Hosea 8:1-14
8 “Ĩkĩra coro kanua-inĩ gaku!+
Thũ ĩroka ta nderi gũũkĩrĩra nyũmba ya Jehova,+Nĩ gũkorũo nĩ mathũkĩtie kĩrĩkanĩro gĩakwa+ na makagarara watho wakwa.+
2 Mangayagĩra makoiga atĩrĩ, ‘Ngai wakwa, ithuĩ Isiraeli nĩ tũkũũĩ!’+
3 Isiraeli nĩ aregete ũndũ ũrĩa mwega.+
Arothingatwo nĩ thũ.
4 Nĩ mathuurĩte athamaki, no ti kũgerera harĩ niĩ.
Nĩ mathuurĩte anene, no niĩ ndiametĩkĩrire.
Mathondekete mĩhianano makĩhũthĩra betha na thahabu ciao,+Makerehera mwanangĩko.+
5 Njaũ yaku nĩ ĩregetwo, wee Samaria.+
Marakara makwa nĩ marakana kũmerekera.+
Hihi megũtũũra maremetwo nĩ gũikara matarĩ ũcuke* nginya rĩ?
6 Nĩ gũkorũo yumĩte Isiraeli.
Yathondekirũo nĩ bundi, nayo ti Ngai;Njaũ ĩyo ya Samaria ĩgaathũkangio ĩtuĩke tũcunjĩ.
7 Nĩ gũkorũo marahanda rũhuho,Na makaagetha rũhuho rũnene.+
Gũtirĩ mũmera wa ngano* ũgĩaga ngano* ĩngĩgethwo;*+Kĩrĩa gĩothe gĩthundũkaga gĩtirutaga mũtu.
Na kĩngĩruta, andũ a kũngĩ* nĩo makaaũmeria.+
8 Isiraeli nĩ makaamerio.+
Rĩu marĩkoragwo gatagatĩ-inĩ ka ndũrĩrĩ,+Mahaana o ta kĩndũ gĩtangĩendeka.
9 Nĩ gũkorũo nĩ mambatĩte magathiĩ Ashuri,+ o ta ndigiri ya gĩthaka ĩrĩ iki.
Efiraimu nĩ arĩhĩte andũ matuĩke endwa ake.+
10 O na gũtuĩka marĩhaga endwa acio kuuma gatagatĩ-inĩ ka ndũrĩrĩ,Rĩu nĩ ngũmacokanĩrĩria;Nĩ mekwambĩrĩria kũnyarirĩka+ nĩ ũndũ wa mũrigo ũrĩa maigĩrĩirũo nĩ mũthamaki na anene.
11 Tondũ Efiraimu nĩ akĩte igongona nyingĩ na ũndũ ũcio ũgatũma ehie.+
Ciatuĩkire igongona ciake cia kwĩhia.+
12 Nĩ ndamwandĩkĩire maũndũ maingĩ ma watho* wakwa,No moonirũo mahaana ta kĩndũ kĩgeni.+
13 Mandutagĩra magongona marĩ iheo, na makarĩa nyama icio,No Jehova ndakenagio nĩmo.+
Rĩu nĩ ekũririkana mahĩtia mao na amaherithie nĩ ũndũ wa mehia mao.+
Nĩ magarũrũkĩte magacoka* Misiri.+
14 Isiraeli nĩ ariganĩirũo nĩ Mũũmbi wake+ na nĩ akĩte hekarũ,+Nake Juda nĩ aingĩhĩtie matũũra make marĩa marĩ na ũgitĩri.+
No nĩ ngaatũma mwaki ũthiĩ matũũra-inĩ macio make,Na nĩ ũgaacina nyũmba iria ndaya na igũrũ cia o itũũra.”+
Tũũhoro twa magũrũ-inĩ
^ Kana “metheretie.”
^ Kana “ageni.”
^ Kana “irũgamĩte.”
^ Kana “cairi.”
^ Kana “cairi.”
^ Kana “ũrutani.”
^ Kana hihi, “Nĩ magaacoka.”
