Kũguũrĩrio kwa Johana 12:1-17
12 Gũgĩcoka gũkĩoneka kĩmenyithia kĩnene igũrũ: Mũtumia+ wahumbĩtwo riũa, na mweri warĩ rungu rwa makinya make, na igũrũ rĩa mũtwe wake aarĩ na thũmbĩ ya njata 12,
2 na aarĩ na nda. Na nĩ aarĩraga nĩ ũndũ wa ruo na agacaya tondũ aarĩ hakuhĩ kũgĩa mwana.
3 Na gũkĩoneka kĩmenyithia kĩngĩ igũrũ. Atĩrĩrĩ, ndamathia+ nene yarĩ na rangi wa mwaki na ciongo mũgwanja na hĩa ikũmi, na igũrũ rĩa ciongo ciayo yarĩ na thũmbĩ mũgwanja ng’emie;
4 na mũting’oe wayo wakururagia gĩcunjĩ gĩa ithatũ kĩa njata+ cia igũrũ, na ĩgĩciharũrũkia thĩ.+ Nayo ndamathia ĩyo ĩgĩikara ĩrũgamĩte mbere ya mũtumia ũcio+ warĩ hakuhĩ kũgĩa mwana, nĩguo agĩa mwana, ĩtambure mwana ũcio wake.
5 Nake akĩgĩa mwana wa kahĩĩ,+ ũrĩa ũkaarĩithagia ndũrĩrĩ ciothe na rũthanju rwa kĩgera.+ Na mwana ũcio wake akĩhurio* agĩtwarũo harĩ Ngai na gĩtĩ-inĩ gĩake kĩa ũnene.
6 Nake mũtumia ũcio akĩũra agĩthiĩ werũ-inĩ, kũrĩa ahaarĩirio handũ nĩ Ngai na no kuo angĩkaaherũo irio thikũ 1,260.+
7 Na gũkiumĩra mbaara igũrũ: Mikaeli*+ na araika ake makĩrũa na ndamathia ĩyo, nayo ndamathia ĩyo na araika ayo makĩrũa
8 no matiatooririe,* o na matiacokire kuonerũo handũ kũu igũrũ.
9 Nĩ ũndũ ũcio ndamathia ĩyo nene+ ĩkĩharũrũkio, nĩyo nyoka ĩrĩa ya tene,+ o we wĩtagwo Mũcukani+ na Shaitani,+ ũrĩa ũhĩtithagia thĩ yothe+ ĩrĩa ĩikaragwo; akĩharũrũkio thĩ,+ o na araika ake makĩharũrũkio hamwe nake.
10 Ngĩigua mũgambo mũnene igũrũ woiga:
“Rĩu nĩ kũgĩĩte na ũhonokio+ na hinya na Ũthamaki wa Ngai witũ+ na wathani wa Kristo wake, tondũ ũrĩa ũthitangaga ariũ a Ithe witũ nĩ aharũrũkĩtio, o we ũmathitangaga mbere ya Ngai witũ mũthenya na ũtukũ!+
11 Na makĩmũhoota+ tondũ wa thakame ya Gatũrũme+ na tondũ wa kiugo kĩa ũira wao,+ na matiendire mĩoyo* yao+ o na mang’etheire gĩkuũ.
12 Nĩ ũndũ ũcio-rĩ, kenai igũrũ rĩrĩ o na inyuĩ mũikaraga kuo! Kaĩ thĩ o na iria irĩ na haaro-ĩ,+ tondũ Mũcukani nĩ aharũrũkĩte kũrĩ inyuĩ arĩ na marakara manene, akĩmenyaga atĩ arĩ na ihinda inini.”+
13 Hĩndĩ ĩrĩa ndamathia ĩyo yoonire atĩ nĩ yaharũrũkio thĩ,+ ĩkĩnyarira mũtumia ũcio+ waciarĩte mwana wa kahĩĩ.
14 No mũtumia ũcio akĩheo mathagu merĩ ma nderi nene+ nĩguo ombũke athiĩ handũ hake werũ-inĩ, o ho angĩkaaherũo irio kwa ihinda na mahinda na nuthu ihinda*+ haraya na nyoka ĩyo.+
15 Nayo nyoka ĩyo ĩgĩtahĩka maĩ matariĩ o ta rũũĩ kuuma kanua-inĩ kayo thutha wa mũtumia ũcio, nĩguo athererio nĩ rũũĩ rũu.
16 No thĩ ĩgĩteithia mũtumia ũcio, nayo ĩgĩathamia kanua kayo ĩkĩmeria rũũĩ rũrĩa rwatahĩkĩtwo nĩ ndamathia ĩyo kuuma kanua-inĩ kayo.
17 Nĩ ũndũ ũcio ndamathia ĩyo ĩkĩrakara mũno nĩ mũtumia ũcio na ĩgĩthiĩ kũrũa mbaara na arĩa maatigarĩte a mbeũ yake,*+ arĩa marũmagĩrĩra maathani ma Ngai na maheetwo wĩra wa kũruta ũira wĩgiĩ Jesu.+
Tũũhoro twa magũrũ-inĩ
^ Kana “akĩnyitwo.”
^ Rĩĩtwa rĩu riugĩte “Nũũ Ũhaana ta Ngai?”
^ Kana hihi, “no [ndamathia ĩyo] ĩgĩtoorio.”
^ Kĩngiriki, psy·kheʹ. Rora Ũthathaũri wa Ciugo.
^ Ũguo nĩ kuuga, mahinda matatũ na nuthu.
^ Kana “rũciaro rwake.”
