Thaburi 103:1-22
Thaburi ya Daudi.
103 Reke niĩ ngooce* Jehova;Kĩndũ gĩothe kĩrĩa kĩrĩ thĩinĩ wakwa nĩ kĩgooce rĩĩtwa rĩake itheru.
2 Reke niĩ ngooce* Jehova;Ndĩroaga gũkanariganĩrũo nĩ maũndũ marĩa mothe ekĩte.+
3 Akuohagĩra mahĩtia maku mothe+
Na agakũhonia mĩrimũ yaku yothe;+
4 Nĩ akũũraga muoyo waku kuuma irima-inĩ*+
Na agakũhumba wendo wake mwĩhokeku o na tha ciake ta arĩ thũmbĩ.+
5 Nĩ akũhũnagia na indo njega+ ũtũũro-inĩ waku wothe,Nĩguo wĩthĩ waku ũkerũhagio o ta wa nderi.+
6 Jehova ekaga maũndũ na ũthingu+ o na kĩhootoHarĩ arĩa othe mahinyagĩrĩrio.+
7 Nĩ aamenyithirie Musa njĩra ciake,+Na akĩmenyithia ariũ a Isiraeli ciĩko ciake.+
8 Jehova nĩ mũigua tha na mũcayanĩri,*+Ndahiũhaga kũrakara na nĩ aiyũirũo nĩ wendo mwĩhokeku.+
9 Ndacaragia mahĩtia hingo ciothe,+Kana agatũũra arakarĩte tene na tene.+
10 Ndatwĩkĩte kũringana na mehia maitũ,+Kana agatũrĩha kũringana na ũrĩa mehia maitũ magĩrĩire kũrĩhwo.+
11 Nĩ gũkorũo o ta ũrĩa igũrũ kũraihanĩrĩirie na thĩ,Noguo wendo wake mwĩhokeku ũrĩ mũnene kwerekera arĩa mamwĩtigĩrĩte.+
12 O ta ũrĩa irathĩro kũraihanĩrĩirie na ithũĩro,No taguo aigĩte mehia maitũ kũraya na ithuĩ.+
13 O ta ũrĩa mũthuri aiguagĩra ariũ ake tha,Jehova nĩ aiguagĩra tha arĩa mamwĩtigĩrĩte.+
14 Tondũ nĩ oĩ wega ũrĩa tũmbĩtwo,+Akaririkana atĩ tũrĩ o rũkũngũ.+
15 Mũndũ-rĩ, matukũ make matariĩ ta ma nyeki;+Acanũkaga o ta ihũa rĩa gĩthaka.+
16 No hĩndĩ ĩrĩa rũhuho rwahurutana, rĩtikoragwo ho rĩngĩ,Rĩkahaana ta rĩtarĩ rĩakorũo ho.*
17 No wendo mwĩhokeku wa Jehova nĩ wa tene na tene*
Harĩ arĩa mamwĩtigĩrĩte,+Na ũthingu wake harĩ ciana cia ciana ciao,+
18 Harĩ arĩa marũmagia kĩrĩkanĩro gĩake+
O hamwe na arĩa merutanagĩria gwathĩkĩra mawatho make.
19 Jehova nĩ ahandĩte na akarũmia gĩtĩ gĩake kĩa ũnene igũrũ;+Na ũthamaki wake wathaga indo ciothe.+
20 Goocai Jehova, inyuĩ araika ake othe,+ o inyuĩ mũrĩ hinya mũingĩ,O inyuĩ mũhingagia kiugo gĩake,+ mũgathĩkĩra mũgambo wake.*
21 Goocai Jehova, inyuĩ mbũtũ ciake ciothe,+O inyuĩ ndungata ciake iria ciĩkaga wendi wake.+
22 Goocai Jehova, inyuĩ mawĩra make mothe,Kũndũ guothe kũrĩa athanaga.*
Muoyo wakwa wothe nĩ ũgooce Jehova.
Tũũhoro twa magũrũ-inĩ
^ Kana “muoyo wakwa ũgooce.”
^ Kana “muoyo wakwa ũgooce.”
^ Kana “mbĩrĩra-inĩ.”
^ Kana “mũtugi.”
^ Ũkk., “Na handũ harĩo haticokaga kũrĩmenya rĩngĩ.”
^ Kana “nĩ wa kuuma tene nginya tene.”
^ Ũkk., “mũkaigua mũgambo wa kiugo gĩake.”
^ Kana “kũrĩa guothe wathani wake ũrĩ.”
