Mika 7:1-20
7 Kaĩ ndĩ na haaro-ĩ! Ndariĩ ta mũndũ ũrĩaŨtonaga kĩmanjĩka gĩa thabibũ gĩa kũrĩa,O na kana ngũyũ ĩrĩa yambaga kwĩruha ĩrĩa ndĩriragĩria,Thutha wa gũcokanĩrĩrio kwa matunda ma hĩndĩ ya ũrugarĩNa kũhaara thutha wa magetha ma thabibũ.
2 Mũndũ ũrĩa mwĩhokeku nĩ athirĩte thĩinĩ wa thĩ;Gũtirĩ mũndũ mũrũngĩrĩru gatagatĩ-inĩ ka andũ.+
Othe maikaraga mohetie nĩguo maite thakame.+
O mũndũ ahĩtaga mũrũ wa ithe na neti ya gũtega.
3 Moko mao nĩ moĩ mũno gwĩka ũũru;+Mũnene nĩ etagia kĩheo,Mũtuanĩri ciira agetia ngerenwa,+Mũndũ ũrĩa ũrĩ igweta nĩ amenyithanagia merirĩria make,+Na makahingia ũndũ ũcio marĩ hamwe.*
4 Ũrĩa mwega mũno harĩ o atariĩ ta mĩigua,Ũrĩa mũrũngĩrĩru mũno harĩ o nĩ mũũru gũkĩra rũgiri rwa mĩigua.
Mũthenya wa arangĩri aku na mũthenya waku wa ituĩro nĩ ũgaakinya.+
Hĩndĩ ĩyo nĩ makaanyitwo nĩ guoya.+
5 Ndũgetĩkie mũrata wakuKana wĩhoke mũrata wa hakuhĩ.+
Menyerera ũndũ ũrĩa ũrera mũndũ ũrĩa ũkomaga gĩthũri-inĩ gĩaku.
6 Tondũ mwanake nĩ anyararaga ithe,Mũirĩtu nĩ okagĩrĩra nyina,+Na mũtumia wa mũriũ agokĩrĩra nyaciarawe;+Thũ cia mũndũ nĩ andũ a nyũmba yake.+
7 No niĩ-rĩ, ndĩrĩikaraga njũthĩrĩirie Jehova.+
Nĩ ndĩrĩonanagia mwerekera wa gweterera* Ngai wa ũhonokio wakwa.+
Ngai wakwa nĩ arĩnjiguaga.+
8 Ndũkangenerere, wee thũ yakwa.
O na gũtuĩka nĩ ngwĩte, nĩ ngookĩra;O na gũtuĩka njikaraga nduma-inĩ, Jehova nĩ agaatuĩka ũtheri wakwa.
9 Nĩ ngũkirĩrĩria mang’ũrĩ ma Jehova—Tondũ nĩ ndĩmwĩhĩirie+—O nginya rĩrĩa akaandetera ciira-inĩ wakwa na atũme nyone kĩhooto.
Nĩ akaanduta andehe ũtheri-inĩ;Nĩ ngoona ũthingu wake.
10 Thũ yakwa o nayo nĩ ĩkeeyonera,Na thoni nĩ ikaahumba ũcio wanjĩrire atĩrĩ:
“Jehova Ngai waku arĩ kũ?”+
Maitho makwa nĩ makaamwĩrorera.
Akaarangĩrĩrio ta ndoro barabara-inĩ.
11 Mũthenya ũcio ũgaakorũo ũrĩ wa gwaka thingo ciaku cia mahiga;Mũthenya ũcio mũhaka nĩ ũkaaramio.*
12 Mũthenya ũcio nĩ magooka kũrĩ weeMoimĩte Ashuri na matũũra ma Misiri,Kuuma Misiri o nginya Rũũĩ-inĩ;*Kuuma iria rĩmwe nginya rĩrĩa rĩngĩ na kuuma kĩrĩma kĩmwe nginya kĩrĩa kĩngĩ.+
13 Na bũrũri nĩ ũgaatuĩka kũndũ gũtiganĩrie nĩ ũndũ wa aikari aguo,Tondũ wa maũndũ marĩa mekĩte.*
14 Rĩithia andũ aku na rũthanju rwaku, o acio rũũru rwa igai rĩaku,+O ũcio waikaraga arĩ wiki mũtitũ-inĩ—gatagatĩ-inĩ ka mũgũnda wa matunda.
Reke marĩage kũu Bashani na Gileadi+ o ta matukũ marĩa ma tene.
15 “O ta matukũ-inĩ marĩa woimire bũrũri-inĩ wa Misiri,Nĩ ngaamuonia maũndũ ma magegania.+
16 Ndũrĩrĩ nĩ ikoona na iconoke o na gũtuĩka irĩ na hinya mũingĩ.+
Nĩ ikaahumbĩra kanua gacio na guoko;Matũ ma cio nĩ magaatiga kũigua.
17 Igaacũna rũkũngũ ta nyoka;+Ikooima mĩĩgitio-inĩ yacio ikĩinainaga, o ta nyamũ iria itambaga thĩ.
Igooka kũrĩ Jehova Ngai witũ irĩ na guoya mũingĩ,Na nĩ igaagwĩtigĩra.”+
18 Nĩ Ngai ũrĩkũ ũhaana tawe,Ũrĩa wohanagĩra mahĩtia na akaga gũtindanĩra na mehia+ ma matigari ma igai rĩake?+
Ndegũtũũra arĩ mũrakaru tene na tene,Tondũ nĩ akenagio nĩ wendo mwĩhokeku.+
19 Nĩ agaatũiguĩra tha rĩngĩ;+ nĩ agaatooria* mahĩtia maitũ.
Nĩ ũgaaikia mehia mao mothe kũndũ kũriku iria-inĩ.+
20 Nĩ ũkoonia Jakubu wĩhokeku,Na wonie Iburahimu wendo mwĩhokeku,O ta ũrĩa wehĩtire harĩ maithe maitũ ma tene kuuma matukũ ma tene.+
Tũũhoro twa magũrũ-inĩ
^ Ũkk., “makogothania ũndũ ũcio marĩ hamwe.”
^ Kana “ndĩrĩetagĩrĩra ngirĩrĩirie.”
^ Kana hihi, “watho ũgaakorũo kũndũ kũraya.”
^ Nĩ Rũũĩ rwa Farati.
^ Ũkk., “Tondũ wa maciaro ma ciĩko ciao.”
^ Kana “akaarangĩrĩria thĩ; akaahoota.”
