Ayubu 28:1-28
28 “Nĩ kũrĩ kũndũ kwenjagwo bethaNa kũndũ kũrĩa thahabu ĩtheragĩrio;+
2 Kĩgera kĩrutagwo tĩri-inĩ,Nakĩo gĩcango gĩgatwekio* kuuma mahiga-inĩ.+
3 Mũndũ aniinaga nduma;Agatuĩria biũ kũndũ kũrĩa kũriku nduma-inĩ ndumanu,Agĩcaria mahiga.
4 Atũrĩkagia irima thĩ kũndũ kũraihu na kũrĩa andũ maikaraga,Kũndũ kũrĩa kwariganĩire, kũraihu na kũrĩa andũ mathiagĩra;Andũ amwe maikũrũkaga kuo na magaikara macunjurĩte.
5 Irio ikũraga igũrũ rĩa thĩ;No rungu rwayo gũkoragwo kũgarũranĩtio gũkahaana ta gũcinĩtwo na mwaki.*
6 Kũu mahiga-inĩ gũkoragwo na safia,*Na tĩri-inĩ gũgakorũo na thahabu.
7 Nyoni iria irĩaga nyama-rĩ, gũtirĩ yũĩ njĩra ya gũthiĩ kuo;Riitho rĩa hũngũ ĩrĩa njirũ rĩtirĩ rĩamĩona.
8 Gũtirĩ nyamũ nene ĩrĩ yamĩgera;Mũrũthi mwĩthĩ ndũrĩ wathiĩ kuo.
9 Mũndũ agũthaga rwaro rũũmũ rwa ihiga na guoko gwake;Akang’aũrania irĩma mũthingi-inĩ wacio.
10 Enjaga mĩtaro ya maĩ+ rwaro-inĩ rwa ihiga;Maitho make monaga kĩndũ gĩothe kĩa goro.
11 Ahingagĩrĩria maĩ marĩa mathiaga njũũĩ-inĩNacio indo iria hithe agacirehe ũtheri-inĩ.
12 No rĩrĩ, ũũgĩ ũngĩoneka kũ,+Naguo ũtaũku-rĩ, kĩhumo kĩaguo nĩ kĩrĩkũ?+
13 Gũtirĩ mũndũ ũngĩmenya thogora waguo,+Na ndũngĩoneka bũrũri-inĩ wa arĩa marĩ muoyo.
14 Maĩ ma kũndũ kũrĩa kũriku moigaga atĩrĩ, ‘Ndũrĩ thĩinĩ wakwa!’
Narĩo iria rĩkoiga atĩrĩ, ‘Niĩ ndirĩ naguo!’+
15 Ndũngĩgũrũo na thahabu ĩrĩa therie;Kana betha ĩthimwo atĩ nĩguo ĩkũũranio naguo.+
16 Ndũngĩgũrũo na thahabu ya Ofiri+Kana ũgũrũo na tũhiga twa goro twa onigithi na safia.
17 Thahabu na gĩcicio itingĩringithanio naguo;Na ndũngĩkũũranio na kĩndũ gĩthondeketwo na thahabu ĩrĩa njega.*+
18 Tũhiga twa goro twa iria-inĩ na tũhiga tũrĩa tũhenagia tũtingĩringithanio naguo,+Tondũ thogora wa mũhuko ũrĩa ũiyũire ũũgĩ, nĩ mũnene gũkĩra wa mũhuko ũiyũire ruru.
19 Kahiga ga topazi+ ga kuuma Kushi gatingĩringithanio naguo;O na ndũngĩgũrũo na thahabu therie.
20 No rĩrĩ, ũũgĩ uumaga kũ,Naguo ũtaũku-rĩ, kĩhumo kĩaguo nĩ kĩrĩkũ?+
21 Nĩ ũhithĩtwo ndũkonwo nĩ kĩndũ gĩothe kĩrĩ muoyo+Na ũkahithwo nyoni cia rĩera-inĩ.*
22 Mwanangĩko na gĩkuũ ciugaga atĩrĩ,‘Matũ maitũ maiguĩte o ũhoro mũnini waguo.’
23 Ngai nĩ oĩ njĩra ya kũwona;We nowe ũĩ kũrĩa ũkoragwo,+
24 Nĩ gũkorũo nĩ onaga ituri cia thĩ,Na akona maũndũ mothe marĩa marĩ mũhuro wa riũa.+
25 Rĩrĩa aaheire rũhuho hinya* waruo+Na agĩthima maĩ,+
26 Hĩndĩ ĩrĩa aaigĩire mbura watho ũrĩa ĩrĩrũmagĩrĩra+Na agĩthondeka njĩra ya kĩhuhũkanio na marurumĩ-rĩ,+
27 Nĩ oonire ũũgĩ na akĩũtaarĩria;Akĩũhanda na akĩũthuthuria.
28 Na akĩra mũndũ atĩrĩ:
‘Gwĩtigĩra Jehova-rĩ, ũcio nĩguo ũũgĩ,+Naguo ũtaũku nĩ gwĩthema maũndũ marĩa moru.’”+
Tũũhoro twa magũrũ-inĩ
^ Ũkk., “gĩgaitwo.”
^ Kwahoteka ciugo ici irataarĩria maũndũ marĩa mekĩkaga mahiga makĩenjwo.
^ Nĩ mũthemba wa tũhiga twa goro.
^ Kana “therie.”
^ Kana “nyoni cia igũrũ.”
^ Ũkk., “ũritũ.”
