Joeli 3:1-21
3 “Na rĩrĩ, matukũ-inĩ macio na ihinda-inĩ rĩu,Rĩrĩa ngaacokia andũ arĩa matahĩtwo a Juda na Jerusalemu,+
2 Nĩ ngaacokanĩrĩria ndũrĩrĩ ciothe hamweNa ndĩciikũrũkie ndĩcitware Mũkuru-inĩ wa* Jehoshafatu.*
Nĩ ngaaciciirithia irĩ kũu+Nĩ ũndũ wa andũ akwa na igai rĩakwa Isiraeli,Tondũ nĩ maamahurunjire gatagatĩ-inĩ ka ndũrĩrĩ,Na makĩgayana bũrũri wakwa.+
3 Maacukagĩra andũ akwa mĩtĩ;+Maaneanaga kamwana magagakũũrania na mũmarayaNa makendia kairĩtu nĩguo mone ndibei ya kũnyua.
4 Ningĩ-rĩ, nĩ kĩĩ mũranjũria,Inyuĩ Turo na Sidoni na icigo ciothe cia Filistia?
Kaĩ arĩ kwĩrĩhĩria mũrerĩhĩria harĩ niĩ tondũ wa ũndũ njĩkĩte?
Angĩkorũo nĩ kwĩrĩhĩria mũrerĩhĩria harĩ niĩ,Nĩ ngaahiũha o na ihenya ndĩmũrehere kwĩrĩhĩria kũu kwanyu igũrũ rĩa mĩtwe yanyu.+
5 Tondũ nĩ muoete betha na thahabu ciakwa,+Na mũgatwara mĩthithũ yakwa ĩrĩa mĩega biũ thĩinĩ wa hekarũ cianyu;
6 Na andũ a Juda na a Jerusalemu nĩ mũmendetie kũrĩ Angiriki,+Nĩgetha mũmeherie mũmatware kũraihu na gĩcigo kĩao;
7 Nĩ ngaamaarahũra moime kũndũ kũrĩa mwamendirie,+Na nĩ ngaamũrehera kwĩrĩhĩria kũu kwanyu igũrũ rĩa mĩtwe yanyu.
8 Nĩ ngeendia ariũ anyu o na aarĩ anyu ndĩmaneane guoko-inĩ kwa andũ a Juda,+Nao nĩ makaamendia kũrĩ andũ a Sheba, mamendie kũrĩ rũrĩrĩ rwa kũndũ kũraya;Nĩ gũkorũo Jehova we mwene nĩwe warĩtie ũndũ ũcio.
9 Anĩrĩrai ũndũ ũyũ gatagatĩ-inĩ ka ndũrĩrĩ:+
‘Mwĩhaarĩriei nĩ ũndũ wa* mbaara! Arahũrai andũ arĩa marĩ hinya!
Thigari ciothe nĩ ikuhĩrĩrie na itharĩkĩre!+
10 Turai hiũ cianyu cia mĩraũ ituĩke hiũ cia njora nacio hiũ cianyu cia gũceha ituĩke matimũ.
Mũndũ ũrĩa ũtarĩ hinya nĩ oige atĩrĩ: “Ndĩ na hinya.”
11 Ũkai mũteithie, inyuĩ ndũrĩrĩ ciothe iria ithiũrũrũkĩirie, cokanĩrĩrai hamwe!’”+
Atĩrĩrĩ Jehova, harũrũkia njamba ciaku cia ita kũndũ kũu.
12 “Ndũrĩrĩ nĩ ciarahũrũo na ithiĩ Mũkuru-inĩ wa* Jehoshafatu;Tondũ kũu nĩkuo ngaaikara thĩ nĩgetha nduĩre ndũrĩrĩ ciothe iria ithiũrũrũkĩirie.+
13 Hiũriai rũhiũ rwa kũgetha, tondũ magetha nĩ makũrũ.
Ikũrũkai mũrangarange thabibũ, tondũ kĩhihĩro kĩa ndibei nĩ kĩiyũru.+
Mĩtũngi nĩ mĩiyũru, nĩ gũkorũo ũũru wao nĩ mũingĩ.
14 Irĩndĩ-rĩ, irĩndĩ irĩ mũkuru-inĩ wa* ituĩro,Tondũ mũthenya wa Jehova ũrĩ hakuhĩ mũkuru-inĩ wa* ituĩro.+
15 Riũa na mweri nĩ ikaagĩa nduma,Nacio njata itigaakorũo na ũtheri wacio.
16 Nake Jehova nĩ akaararama arĩ Zayuni,Nĩ akaanĩrĩra na mũgambo mũnene arĩ Jerusalemu.
Na igũrũ na thĩ nĩ igaathingitha;Ĩndĩ Jehova agaatuĩka rĩũrĩro harĩ andũ ake,+Atuĩke handũ hairigĩre harĩ andũ a Isiraeli.
17 Na nĩ mũkaamenya atĩ niĩ nĩ niĩ Jehova Ngai wanyu, o niĩ ndũũraga Zayuni, kĩrĩma gĩakwa kĩrĩa kĩamũre.+
Jerusalemu gũgaatuĩka kũndũ kwamũre,+Na ageni* matigaacoka gũtuĩkanĩria kuo rĩngĩ.+
18 Mũthenya ũcio irĩma igaataatia ndibei ĩrĩ na cama,+Tũrĩma tũthererie iria,Natuo tũrũũĩ tuothe twa Juda tũthererie maĩ.
Itherũkĩro rĩa maĩ nĩ rĩgaatherera kuuma nyũmba-inĩ ya Jehova,+Na rĩnyuithie Mũkuru wa Mĩtĩ ya Mĩgaa.
19 No Misiri ĩgaatuĩka kũndũ gũtiganĩrie,+Nayo Edomu ĩtuĩke werũ mũtiganĩrie,+Tondũ wa maũndũ ma ũhinya marĩa andũ a Juda mekĩtwo,+O acio bũrũri wao waitirũo thakame ĩtarĩ na mahĩtia nĩo.+
20 Ĩndĩ Juda gũgaatũũra gũikaragwo nĩ andũ,Nakuo Jerusalemu gũtũũrũo nginya njiarũa na njiarũa.+
21 Thakame* yao ĩrĩa ndonaga ĩrĩ na mahĩtia nĩ ngaamĩona ĩtarĩ na mahĩtia;+Na Jehova nĩ agaatũũra thĩinĩ wa Zayuni.”+
Tũũhoro twa magũrũ-inĩ
^ Kana “Kĩanda-inĩ kĩa.”
^ Rĩĩtwa rĩu riugĩte “Jehova nĩ Mũtuanĩri Ciira.”
^ Ũkk., “Amũrai.”
^ Kana “Kĩanda-inĩ kĩa.”
^ Kana “kĩanda-inĩ gĩa.”
^ Kana “kĩanda-inĩ gĩa.”
^ Kana “andũ a kũngĩ.”
^ Kana “Ihĩtia rĩao rĩa ũiti wa thakame.”
