Kũguũrĩrio kwa Johana 15:1-8
15 Na ngĩona kĩmenyithia kĩngĩ igũrũ, kĩnene na kĩa magegania, araika mũgwanja+ marĩ na mahũũra mũgwanja. Acio nĩo a mũico, tondũ marakara ma Ngai magaakinyio mũthia kũgerera harĩ o.+
2 Na ngĩona kĩndũ kĩhaana iria rĩa gĩcicio+ gĩtukanĩtio na mwaki, na arĩa maatooretie+ nyamũ ĩrĩa ya gĩthaka na mũhianano+ wayo na namba ya rĩĩtwa rĩayo+ maarũgamĩte hakuhĩ na iria rĩu rĩa gĩcicio manyitĩte inanda cia mũgeeto cia Ngai.
3 Maainaga rwĩmbo rwa Musa+ ngombo ya Ngai, na rwĩmbo rwa Gatũrũme,+ makoiga ũũ:
“Jehova* Ngai, wee Mwene-Hinya-Wothe,+ mawĩra maku+ nĩ manene na ma magegania. Njĩra ciaku nĩ cia ũthingu na cia ma,+ o wee Mũthamaki wa tene na tene.+
4 Nũũ kũna ũtegũgwĩtigĩra, wee Jehova,* na agooce rĩĩtwa rĩaku tondũ wee nowe wiki mwĩhokeku?+ Nĩ gũkorũo ndũrĩrĩ ciothe nĩ igooka na ithathaiye irĩ mbere yaku,+ tondũ matuĩro maku ma ũthingu nĩ maguũrĩtio.”
5 Thutha wa maũndũ macio ngĩona harĩa hatheru ha hema ya ũira+ kũu igũrũ hahingũrũo,+
6 nao araika acio mũgwanja maarĩ na mahũũra macio mũgwanja+ makiuma harĩa hatheru mehumbĩte nguo theru na irahenia cia gatani, na makeyoha mĩcibi ya thahabu ithũri-inĩ ciao.
7 Na kĩũmbe kĩmwe harĩ iria inya irĩ muoyo gĩkĩnengera araika acio mũgwanja mbakũri mũgwanja cia thahabu iria ciaiyũrĩte marakara ma Ngai,+ ũrĩa ũtũũraga tene na tene.
8 Naho hau hatheru hakĩiyũra ndogo nĩ ũndũ wa riri wa Ngai+ na nĩ ũndũ wa hinya wake, na gũtirĩ mũndũ wahotire gũtonya hau hatheru o nginya rĩrĩa mahũũra macio mũgwanja+ ma araika acio mũgwanja maathirire.
