Malaki 4:1-6
4 “Tondũ rĩrĩ, mũthenya nĩ ũroka, wakanĩte ta riiko,+ rĩrĩa arĩa othe eĩkĩrĩri na arĩa othe mamenyerete gwĩka maũndũ ma waganu magaatuĩka ta mahuti. Hatarĩ nganja mũthenya ũcio ũroka nĩ ũkaamatambura,” ũguo nĩguo Jehova mũnene wa ita ekuuga, “na ũkaamatiga matarĩ na mũri kana rũhonge.
2 No inyuĩ arĩa mũtĩĩte* rĩĩtwa rĩakwa, riũa rĩa ũthingu nĩ rĩkaamwarĩra, rĩrĩ na ũhoro wa kũhonania mĩrũri-inĩ yarĩo;* na nĩ mũgaatũhatũha ta tũcaũ tũnorie.”
3 “Na nĩ mũkaarangĩrĩria arĩa aganu na makinya manyu, tondũ magaatuĩka ta rũkũngũ rungu rwa makinya manyu mũthenya ũrĩa ngoya ikinya,” ũguo nĩguo Jehova mũnene wa ita ekuuga.
4 “Ririkanai Watho wa Musa ndungata yakwa, mũririkane mawatho na matuĩro marĩa ndathanire kũu Horebu mathĩkagĩrũo nĩ Aisiraeli othe.+
5 “Atĩrĩrĩ, nĩ ngũmũtũmĩra mũnabii Elija,+ mbere ya mũthenya ũrĩa mũnene na wa kũmakania wa Jehova ũũkĩte.+
6 Na nĩ akaagarũra ngoro cia maithe icoke kũrĩ ariũ,+ na agarũre ngoro cia ariũ icoke kũrĩ maithe, nĩgetha ndigoke hũũre thĩ ndĩmĩanange.”
