Ayubu 31:1-40
31 “Niĩ nĩ ndĩkanĩire na maitho makwa.+
Nĩ ũndũ ũcio-rĩ, ingĩkĩĩrorera atĩa mũirĩtu ndĩ na merirĩria moru?+
2 Ingĩka ũguo-rĩ, ingĩamũkĩra kĩĩ kuuma kũrĩ Ngai ũrĩa ũrĩ igũrũ,Ingĩkorũo na igai rĩrĩkũ kuuma kũrĩ Mwene-Hinya-Wothe ũrĩa ũrĩ igũrũ?
3 Na githĩ mwanangĩko tiguo wetereire mũndũ ũrĩa mwĩhiaNaguo thĩna ũgeterera arĩa mekaga maũndũ moru?+
4 Githĩ we ndonaga njĩra ciakwa+Na agatara makinya makwa mothe?
5 Hihi nĩ ndĩ ndatwarana na ũhoro ũtarĩ wa ma?*
Hihi kũgũrũ gwakwa nĩ kũrĩ kwahiũha gũthiĩ kũheenania?+
6 Ngai nĩ athime na ratiri iria itarĩ mahĩtia;+Hĩndĩ ĩyo nĩ ekũmenya wĩkindĩru wakwa.+
7 Angĩkorũo makinya makwa nĩ moimĩte njĩra-inĩ+Kana ngoro yakwa ĩkarũmĩrĩra maitho makwa+Kana moko makwa makagĩa thahu,
8 Hĩndĩ ĩyo reke mbeũ iria ngũhanda irĩo nĩ mũndũ ũngĩ,+Na kĩrĩa handĩte kĩmunywo.*
9 Angĩkorũo ngoro yakwa nĩ ĩgucĩrĩirio nĩ mũtumia+Na ngaikara njetereire+ mũrango-inĩ wa mũndũ ũngĩ,
10 Mũtumia wakwa arothĩagĩra mũthuri ũngĩ ngano*Na arũme angĩ makome nake.*+
11 Tondũ ũcio ũngĩkorũo ũrĩ mũtugo wa thoni,Nĩ ihĩtia rĩrabatara iherithia kuuma kũrĩ atuanĩri ciira.+
12 Ũndũ ũcio ũngĩkorũo ũrĩ mwaki ũngĩcina na wanange,*+Ũniine* nginya mĩri ya maciaro makwa mothe.
13 Angĩkorũo nĩ ndaimire ndungata yakwa ya mũndũrũme kana ya mũirĩtu kĩhootoRĩrĩa manakorũo magĩteta* igũrũ rĩakwa,
14 Ingĩka atĩa Ngai angĩnjũkĩrĩra?*
Ingĩmũcokeria atĩa angĩnjirithia?+
15 Na githĩ Ũrĩa wanyũmbire thĩinĩ wa nda ya maitũ towe wamombire?+
Githĩ towe watũmire tũkorũo ho o na tũtanaciarũo?*+
16 Angĩkorũo nĩ ndaregire kũhe athĩni kĩrĩa meeriragĩria+Kana ngĩtũma maitho ma mũtumia wa ndigwa maigue ũũru;*+
17 Angĩkorũo ndarĩire irio ciakwa ndĩ o nyiki
Itekũgaĩra ciana cia ndigwa;+
18 (Nĩ gũkorũo mwana wa ndigwa aakũrire arĩ hamwe na niĩ kuuma ndĩ mũnyinyi ta arĩ niĩ ndarĩ ithe,Na ngoretwo ngĩtongoria mũtumia wa ndigwa kuuma ndĩ o mwana.*)
19 Angĩkorũo nĩ ndonire mũndũ o wothe agĩkua nĩ ũndũ wa kwaga nguo,Kana mũthĩni ũtarĩ na kĩndũ gĩa kwĩhumbĩra;+
20 Angĩkorũo ndaandathimire+Nĩ ũndũ wa kũigua ũrugarĩ kuumana na guoya wa ng’ondu ciakwa;
21 Angĩkorũo ndanakũnjĩra mwana wa ndigwa ngundi+Abataire ũteithio wakwa kĩhingo-inĩ gĩa itũũra;*+
22 Guoko gwakwa kũroahũka kuume kĩande-inĩ,Na guoko gwakwa kuunĩkĩre kĩgokora-inĩ.*
23 Nĩ gũkorũo nĩ ndetigĩrĩte kwanangwo nĩ Ngai,Na ndingĩahotire kũrũgama mbere ya riri wake.
24 Angĩkorũo ndaigĩte mwĩhoko wakwa harĩ thahabuKana ngĩra thahabu ĩrĩa njega ũũ, ‘Wee nĩwe ũgitĩri wakwa!’+
25 Angĩkorũo ndakenaga nĩ ũndũ wa ũtonga wakwa mũnene+Tondũ wa indo nyingĩ iria ndarĩ nacio;+
26 Angĩkorũo ndonire riũa rĩarĩte*Kana mweri ũgĩthiĩ ũrĩ na riri waguo;+
27 Na ngoro yakwa ĩkĩgucĩrĩrio na hitho,Nako kanua gakwa gakĩmumunya guoko gwakwa nĩguo ndĩcithathaiye;+
28 Rĩu rĩngĩkorũo rĩrĩ ihĩtia rĩrabatara iherithia kuuma kũrĩ atuanĩri ciira,Tondũ ingĩkorũo ngaanĩte Ngai ũrĩa wa ma ũrĩ igũrũ.
29 Hihi nĩ ndĩ ndakena atĩ tondũ thũ yakwa nĩ yanangĩtwo+Kana ngakena tondũ nĩ ĩkoretwo nĩ maũndũ moru?
30 Ndirĩ ndetĩkĩria kanua gakwa kehieNa njĩra ya gwĩtia muoyo wayo na mwĩhĩtwa.+
31 Na githĩ andũ arĩa marĩ thĩinĩ wa hema yakwa matiũrĩtie atĩrĩ,‘Nũũ ũngĩona mũndũ ũtarĩ warĩa irio* cia Ayubu akaigania?’+
32 Gũtirĩ mũgeni* ũrĩ waraara nja ũtukũ;+Nĩ ndahingũragĩra agendi mĩrango ya nyũmba yakwa.
33 Hihi nĩ ndĩ ndageria kũhithĩrĩra mehia makwa, ta ũrĩa andũ angĩ mekaga,+Na njĩra ya kũhitha mahĩtia makwa mũhuko-inĩ wa nguo yakwa?
34 Hihi nĩ ndĩ ndetigĩra ũrĩa kĩrĩndĩ gĩkuuga,Kana ngamakio nĩ kũnyararũo nĩ andũ a famĩlĩ iria ingĩ,Ũndũ ũcio ũgatũma njikare ngirĩte na ngetigĩra kuuma nja?
35 Na arĩ korũo harĩ mũndũ ũngĩthikĩrĩria!+
Ingĩĩkĩra kĩrore gĩakwa* maũndũ-inĩ macio ndoiga.
Mwene-Hinya-Wothe nĩ anjokerie!+
Na arĩ korũo mũndũ ũrĩa ũrathitanga nĩ andĩkĩte marũa ma kuonania thitango ciakwa!
36 Ingĩmakuuaga na kĩande gĩakwaNa ndĩmekĩre kĩongo-inĩ gĩakwa ta thũmbĩ.
37 Ingĩmũtaarĩria gĩtũmi kĩa ũndũ o wothe ndaneka;Ingĩthiĩ harĩ we ndĩ na ũmĩrĩru, o ta mũnene.
38 Korũo mũgũnda wakwa no wanĩrĩre ũtete nĩ ũndũ wakwaNa mĩtaro yaguo ĩkae ĩrĩ hamwe;
39 Angĩkorũo ndanarĩa maciaro maguo itekũrĩha,+Kana ngatũma ene mĩgũnda morũo nĩ hinya;+
40 Mũgũnda wakwa ũrokũra mĩigua handũ ha nganoNa ũkũre mahuti marĩa manungaga ũũru handũ ha cairi.”
Ciugo cia Ayubu ithirĩire hau.
Tũũhoro twa magũrũ-inĩ
^ Kana hihi, “na andũ mataaragia ma?”
^ Kana “njiarũa ciakwa iniinwo.”
^ Ũkk., “Na arũme angĩ maturie maru igũrũ rĩake.”
^ Kana “cairi.”
^ Ũkk., “ũngĩrĩa nginya wanange.”
^ Kana “Ũmunye.”
^ Kana “marĩ na ciira.”
^ Ũkk., “angĩarahũka?”
^ Ũkk., “thĩinĩ wa nda ya maitũ.”
^ Ũkk., “ngĩtũma maitho ma mũtumia wa ndigwa mage kuona.”
^ Ũkk., “kuuma ndĩ o nda ya maitũ.”
^ Kana hihi, “Rĩrĩa ndonire atĩ harĩ andũ mangĩanyitire mbaru kĩhingo-inĩ gĩa itũũra.”
^ Kana “ihĩndĩ-inĩ rĩa mwena wa rũgongo.”
^ Ũkk., “ũtheri warĩte.”
^ Ũkk., “nyama.”
^ Kana “mũndũ wa kũngĩ.”
^ Kana “thaĩri yakwa.”
