Thaburi 116:1-19
-
Rwĩmbo rwa gũcokia ngatho
116 Nĩ nyendete JehovaTondũ nĩ aiguaga* mũgambo wakwa, nĩ aiguaga mathaithana makwa ngĩmũhoya ũteithio.+
2 Nĩ gũkorũo nĩ andegagĩra gũtũ gwake,*+Na nĩ ndĩrĩmũkayagĩra rĩrĩa rĩothe ngũtũũra muoyo.*
3 Mĩkwa ya gĩkuũ nĩ yandigicĩirie;Ndarĩ mũnyite nĩ Mbĩrĩra.*+
Nĩ ndatooretio nĩ mĩtangĩko na kĩeha.+
4 No ngĩkaĩra rĩĩtwa rĩa Jehova ngiuga:+
“Honokia, wee Jehova!”
5 Jehova nĩ mũcayanĩri* na nĩ mũthingu;+Ngai witũ nĩ arĩ tha.+
6 Jehova nĩ agitagĩra arĩa matarĩ na ũmenyeru.+
Nĩ ndaniinĩtwo hinya, no we akĩhonokia.
7 Reke muoyo* wakwa ũhurũke o rĩngĩ,Tondũ Jehova nĩ anjĩkĩte maũndũ ma ũtugi.
8 Nĩ ũhonoketie kuuma harĩ gĩkuũ,Nĩ ũtũmĩte riitho rĩakwa rĩtige gũita maithori, na ũkagirĩrĩria kũgũrũ gwakwa gũtikahĩngwo.+
9 Ndĩrĩthiaga ndĩ mbere ya Jehova bũrũri-inĩ wa arĩa marĩ muoyo.
10 Ndarĩ na wĩtĩkio, na nĩkĩo ndaririe;+Nĩ ndanyamarĩkĩte mũno.
11 Niĩ-rĩ, ndamakire ngiuga ũũ:
“Andũ othe nĩ aheenania.”+
12 Hihi ngũrĩha Jehova na kĩĩTondũ wa maũndũ marĩa mothe mega anjĩkĩire?
13 Nĩ nguoya gĩkombe kĩa ũhonokio,*Na nĩ ngũkaĩra rĩĩtwa rĩa Jehova.
14 Nĩ ngũhingĩria Jehova mĩĩhĩtwa yakwaNdĩ mbere ya andũ ake othe.+
15 Gĩkuũ kĩa andũ ake arĩa ehokekuNĩ kĩa goro mũno maitho-inĩ ma Jehova.+
16 Nĩ ndagũthaitha, wee Jehova,Tondũ niĩ ndĩ ndungata yaku.
Ndĩ ndungata yaku, mũriũ wa ngombo yaku ya mũirĩtu.
Nĩ ũnjohorete kuuma mĩnyororo-inĩ yakwa.+
17 Nĩ ngũkũrutĩra igongona rĩa gũcokia ngatho;+Nĩ ngũkaĩra rĩĩtwa rĩa Jehova.
18 Nĩ ngũhingĩria Jehova mĩĩhĩtwa yakwa+
Ndĩ mbere ya andũ ake othe,+
19 Ndĩ nja-inĩ cia nyũmba ya Jehova,+Thĩinĩ waku, wee Jerusalemu.
Goocai Ja!*+
Tũũhoro twa magũrũ-inĩ
^ Kana hihi, “Nĩ nyendete tondũ Jehova nĩ aiguaga.”
^ Kana “nĩ ainamagĩrĩra nĩguo athikĩrĩrie.”
^ Ũkk., “matukũ-inĩ makwa.”
^ Ũkk., “Mĩtangĩko ya Sheoli nĩ yanyitĩte.”
^ Kana “mũtugi.”
^ Kĩhibirania, ne′phesh. Rora Ũthathaũri wa Ciugo.
^ Kana “ũhonokio mũnene.”
^ Kana “Haleluya!” “Ja” nĩ rĩĩtwa Jehova rĩkuhĩhĩtio.
