Thaburi 118:1-29
-
Gũcokia ngatho nĩ ũndũ wa ũhootani wa Jehova
118 Cokeriai Jehova ngatho, tondũ nĩ mwega;+Wendo wake mwĩhokeku ũtũũraga tene na tene.
2 Andũ a Isiraeli rĩu nĩ moige ũũ:
“Wendo wake mwĩhokeku ũtũũraga tene na tene.”
3 Andũ a nyũmba ya Haruni rĩu nĩ moige ũũ:
“Wendo wake mwĩhokeku ũtũũraga tene na tene.”
4 Andũ arĩa metigĩrĩte Jehova rĩu nĩ moige ũũ:
“Wendo wake mwĩhokeku ũtũũraga tene na tene.”
5 Nĩ ndakaĩire Ja* rĩrĩa ndarĩ na mĩtangĩko;Nake Ja akĩnjĩtĩka na akĩndwara handũ harĩ na ũgitĩri.*+
6 Jehova arĩ mwena wakwa; ndigwĩtigĩra.+
Mũndũ-rĩ, angĩnjĩka atĩa hihi?+
7 Jehova arĩ mwena wakwa nĩguo andeithie;*+Nĩ ngwĩrorera thũ ciakwa ikĩhootwo.+
8 Nĩ kaba kũũrĩra harĩ JehovaGũkĩra kwĩhoka andũ.+
9 Nĩ kaba kũũrĩra harĩ JehovaGũkĩra kwĩhoka anene.+
10 Ndũrĩrĩ ciothe nĩ ciathiũrũrũkĩirie,No nĩ ũndũ wa rĩĩtwa rĩa Jehova,Nĩ ndacitooririe.+
11 Nĩ ciathiũrũrũkĩirie, ngĩthiũrũrũkĩrio biũ,No nĩ ũndũ wa rĩĩtwa rĩa Jehova,Nĩ ndacitooririe.
12 Ciathiũrũrũkĩirie ta njũkĩ,No ikĩhorio na ihenya o ta mwaki wa mĩigua.
Nĩ ũndũ wa rĩĩtwa rĩa Jehova,Nĩ ndacitooririe.+
13 Ndatindĩkĩrĩirio mũno* nĩguo ngwe,No Jehova akĩndeithia.
14 Ja nĩwe mwĩgitio wakwa o na hinya wakwa,Na nĩ atuĩkĩte ũhonokio wakwa.+
15 Mũgambo wa gĩkeno na ũhonokio*
Ũrĩ hema-inĩ cia arĩa athingu.
Guoko kwa ũrĩo kwa Jehova nĩ kũronania hinya wakuo.+
16 Guoko kwa ũrĩo kwa Jehova nĩ gũtũũgĩrĩte;Guoko kwa ũrĩo kwa Jehova nĩ kũronania hinya wakuo.+
17 Ndigũkua, no nĩ ngũtũũra,Nĩguo menyithanie mawĩra ma Ja.+
18 Ja nĩ aaherithirie mũno,+Ĩndĩ ndaandekereirie harĩ gĩkuũ.+
19 Hingũrĩrai ihingo cia ũthingu;+Ngũtonya thĩinĩ wacio ngooce Ja.
20 Gĩkĩ nĩkĩo kĩhingo kĩa Jehova.
Andũ arĩa athingu nĩkĩo marĩtonyagĩra.+
21 Nĩ ngũkũgooca, tondũ nĩ wanjĩtĩkire+
Na ũgĩtuĩka ũhonokio wakwa.
22 Ihiga rĩrĩa aaki maaregireNĩ rĩtuĩkĩte ihiga rĩrĩa inene rĩa kona.*+
23 Ũndũ ũcio uumĩte kũrĩ Jehova;+Nĩ wa magegania maitho-inĩ maitũ.+
24 Ũyũ nĩguo mũthenya ũrĩa Jehova athondekete;Nĩ tũgũkena na tũcanjamũke mũthenya ũyũ.
25 Atĩrĩrĩ Jehova, tũrakũhoya ũtũhonokie, twagũthaitha!
Tũhe ũhootani Jehova, twagũthaitha!
26 Kũrathimwo nĩ ũrĩa ũũkaga na rĩĩtwa rĩa Jehova;+Nĩ twamũrathima inyuĩ kuuma nyũmba-inĩ ya Jehova.
27 Jehova nĩ Ngai;Nĩ atũheaga ũtheri.+
Nyitanĩrai na kĩrĩndĩ kĩrĩa kĩrathiĩ gĩathĩ-inĩ mũrĩ na mathĩgĩ moko,+O nginya hĩa-inĩ cia kĩgongona.+
28 Wee nĩwe Ngai wakwa, na nĩ ngũkũgooca;Ngai wakwa, nĩ ngũgũtũũgĩria.+
29 Cokeriai Jehova ngatho,+ tondũ nĩ mwega;Wendo wake mwĩhokeku ũtũũraga tene na tene.+
Tũũhoro twa magũrũ-inĩ
^ “Ja” nĩ rĩĩtwa Jehova rĩkuhĩhĩtio.
^ Kana “handũ harĩ na wariĩ.”
^ Kana hihi, “arĩ hamwe na arĩa mandeithagia.”
^ Kana hihi, “Wandindĩkĩrĩirie mũno.”
^ Kana “ũhootani.”
^ Ũkk., “mũtwe wa kona.”
