Thaburi 115:1-18
-
Ngai nowe wagĩrĩire kũgoocwo
115 Ti ithuĩ, wee Jehova, ti ithuĩ,*No nĩ rĩĩtwa rĩaku wagĩrĩirũo kũgoocithia+
Tondũ wa wendo* o na wĩhokeku waku.+
2 Nĩ kĩĩ kĩngĩgĩtũma ndũrĩrĩ ciũrie atĩrĩ:
“Ngai wao arĩ kũ?”+
3 Ngai witũ arĩ igũrũ;We ekaga ũndũ o wothe ũrĩa endaga.
4 Mĩhianano yao nĩ betha na thahabu,Wĩra wa moko ma andũ.+
5 Nĩ ĩrĩ kanua, no ndĩngĩhota kwaria;+Nĩ ĩrĩ maitho, no ndĩngĩhota kuona;
6 Nĩ ĩrĩ matũ, no ndĩngĩhota kũigua;Nĩ ĩrĩ iniũrũ, no ndĩngĩhota kũigua mũnungo;
7 Nĩ ĩrĩ moko, no ndĩngĩhota kũnyita kĩndũ;Nĩ ĩrĩ magũrũ, no ndĩngĩhota gũthiĩ;+Gũtirĩ mũgambo ĩrutaga na mĩmero yayo.+
8 Andũ arĩa mamĩthondekaga makaahaana o tayo,+O hamwe na arĩa othe mamĩĩhokaga.+
9 Atĩrĩrĩ wee Isiraeli, wĩhokage Jehova+
—Nĩwe ũmateithagia na nĩwe ngo yao.+
10 Atĩrĩrĩ inyuĩ nyũmba ya Haruni,+ mwĩhokagei Jehova—Nĩwe ũmateithagia na nĩwe ngo yao.
11 Inyuĩ mwĩtigĩrĩte Jehova, mwĩhokagei Jehova+
—Nĩwe ũmateithagia na nĩwe ngo yao.+
12 Jehova nĩ atũririkanaga na nĩ egũtũrathima;Nĩ ekũrathima nyũmba ya Isiraeli;+Nĩ ekũrathima nyũmba ya Haruni.
13 Nĩ ekũrathima arĩa metigĩrĩte Jehova,Arĩa anini o na arĩa anene.
14 Jehova nĩ egũtũma mũingĩhe,Inyuĩ o hamwe na ciana cianyu.*+
15 Mũrorathimwo nĩ Jehova,+Mũũmbi wa igũrũ na thĩ.+
16 Igũrũ-rĩ, nĩ rĩa Jehova,+No thĩ amĩheanĩte kũrĩ ariũ a andũ.+
17 Andũ akuũ matigoocaga Ja;+O na arĩa othe maikũrũkaga ũkiri-inĩ wa gĩkuũ.*+
18 No ithuĩ nĩ tũrĩgoocaga JaKuuma rĩu nginya tene na tene.
Goocai Ja!*
Tũũhoro twa magũrũ-inĩ
^ Kana “Ithuĩ gũtirĩ kĩndũ twagĩrĩirũo, wee Jehova, ithuĩ gũtirĩ kĩndũ twagĩrĩirũo.”
^ Kana “wendo mwĩhokeku.”
^ Ũkk., “ariũ anyu.”
^ Ũkk., “ũkiri-inĩ.”
^ Kana “Haleluya!” “Ja” nĩ rĩĩtwa Jehova rĩkuhĩhĩtio.
