ ituĩke handũ hanyu ha kũũrĩra.
39 Rĩu menyai atĩ niĩ—niĩ nĩ niĩ Ngai,+Na gũtirĩ ngai ingĩ tiga niĩ.+
Nĩ njũraganaga, o na ngariũkania.+
Nĩ ndiihanagia,+ o na ngahonania,+Gũtirĩ mũndũ ũngĩhonokania kuuma guoko-inĩ gwakwa.+
40 Nĩ gũkorũo ndambũrũkĩtie guoko gwakwa na igũrũ,Ngehĩta ũũ: “O ta ũrĩa ndũũraga tene na tene,”+
41 Rĩrĩa ngaanoora rũhiũ rwakwa rwa njora rũrĩa rũhenagiaNa haarĩrie guoko gwakwa nĩ ũndũ wa ituĩro,+Nĩ ngeerĩhĩria harĩ thũ ciakwa+Na herithie arĩa mathũire.
42 Nĩ ngaatũma mĩguĩ yakwa ĩnyue thakame ĩrĩĩo,Na rũhiũ rwakwa rwa njora rũrĩe nyama cia mwĩrĩ,Thakame ya arĩa moragĩtwo na arĩa matahĩtwo,Na mĩtwe ya atongoria a thũ.’
43 Inyuĩ ndũrĩrĩ, kenai hamwe na andũ ake,+Nĩ gũkorũo nĩ akaarĩhĩria thakame ya ndungata ciake,+Na erĩhĩrie harĩ thũ ciake+Na akũũre* bũrũri wa andũ ake.”
44 Nĩ ũndũ ũcio Musa agĩthiĩ na agĩcokera ciugo ciothe cia rwĩmbo rũu andũ mathikĩrĩirie,+ we o hamwe na Hoshea*+ mũrũ wa Nuni.
45 Na rĩrĩa Musa aarĩkirie kũhe Isiraeli othe ũhoro ũcio wothe,
46 akĩmeera atĩrĩ: “Ciugo ciothe iria ndĩramũhe ũmũthĩ irĩ mũkaana ciigei ngoro-inĩ cianyu,+ nĩgetha mwathage ariũ anyu magatigĩrĩra atĩ nĩ marũmĩrĩra ciugo ciothe cia Watho ũyũ.+
47 Nĩ gũkorũo ciugo icio ti cia tũhũ harĩ inyuĩ, no nĩ cia gũtũma mũtũũre muoyo,+ na ciugo icio no itũme mũgaatũũra ihinda iraya bũrũri-inĩ ũrĩa mũraringa Jorodani mũkawĩgwatĩre.”
48 Jehova akĩarĩria Musa mũthenya o ro ũcio, akĩmwĩra atĩrĩ:
49 “Ambata kĩrĩma-inĩ kĩa Abarimu,+ Kĩrĩma kĩa Nebo,+ kĩrĩa kĩrĩ bũrũri-inĩ wa Moabi, kĩrĩa kĩng’etheire Jeriko, na wĩrorere bũrũri wa Kanaani ũrĩa ndĩrahe Aisiraeli mawĩgwatĩre.+
50 Na thutha ũcio nĩ ũgũkuĩra o kũu kĩrĩma-inĩ kĩu ũkiriĩ kwambata, na ũturanĩrũo na andũ anyu,* o ta ũrĩa Haruni mũrũ wa nyũkwa aakuĩrĩire Kĩrĩma-inĩ kĩa Horu+ na agĩturanĩrũo na andũ ao,
51 tondũ inyuerĩ nĩ mwaagire kwĩhokeka harĩ niĩ gatagatĩ-inĩ ka Aisiraeli maĩ-inĩ ma Meriba+ thĩinĩ wa Kadeshi werũ-inĩ wa Zini, tondũ nĩ mwaagire gũtũma andũ a Isiraeli mone atĩ niĩ ndĩ mũtheru.+
52 Ũkwĩrorera bũrũri ũcio ũrĩ o haraya, no ndũkaingĩra bũrũri-inĩ ũcio ndĩrahe andũ a Isiraeli.”+
Tũũhoro twa magũrũ-inĩ
^ Athuri arĩa meehokeirũo maũndũ.
^ Kana hihi, “ndũrĩrĩ cia andũ.”
^ Hakĩaria ũhoro wa Jakubu.
^ Ũkk., “maguta ma ng’ondu.”
^ Ũkk., “maguta ma higo ma ngano.”
^ Kana “maĩ-inĩ ma.”
^ Rĩĩtwa rĩu riugĩte “Ũrĩa Mũrũngĩrĩru,” na nĩ rĩĩtwa rĩa gĩtĩo rĩa Isiraeli.
^ Kana “ũiru.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
^ Kana hihi, “rũtathikagĩrĩria ũtaaro.”
^ Kana “nĩ akerira nĩ ũndũ wa ndungata ciake.”
^ Kana “irĩaga magongona mao marĩa mega biũ.”
^ Kana “atherie.”
^ Rĩu nĩ rĩĩtwa rĩa Joshua rĩrĩa aahetwo mbere ĩyo. Hoshea nĩ rĩĩtwa Hoshaia rĩkuhĩhĩtio, na riugĩte “Kũhonokio nĩ Ja; Ja nĩ Ahonokanĩtie.”
^ Icio nĩ ciugo ciahũthagĩrũo kuonania gũkua.
