Habakuku 3:1-19
3 Ihoya rĩa mũnabii Habakuku, na njĩra ya nyĩmbo cia macakaya:
2 Atĩrĩrĩ Jehova, nĩ njiguĩte ũhoro waku.
Nĩ ngegagio nĩ wĩra waku, wee Jehova.
Rurumũkia wĩra waku gatagatĩ-inĩ ka mĩaka ĩyo!*
Menyithania ũhoro waguo gatagatĩ-inĩ ka mĩaka ĩyo.*
Ũroririkana kũiguanĩra tha hĩndĩ ya mĩtangĩko.+
3 Ngai ookire oimĩte Temani,Ũrĩa Mũtheru agĩũka oimĩte Kĩrĩma gĩa Parani.+ (Sela)*
Riri wake ũkĩhumbĩra kũrĩa igũrũ;+Thĩ ĩkĩiyũra rũgooco rwake.
4 Ũkengu wake watariĩ ta ũtheri.+
Mĩrũri ĩĩrĩ ĩkĩhenũka kuuma guoko-inĩ gwake,Harĩa hinya wake wahithĩtwo.
5 Mũrimũ mũũru wathiaga ũrĩ mbere yake,+Na mũrimũ wa kũhiũha mwĩrĩ ũkamuuma thutha magũrũ-inĩ make.
6 Aarũgamire na agĩthingithia thĩ.+
Aarorire, agĩtũma ndũrĩrĩ cinaine.+
Irĩma iria itũũraga kuuma tene nĩ ciahehenjirũo,Natuo tũrĩma tũrĩa twa tene tũkĩinamĩrĩra.+
Tũcĩra twa tene nĩ twake.
7 Nĩ ndonire thĩna hema-inĩ cia Kushani.
Itambaya cia hema cia bũrũri wa Midiani ikĩinaina.+
8 Hihi marakara maku wee Jehova marakana kwerekera njũũĩ?
Hihi marakana kwerekera njũũĩ?
Kana hihi mang’ũrĩ maku merekeirio kũrĩ iria?+
Nĩ gũkorũo nĩ wahaicire igũrũ rĩa mbarathi ciaku;+Ngaari ciaku cia mbarathi nĩ ciahootanire.*+
9 Ũta waku nĩ mũguũrie na ũkahaarĩrio.
Thanju nĩ ciĩhaarĩirie* kũruta wĩra wacio kũringana na mwĩhĩtwa.* (Sela)
Nĩ wagayũkanirie thĩ ũkĩhũthĩra njũũĩ.
10 Irĩma ciakuonire ikĩĩnyogonda nĩ ruo.+
Mbura nene ĩgĩtuĩkanĩria bũrũri-inĩ.
Kũndũ kũrĩa kũriku gũkĩrarama na mũgambo wakuo.+
Gũkĩambararia moko makuo na igũrũ.
11 Riũa na mweri ciarũgamire gĩikaro-inĩ gĩacio gĩtũũgĩru.+
Mĩguĩ yaku ĩgĩthiĩ o ta ũtheri.+
Rũheni rwa itimũ rĩaku rwarĩ rũkengu.
12 Watuĩkanĩirie thĩ ũrĩ na mang’ũrĩ.
Ũkĩrangĩrĩria ndũrĩrĩ ũrĩ na marakara.
13 Woimagarire ũgĩthiĩ kũhonokia andũ aku, kũhonokia ũrĩa waku mũitĩrĩrie maguta.
Ũkĩhehenja mũtongoria* wa nyũmba ya ũrĩa mwaganu.
Yaguũririo kuuma mũthingi-inĩ o nginya igũrũ.* (Sela)
14 Nĩ wathecire mũtwe wa njamba ciake cia ita na matharaita make* we mweneRĩrĩa ciahithũkĩire nĩguo ciihurunje.
Nĩ ciakenire mũno gũtambura na hitho ũrĩa mũhinyĩrĩrĩku.
15 Wagereire iria-inĩ na mbarathi ciaku,Ũkĩgerera maĩ-inĩ maingĩ marĩa maahũyũkaga.
16 Ndaiguire ũhoro ũcio ngĩinaina thĩinĩ wakwa;*Ndaigua mũgambo ũcio iromo ciakwa ikĩinaina.
Kũbutha gũkĩingĩra mahĩndĩ-inĩ makwa;+Magũrũ makwa nĩ kũinaina maainainaga.
Ĩndĩ niĩ njetagĩrĩra mũthenya ũrĩa wa mĩtangĩko ngirĩte,+Tondũ nĩ ũroka kũrĩ andũ arĩa matũtharĩkagĩra.
17 O na gũtuĩka mũtĩ wa mũkũyũ no wage kũruta kĩro,Na mĩthabibũ yage kũruta maciaro;O na gũtuĩka mũtamaiyũ no wage gũciara,Nayo mĩgũnda* yage kũruta irio;O na gũtuĩka kiugũ no kĩage rũũru,Na kwage ng’ombe ciugũ-inĩ;
18 Niĩ-rĩ, nĩ ndĩrĩkenaga nĩ ũndũ wa Jehova;Ndĩrĩkenaga nĩ ũndũ wa Ngai wa ũhonokio wakwa.+
19 Jehova Mwathani Ũrĩa Mũnene nĩwe hinya wakwa;+Agaatũma magũrũ makwa mahaane ta ma thwarigaNa atũme ngerere kũndũ gũtũũgĩru.+
Tũũhoro twa magũrũ-inĩ
^ Kana hihi, “mahinda-inĩ maitũ.”
^ Kana hihi, “mahinda-inĩ maitũ.”
^ Rora Ũthathaũri wa Ciugo.
^ Kana “ciahonokanirie.”
^ Kana hihi, “Mĩguĩ nĩ ĩĩhaarĩirie.”
^ Kana hihi, “Mĩĩhĩtwa ya mĩhĩrĩga nĩ ĩgwetetwo.”
^ Ũkk., “ngingo.”
^ Ũkk., “mũtwe.”
^ Ũkk., “thanju ciake.”
^ Ũkk., “nda yakwa ĩkĩinaina.”
^ Kana “mĩtaro.”
