Ũhoro Mwega Ũrĩa Waandĩkirũo nĩ Mathayo 1:1-25
1 Ibuku rĩa ũhoro wĩgiĩ ũtũũro wa* Jesu Kristo,* mũrũ wa Daudi,+ mũrũ wa Iburahimu:+
2 Iburahimu agĩtuĩka ithe wa Isaaka;+Isaaka agĩtuĩka ithe wa Jakubu;+Jakubu agĩtuĩka ithe wa Juda+ na ariũ a ithe;
3 Juda agĩtuĩka ithe wa Perezu na Zera+ kũgerera harĩ Tamaru;Perezu agĩtuĩka ithe wa Hezironi;+Hezironi agĩtuĩka ithe wa Ramu;+
4 Ramu agĩtuĩka ithe wa Aminadabu;Aminadabu agĩtuĩka ithe wa Nahashoni;+Nahashoni agĩtuĩka ithe wa Salimoni;
5 Salimoni agĩtuĩka ithe wa Boazu kũgerera harĩ Rahabu;+Boazu agĩtuĩka ithe wa Obedi kũgerera harĩ Ruthu;+Obedi agĩtuĩka ithe wa Jesii;+
6 Jesii agĩtuĩka ithe wa Mũthamaki Daudi.+
Daudi agĩtuĩka ithe wa Suleimani+ kũgerera harĩ mũtumia wa Uria;
7 Suleimani agĩtuĩka ithe wa Rehoboamu;+Rehoboamu agĩtuĩka ithe wa Abija;Abija agĩtuĩka ithe wa Asa;+
8 Asa agĩtuĩka ithe wa Jehoshafatu;+Jehoshafatu agĩtuĩka ithe wa Jehoramu;+Jehoramu agĩtuĩka ithe wa Uzia;
9 Uzia agĩtuĩka ithe wa Jothamu;+Jothamu agĩtuĩka ithe wa Ahazu;+Ahazu agĩtuĩka ithe wa Hezekia;+
10 Hezekia agĩtuĩka ithe wa Manase;+Manase agĩtuĩka ithe wa Amoni;+Amoni agĩtuĩka ithe wa Josia;+
11 Josia+ agĩtuĩka ithe wa Jekonia+ na ariũ a ithe hĩndĩ ya gũtwarũo ithamĩrio Babuloni.+
12 Thutha wa gũtwarũo ithamĩrio Babuloni, Jekonia agĩtuĩka ithe wa Shealitieli;Shealitieli agĩtuĩka ithe wa Zerubabeli;+
13 Zerubabeli agĩtuĩka ithe wa Abiudu;Abiudu agĩtuĩka ithe wa Eliakimu;Eliakimu agĩtuĩka ithe wa Azoro;
14 Azoro agĩtuĩka ithe wa Zadoku;Zadoku agĩtuĩka ithe wa Akimu;Akimu agĩtuĩka ithe wa Eliudi;
15 Eliudi agĩtuĩka ithe wa Eliazaru;Eliazaru agĩtuĩka ithe wa Mathani;Mathani agĩtuĩka ithe wa Jakubu;
16 Jakubu agĩtuĩka ithe wa Jusufu mũthuri wa Mariamu ũrĩa waciarire Jesu,+ ũrĩa wĩtagwo Kristo.+
17 Kwoguo njiarũa ciothe, kuuma harĩ Iburahimu nginya harĩ Daudi ciarĩ njiarũa 14, na kuuma harĩ Daudi nginya hĩndĩ ya gũtwarũo ithamĩrio Babuloni ciarĩ njiarũa 14, na kuuma hĩndĩ ya gũtwarũo ithamĩrio Babuloni nginya harĩ Kristo ciarĩ njiarũa 14.
18 No gũciarũo kwa Jesu Kristo gwatariĩ ũũ: Hĩndĩ ĩrĩa nyina, Mariamu, maarĩ na kĩrĩko na Jusufu gĩa kũhikania, agĩkorũo agĩĩte nda na njĩra ya roho mũtheru*+ matanahikania.
19 No rĩrĩ, tondũ mũthuriwe, Jusufu, aarĩ mũndũ mũthingu na ndeendaga kũmũconorithia kũrĩ andũ, akĩbanga kũmũtiga na hitho.+
20 No thutha wa gwĩciria ũhoro ũcio, mũraika wa Jehova* akĩmuumĩrĩra kĩroto-inĩ, akĩmwĩra: “Jusufu mũrũ wa Daudi, ndũgetigĩre gũtwara mũtumia waku Mariamu mũciĩ, tondũ nda ĩyo arĩ nayo yumanĩte na roho mũtheru.+
21 Nĩ agaaciara mwana wa kahĩĩ, nawe ũkaamwĩta Jesu,*+ tondũ nĩ akaahonokia andũ ake kuuma mehia-inĩ mao.”+
22 Maũndũ macio mothe meekĩkire nĩguo ciugo cia Jehova* ihinge, iria aaririe kũgerera mũnabii wake, akiuga:
23 “Atĩrĩrĩ, mũirĩtu gathirange nĩ akaagĩa nda, na aciare mwana wa kahĩĩ, na makaamwĩta Imanueli,”+ rĩĩtwa rĩu rĩataũrũo nĩ kuuga, “Ngai Arĩ Hamwe na Ithuĩ.”+
24 Jusufu agĩcoka agĩũkĩra kuuma toro na agĩka o ũrĩa mũraika wa Jehova* aamwĩrĩte, akĩoya mũtumia wake akĩmũtwara mũciĩ.
25 No ndaigana gũkoma nake o nginya rĩrĩa aaciarire mwana wa kahĩĩ,+ na akĩmwĩta Jesu.+
Tũũhoro twa magũrũ-inĩ
^ Kana “Mesia; Ũrĩa Mũitĩrĩrie Maguta.”
^ Kana “ndĩra cia.”
^ Kana “hinya wa gwĩka maũndũ.”
^ Haha nĩho rĩĩtwa rĩa Ngai, Jehova, rĩonekaga riita rĩa mbere harĩ maita 237 marĩa rĩĩtwa rĩu rĩonekaga thĩinĩ wa Maandĩko ma Gĩkristiano ma Kĩngiriki Bibilia-inĩ ĩno. Rora Ũhoro Muongerere A5.
^ Rĩĩtwa rĩu rĩhaanaine na rĩĩtwa rĩa Kĩhibirania, Jeshua, kana Joshua, rĩrĩa riugĩte “Jehova Nĩ Ũhonokio.”
^ Rora Ũhoro Muongerere A5.
^ Rora Ũhoro Muongerere A5.
