Nahumu 1:1-15
1 Ndũmĩrĩri nditũ ĩkoniĩ Nineve:+ Rĩrĩ nĩ ibuku rĩa kĩoneki kĩa Nahumu* ũrĩa Mũelikoshi:
2 Jehova nĩ Ngai wendaga wĩrutĩri wa ngoro yothe+ na nĩ erĩhagĩria;Jehova nĩ erĩhagĩria, na akoragwo ehaarĩirie kuonania mang’ũrĩ make.+
Jehova nĩ erĩhagĩria harĩ thũ ciake,Na akaigĩra thũ ciake mang’ũrĩ.
3 Jehova ndahiũhaga kũrakara+ na nĩ arĩ hinya mũingĩ,+No Jehova ndagaga kũherithia arĩa magĩrĩire kũherithio.+
Njĩra yake ĩrĩ thĩinĩ wa rũhuho rwa kwananga na kĩhuhũkanio,Na matu nĩmo rũkũngũ rwa makinya make.+
4 Nĩ akũũmaga iria+ na akarĩniaria;Na nĩ atũmaga njũũĩ ciothe ihũe.+
Bashani na Karimeli nĩ kũhoohete,+Na kĩro kĩa Lebanoni nĩ kĩhoohete.
5 Irĩma nĩ ithingithaga nĩ ũndũ wake,Natuo tũrĩma tũgatweka.+
Thĩ nĩ ĩgaathingitha nĩ ũndũ wa ũthiũ wake,O hamwe na bũrũri na arĩa othe maikaraga thĩinĩ waguo.+
6 Nũũ ũngĩhota gwĩtiiria mang’ũrĩ make?+
Na nũũ ũngĩhota gwĩtiiria marakara make mahiũ?+
Mang’ũrĩ make magaaitũrũrũo o ta mwaki,Nacio ndwaro cia mahiga nĩ ikaahehenjwo nĩ ũndũ wake.
7 Jehova nĩ mwega,+ akoragwo arĩ mwĩgitio mũthenya wa mĩtangĩko.+
Nĩ eciragia* arĩa moragĩra harĩ we.+
8 Nĩ akaaniina Nineve biũ na mũiyũro wa kũhaata,Na nduma nĩ ĩgaathingata thũ ciake.
9 Nĩ ũndũ ũrĩkũ mũkaabanga wa gũũkĩrĩra Jehova?
We nĩ akaamũniina biũ.
Mĩtangĩko ndĩkoimĩra riita rĩa kerĩ.+
10 Tondũ makoragwo marigicanĩte o ta mĩigua,Na matariĩ ta andũ marĩĩtwo nĩ njohi;*No magaacinwo o ta mahuti momũ.
11 Thĩinĩ waku nĩ gũkooimĩra mũndũ wa kũbanga ũndũ mũũru kwerekera Jehova,Aheanage ũtaaro wa tũhũ.
12 Jehova oigĩte ũũ:
“O na gũtuĩka maarĩ na hinya mũingĩ na maarĩ aingĩ,Nĩ makaanangwo na mathire.*
Nĩ ngũherithĩtie,* no ndigaakũherithia rĩngĩ.
13 Na rĩu nĩ nguunanga mũtĩ wake wa icoki ũkweherere,+Na nduange mĩnyororo yaku ĩtuĩke icunjĩ igĩrĩ.
14 Jehova nĩ arutĩte watho ũgũkoniĩ* akoiga,‘Rĩĩtwa rĩaku rĩtigaatwarithio na mbere rĩngĩ.
Nĩ ngaaniina mĩhianano ya gwacũhio na mĩhianano ya cuma* ndĩmĩeherie thĩinĩ wa nyũmba* ya ngai ciaku.
Nĩ ngaagũthondekera mbĩrĩra, tondũ wee ũrĩ kĩndũ gĩtarĩ kĩene.’
15 Atĩrĩrĩ, irĩma igũrũ kũrĩ na magũrũ ma ũrĩa ũrarehe ũhoro mwega,Ũrĩa ũhunjagia ũhoro wa thayũ.+
Kũngũĩra ciathĩ ciaku,+ wee Juda, hingia mĩĩhĩtwa yaku,Tondũ mũndũ ũrĩa ũtarĩ kĩene gũtirĩ hĩndĩ agaatuĩkanĩria thĩinĩ waku rĩngĩ.
Nĩ akaanangwo biũ.”
Tũũhoro twa magũrũ-inĩ
^ Rĩĩtwa rĩu riugĩte “Mũmanĩrĩria.”
^ Kana “arũmbũyagia.” Ũkk., “Nĩ oĩ.”
^ Kana “njohi ya ngano.”
^ Kana hihi, “na nĩ agaatuĩkanĩria.”
^ Nĩ Juda ũrerũo.
^ Nĩ Ashuri ũrerũo.
^ Kana “mĩhianano ya gũtwekio.”
^ Kana “hekarũ.”
