Thaburi 108:1-13
-
Kũhoya ũteithio wa kũhoota thũ
Rwĩmbo rwa Daudi.
108 Atĩrĩrĩ Ngai, ngoro yakwa nĩ ĩĩkindĩire,Nĩ ngũina nyĩmbo ngũgooce na ũhoti wakwa wothe.+
2 Arahũka, wee kĩnanda kĩa ndigi; o nawe kĩnanda kĩa mũgeeto.+
Ngwarahũka rũcinĩ tene.
3 Nĩ ngũkũgooca gatagatĩ-inĩ ka ikundi cia andũ, wee Jehova,Na nĩ ngũina nyĩmbo ngũgooce gatagatĩ-inĩ ka ndũrĩrĩ.
4 Nĩ gũkorũo wendo waku mwĩhokeku nĩ mũnene, ũkinyĩte o igũrũ,+Naguo wĩhokeku waku ũgakinya o matu-inĩ.
5 Ũrotũũgĩrio igũrũ mũno, wee Ngai;Riri waku ũroiyũra thĩ yothe.+
6 Nĩguo andũ arĩa wendete mahonoke,Tũhonokie na guoko gwaku kwa ũrĩo na ũnjigue.+
7 Ngai nĩ arĩtie nĩ ũndũ wa ũrĩa arĩ mũtheru* akoiga atĩrĩ:
“Nĩ ngũkena mũno, nĩ ngũneana Shekemu+ gũtuĩke igai,Na nĩ ngũthima Mũkuru wa* Sukothu.+
8 Gileadi+ nĩ gwakwa, o na Manase no gwakwa,Na Efiraimu nĩkuo ngũbia ya* mũtwe wakwa;+Juda nĩ rũthanju rwakwa rwa wathani.+
9 Moabi nĩ kĩraĩ gĩakwa gĩa gwĩthambĩra.+
Edomu nĩkuo ngũikia kĩratũ gĩakwa.+
Na nyanĩrĩre nĩ ũndũ wa ũhootani bũrũri-inĩ wa Filistia.”+
10 Nũũ ũkũndwara itũũra-inĩ rĩrĩa rĩrĩ na ũgitĩri?
Nũũ ũkũndwara nginya Edomu?+
11 Githĩ tiwe Ngai, o wee ũtũregete,Ngai witũ, o wee ũtigĩte kuumagaraga hamwe na mbũtũ citũ?+
12 Tũteithie ũtwehererie mĩtangĩko itũ,+Tondũ ũhonokio wa andũ nĩ wa tũhũ.+
13 Ngai nĩ egũtũhe hinya,+Na nĩ ekũrangĩrĩria thũ citũ.+
Tũũhoro twa magũrũ-inĩ
^ Kana hihi, “arĩtie arĩ kũrĩa gwake gũtheru.”
^ Kana “Kĩanda gĩa.”
^ Ũkk., “mwĩgitio wa.”
