Joeli 1:1-20
1 Gĩkĩ nĩkĩo kiugo kĩa Jehova kĩrĩa gĩakinyĩire Joeli* mũrũ wa Pethueli:
2 “Thikĩrĩriai ũhoro ũyũ, inyuĩ athuri,*Na mũtege matũ, inyuĩ aikari othe a bũrũri.*
Hihi nĩ kũrĩ gwekĩka ũndũ ta ũyũ matukũ-inĩ manyuKana matukũ-inĩ ma maithe manyu ma tene?+
3 Ĩrai ariũ anyu ũhoro ũcio,Nao ariũ anyu meere ariũ ao,Nao ariũ ao makeera rũciaro rũrĩa rũgooka.
4 Kĩrĩa gĩatigirio nĩ ngigĩ iria itamburaga, nĩ kĩrĩtwo nĩ ngigĩ iria ithiaga irĩ gĩkundi;+Na kĩrĩa gĩatigirio nĩ ngigĩ iria ithiaga irĩ gĩkundi, nĩ kĩrĩtwo nĩ ngigĩ iria itarĩ mathagu;Na kĩrĩa gĩatigirio nĩ ngigĩ iria itarĩ mathagu, nĩ kĩrĩtwo nĩ ngigĩ iria irĩ mũkoroko.+
5 Arahũkai, inyuĩ arĩĩu,+ na mũrĩre!
Cakayai inyuothe arĩa mũnyuaga ndibei,Tondũ ndibei ĩrĩa ĩrĩ cama nĩ yeheretio kuuma tũnua-inĩ twanyu.+
6 Tondũ nĩ kũrĩ rũrĩrĩ rũkĩte bũrũri-inĩ wakwa, rũrĩrĩ rũrĩ hinya na rũtangĩtarĩka.+
Magego maruo nĩ ta magego ma mũrũthi,+ nacio thĩa ciaruo nĩ ta cia mũrũthi.
7 Nĩ rwanangĩte mũthabibũ wakwa na rũgatũma mũtĩ wakwa wa mũkũyũ ũtuĩke gĩthukĩ,Rũmĩũnũrĩte biũ ĩgatigwo ũtheri na rũkamĩte,Rũgatiga honge ciayo irĩ cia rangi mwerũ.
8 Cakayai o ta ũrĩa mũirĩtu gathirange ekaga ehumbĩte nguo ya ikũniaAkĩrĩrĩra mũthuri* wa wĩthĩ wake.
9 Magongona ma mũtu+ na magongona ma ndibei+ nĩ mathirĩte thĩinĩ wa nyũmba ya Jehova;Athĩnjĩri-Ngai, o acio ndungata cia Jehova, nĩ gũcakaya maracakaya.
10 Mũgũnda nĩ ũthũkangĩtio, nayo thĩ nĩ gũcakaya ĩracakaya;+Nĩ gũkorũo ngano* nĩ ĩthũkangĩtio, ndibei njerũ* nĩ ĩniarĩte, namo maguta nĩ mathirĩte.+
11 Arĩmi nĩ mamakĩte, arĩmi a thabibũ nĩ maracakaya,Tondũ wa ngano na cairi;Nĩ gũkorũo magetha ma mũgũnda nĩ mathũkangĩte.
12 Mũthabibũ nĩ ũũmĩte,Mũkũyũ nĩ ũhoohete.
Mũkomamanga, mũkĩndũ, na mũtĩ wa ĩpũ,Mĩtĩ yothe ya mũgũnda nĩ yũmĩte;+Nĩ gũkorũo gĩkeno nĩ kĩgarũrũkĩte gĩgatuĩka gĩconoko gatagatĩ-inĩ ka andũ.
13 Mwĩhumbei* nguo cia makũnia na mũcakae* inyuĩ athĩnjĩri-Ngai;Rĩrai, inyuĩ mũtungataga kĩgongona-inĩ.+
Tonyai na mũraare mwĩhumbĩte nguo cia makũnia, inyuĩ ndungata cia Ngai wakwa;Nĩ gũkorũo magongona ma mũtu+ na magongona ma ndibei+ nĩ matigĩte gũtwarũo thĩinĩ wa nyũmba ya Ngai wanyu.
14 Anĩrĩrai* ihinda rĩa kwĩhinga; ĩtai kĩgomano gĩtheru.+
Cokanĩrĩriai athuri,* hamwe na aikari othe a bũrũri,Moke thĩinĩ wa nyũmba ya Jehova Ngai wanyu,+ na mũkaĩre Jehova amũteithie.
15 Kaĩ kũrĩ na haaro nĩ ũndũ wa mũthenya ũcio-ĩ!
Nĩ gũkorũo mũthenya wa Jehova ũrĩ hakuhĩ,+Na ũgooka o ta mwanangĩko kuuma kũrĩ Mwene-Hinya-Wothe!
16 Na githĩ irio itieheretio tũkĩĩyonagĩra na maitho maitũ,Na gĩkeno na gũcanjamũka ikeherio kuuma nyũmba-inĩ ya Ngai witũ?
17 Mbeũ* nĩ ihoohete rungu rwa icakũri ciao.
Makũmbĩ nĩ matiganĩirio.
Makũmbĩ nĩ mamomoretwo, nĩ gũkorũo ngano* nĩ yũmĩte.
18 Nginya mahiũ nĩ maracaya!
Ndũũru cia ng’ombe irorũra itukanĩirũo, nĩ gũkorũo itirĩ na ũrĩithio!
Nacio ndũũru cia ng’ondu nĩ irathĩnĩka.
19 Wee Jehova nĩwe ngũkaĩra;+Nĩ gũkorũo mwaki nĩ wanangĩte ũrĩithio wa werũ-inĩ,Na rũrĩrĩmbĩ nĩ rũcinĩte mĩtĩ yothe ya gĩthaka.
20 O na nyamũ cia gĩthaka nĩ ikwanagĩria,Tondũ tũrũũĩ twa maĩ nĩ tũhũĩteNa mwaki nĩ wanangĩte ũrĩithio wa werũ-inĩ.”
Tũũhoro twa magũrũ-inĩ
^ Rĩĩtwa rĩu riugĩte “Jehova Nĩ Ngai.”
^ Athuri arĩa meehokeirũo maũndũ.
^ Kana “thĩ.”
^ Kana “mũhikania.”
^ Kana “cairi.”
^ Kana “ndibei ya mũhihano.”
^ Ũkk., “Mwĩhotorei.”
^ Kana “mwĩhũũre gĩthũri.”
^ Ũkk., “Amũrai.”
^ Athuri arĩa meehokeirũo maũndũ.
^ Kana hihi, “Ngũyũ iria nyũmithie.”
^ Kana “cairi.”