Mika 3:1-12
3 Na niĩ ngiuga atĩrĩ: “Ta thikĩrĩriai inyuĩ atongoria a JakubuO na inyuĩ anene a nyũmba ya Isiraeli.+
Githĩ mũtiagĩrĩirũo kũmenya ũndũ ũrĩa wa kĩhooto?
2 No inyuĩ nĩ mũthũire ũndũ ũrĩa mwega+ na mũkenda ũrĩa mũũru;+Mũũnũraga andũ akwa ngothi na mũkaruta nyama kuuma mahĩndĩ-inĩ mao.+
3 Ningĩ nĩ mũrĩaga nyama cia mĩĩrĩ ya andũ akwa+Na mũkamonũra ngothi,Mũkoinanga mahĩndĩ mao, mũkamahehenja magatuĩka tũcunjĩ,+O ta kĩndũ kĩrarugĩrũo nyũngũ-inĩ,* ta nyama irĩ nyũngũ-inĩ ya kũrugĩra.
4 Hĩndĩ ĩyo nĩ magaakaĩra Jehova amateithie,No ndakaamacokeria.
Hĩndĩ ĩyo nĩ akaahitha ũthiũ wake kuuma harĩ o,+Tondũ wa ciĩko ciao cia waganu.+
5 Jehova ekuuga ũũ kwerekera anabii acio mahĩtithagia andũ akwa,+Arĩa moigaga ‘Thayũ!’+ makĩrũmaga* na magego mao+No makanĩrĩra* mbaara kwerekera mũndũ ũrĩa ũtekagĩra kĩndũ tũnua-inĩ twao:
6 ‘Nĩ mũgaakorũo na ũtukũ;+ gũtigaakorũo na kĩoneki;+Nduma noyo mũgaakorũo nayo, mũtikaaragũra.
Riũa nĩ rĩgaathũa harĩ anabii,Naguo mũthenya nĩ ũkaagarũrũka ũtuĩke nduma harĩ o.+
7 Arĩa monaga cioneki nĩ magaaconorithio,+Nao aragũri nĩ magaaconoka.
Othe nĩ makaahumbĩra tũnua twao,*Tondũ wa kwaga macokio kuuma kũrĩ Ngai.’”
8 No niĩ-rĩ, nĩ njiyũrĩtwo nĩ hinya kũgerera roho wa Jehova,Na ngaiyũrũo nĩ kĩhooto na ũhoti,Nĩguo njĩre Jakubu ũremi wake na njĩre Isiraeli mehia make.
9 Ta thikĩrĩriai ũndũ ũyũ, inyuĩ atongoria a nyũmba ya JakubuO na inyuĩ anene a nyũmba ya Isiraeli,+O inyuĩ mũthũire kĩhooto na mũkogomia maũndũ marĩa mothe marũngarũ,+
10 O inyuĩ mwakaga Zayuni na ũiti wa thakame na mũgaka Jerusalemu na maũndũ matarĩ ma ũthingu.+
11 Atongoria a kuo matuanagĩra ciira nĩguo maheo ihaki,+Athĩnjĩri-Ngai a kuo marutanaga nĩguo marĩhwo,+Nao anabii a kuo maragũranagĩra nĩguo maheo mbeca.*+
Ĩndĩ nĩ megiritanagia na Jehova,* makoiga ũũ:
“Na githĩ Jehova ndarĩ hamwe na ithuĩ?+
Gũtirĩ ũũru ũgaatũkora.”+
12 Nĩ ũndũ wanyu-rĩ,Zayuni ĩkaarĩmwo o ta mũgũnda,Jerusalemu ĩgaatuĩka hĩba cia mwanangĩko,+Nakĩo kĩrĩma kĩa Nyũmba* gĩkaahaana ta kũndũ gũtũũgĩru thĩinĩ wa mũtitũ.*+
Tũũhoro twa magũrũ-inĩ
^ Kana “nyũngũ ya kũrugĩra ĩrĩ na mũromo mwariĩ.”
^ Kana hihi, “rĩrĩa marĩ na kĩndũ gĩa gũtanuka.”
^ Ũkk., “makamũra.”
^ Kana “nderu cia kĩromo kĩa mwena wa igũrũ.”
^ Kana “Ĩndĩ moigaga atĩ nĩ megiritanagia na Jehova.”
^ Kana “betha.”
^ Kana “kĩrĩma kĩa hekarũ.”
^ Kana “ta gathũngũri karĩ na mĩtĩ.”
