Ayubu 12:1-25
12 Nake Ayubu agĩcokia akiuga atĩrĩ:
2 “Hatarĩ nganja inyuĩ nĩ inyuĩ andũ arĩa moĩ,*Na ũũgĩ ũgaathiranĩra na inyuĩ!
3 No rĩrĩ, o na niĩ ndĩ na ũtaũku.*
Gũtirĩ ũndũ mũngĩrĩte naguo.
Nũũ ũtoĩ maũndũ macio?
4 Nduĩkĩte mũndũ wa gũthekererũo nĩ arata akwa,+Nĩ ũndũ wa gũkaĩra Ngai na ngerĩgĩrĩra atĩ nĩ ekũnjigua.+
Mũndũ mũthingu na ũtarĩ ũcuke atuĩkĩte wa gũthekererũo.
5 Mũndũ ũrĩa ũikaraga na thayũ nĩ anyararĩte mathĩna,Ageciria atĩ makoraga o andũ arĩa magũrũ mao matehandĩte.*
6 Hema cia atunyani ikoragwo na thayũ,+Nao arĩa marakaragia Ngai maikaraga marĩ na ũgitĩri,+O acio makuuaga ngai wao na moko.
7 No rĩrĩ, ta tuĩria ũhoro harĩ nyamũ, na nĩ igũgũtaara;Ningĩ ũũrie nyoni cia rĩera-inĩ,* na nĩ igũkwĩra.
8 Kana ũrũmbũiye ũhoro wa thĩ na nĩ ĩgũgũtaara;Nacio thamaki cia iria-inĩ nĩ igũkũhe ũhoro.
9 Nĩ kĩũmbe kĩrĩkũ harĩ icio ciothe gĩtoĩAtĩ guoko kwa Jehova nĩkuo gwĩkĩte maũndũ macio?
10 Muoyo wa kĩũmbe o gĩothe* ũrĩ guoko-inĩ gwakeO na roho wa* mũndũ o wothe.*+
11 Githĩ gũtũ gũtithuthuragia ciugoO ta ũrĩa rũrĩmĩ rũcamaga* irio?+
12 Githĩ ũũgĩ ndũkoragwo na andũ arĩa akũrũ+Namo matukũ maingĩ magatũma mũndũ agĩe na ũtaũku?
13 We nĩ arĩ ũũgĩ na hinya;+Nĩ arĩ ũtaarani o na ũtaũku.+
14 Angĩmomora kĩndũ, gĩtingĩcoka gwakwo rĩngĩ;+Kĩrĩa ahingĩte-rĩ, gũtirĩ mũndũ ũngĩkĩhingũra.
15 Rĩrĩa ahingĩrĩria maĩ, indo ciothe no kũũma ciũmaga;+Rĩrĩa amahingũrĩra, maiyũraga thĩinĩ wa thĩ makamĩtooria.+
16 We nĩ arĩ hinya na ũũgĩ;*+Mũndũ ũrĩa ũhĩtĩtie njĩra o na ũrĩa ũhĩtithagia andũ arĩa angĩ njĩra, othe nĩ ake;
17 Atũmaga ataarani mathiĩ magũrũ matheri,*Na agatũma atuanĩri ciira matuĩke irimũ.+
18 Nĩ ohoraga mĩnyororo ya athamaki,+Na akamoha mũcibi njohero-inĩ ciao.
19 Atũmaga athĩnjĩri-Ngai mathiĩ magũrũ matheri,+Na akeheria arĩa mehandĩte wega ũnene-inĩ;+
20 Atũmaga ataarani arĩa mehoketwo mage ciugo cia kwariaNa agatunya athuri arĩa akũrũ* ũtaũku;
21 Nĩ atũmaga andũ arĩa marĩ igweta manyararũo,+Na agatũma arĩa marĩ ũhoti mage hinya;*
22 Nĩ aguũragia maũndũ marĩa marikĩru kuuma nduma-inĩ,+Nayo nduma nene akamĩrehe ũtheri-inĩ;
23 Atũmaga ndũrĩrĩ igĩe na hinya nĩguo acianange;Na akanenehia ndũrĩrĩ nĩguo acitware ithamĩrio.
24 Atunyaga atongoria a andũ ũtaũku*Na agatũma morũre kũndũ kwanangĩku gũtarĩ njĩra.+
25 Mahambataga nduma-inĩ+ kũndũ gũtarĩ ũtheri;Agatũma morũre ta andũ arĩĩu.+
Tũũhoro twa magũrũ-inĩ
^ Ũkk., “inyuĩ nĩ inyuĩ andũ.”
^ Ũkk., “ngoro.”
^ Kana “matenderũkaga.”
^ Kana “nyoni cia igũrũ.”
^ Kana “Muoyo wa mũndũ o wothe.”
^ Ũkk., “wa mĩĩrĩ ya andũ othe.”
^ Kana “mĩheehũ ya.”
^ Ũkk., “mwena wa igũrũ wa kanua ũcamaga.”
^ Kana “ũũgĩ ũrĩa ũrĩ ũguni.”
^ Kana “maũrĩtwo indo ciothe.”
^ Kana “athuri arĩa meehokeirũo maũndũ.”
^ Ũkk., “nĩ ohoraga mũcibi wa arĩa marĩ ũhoti.”
^ Ũkk., “ngoro.”
