Hosea 5:1-15
-
Ituĩro harĩ Efiraimu na Juda (1-15)
5 “Iguai ũhoro ũyũ, inyuĩ athĩnjĩri-Ngai,+Tegai matũ, inyuĩ nyũmba ya Isiraeli,Thikĩrĩriai, inyuĩ nyũmba ya mũthamaki,Nĩ gũkorũo ituĩro nĩ inyuĩ rĩkoniĩ;Tondũ inyuĩ mũrĩ mũtego kũu MizipaNa neti yambĩtwo kũu Taboru.+
2 Na andũ arĩa aremi nĩ marikĩire* mũno harĩ ũũragani,Na nĩ ndĩramahe mũkaana* othe.
3 Nĩ njũĩ Efiraimu,Na Isiraeli ndĩhithĩtwo kuuma harĩ niĩ.
Nĩ gũkorũo rĩu, wee Efiraimu, nĩ ũhũũrĩte ũmaraya;Isiraeli nĩ ĩĩthahĩtie.+
4 Ciĩko ciao itimetĩkagĩria macokerere Ngai wao,Tondũ kũrĩ na roho wa ũmaraya gatagatĩ-inĩ kao;+Na matiũĩ Jehova.
5 Mwĩtĩo wa Isiraeli nĩ ũrutĩte ũira mũũru ũmũkoniĩ;*+Isiraeli na Efiraimu nĩ mahĩngĩtwo nĩ mahĩtia mao,Na Juda nĩ ahĩngĩtwo hamwe nao.+
6 Maathire gũcaria Jehova marĩ na rũũru rwao rwa ng’ondu na rwa ng’ombe,No matiamuonire.
Nĩ aamehereire.+
7 Nĩ makunyanĩire Jehova,+Tondũ nĩ maciarĩte ciana ng’eni.*
Rĩu mweri* nĩ ũkũmatambura* hamwe na igai rĩao.*
8 Huuhai coro+ kũu Gibea, mũhuuhe karumbeta kũu Rama!+
Ugĩrĩriai mbugĩrĩrio ya mbaara kũu Bethi-aveni+—thutha waku, wee Benjamini!
9 Atĩrĩrĩ wee Efiraimu, nĩ ũgaatuĩka kĩndũ gĩa kũguoyohia mũthenya wa kũherithio.+
Nĩ menyithanĩtie ũrĩa gũkaahaanĩka gatagatĩ-inĩ ka mĩhĩrĩga ya Isiraeli.
10 Anene a Juda matariĩ ta andũ arĩa mathaamagia mũhaka.+
Nĩ ngaamaitĩrĩria mang’ũrĩ makwa ta maĩ.
11 Efiraimu nĩ mũhinyĩrĩrie, akahehenjwo nĩ ituĩro,Nĩ gũkorũo nĩ eehotorete kũrũmĩrĩra thũ yake.+
12 Nĩ ũndũ ũcio niĩ ndatariĩ ta memenyi harĩ EfiraimuNa ngahaana ta ũbuthu harĩ nyũmba ya Juda.
13 Rĩrĩa Efiraimu oonire mũrimũ wake, na Juda akĩona kĩronda gĩake,Efiraimu aathiire Ashuri+ na agĩtũmana kũrĩ mũthamaki mũnene.
No ndaahotire kũmũhonia inyuĩ,Na ndaahonirie kĩronda kĩanyu.
14 Nĩ gũkorũo ngaahaana ta mũrũthi mwĩthĩ harĩ Efiraimu,Na haane ta mũrũthi ũrĩ hinya* harĩ nyũmba ya Juda.
Niĩ mwene nĩ ngaamatambura tũcunjĩ tũcunjĩ njoke ndĩthiĩre;+Nĩ ngaamataha, na gũtirĩ mũndũ ũkaamahonokia.+
15 Nĩ ngaathiĩ na njoke handũ hakwa nginya mone moimĩrĩro ma mahĩtia mao,Nao nĩ magaacaria ũthiũ wakwa.+
Rĩrĩa magaakorũo na mĩtangĩko, nĩ makaanjetha.”+
Tũũhoro twa magũrũ-inĩ
^ Kana “nĩ meingĩrĩtie.”
^ Kana “nĩ ngaamaherithia.”
^ Ũkk., “kwerekera ũthiũ wake.”
^ Kana hihi, “Ihinda-inĩ rĩa mweri ũmwe nĩ megũtamburũo.”
^ Kana “mĩgũnda yao.”
^ Nĩ mweri wa thikũ.
^ No kũhoteke nĩ ciana iciarĩtwo nĩ atumia a kũngĩ kwoguo igakorũo ciamũranĩtio na Ngai.
^ Kana “mũrũthi mwĩthĩ wa njamba.”
