Thaburi 138:1-8
Thaburi ya Daudi.
138 Nĩ ngũkũgooca na ngoro yakwa yothe.+
Ndĩ mbere ya ngai iria ingĩ,Nĩ ngũina nyĩmbo ngũgooce.*
2 Ngũinamĩrĩra ndorete hekarũ yaku theru,*+Na ngooce rĩĩtwa rĩaku+
Nĩ ũndũ wa wendo* waku na wĩhokeku waku.
Tondũ nĩ ũtũũgĩrĩtie uuge waku na rĩĩtwa rĩaku igũrũ rĩa maũndũ marĩa mangĩ mothe.*
3 Mũthenya ũrĩa ndagũkaĩire, nĩ wanjĩtĩkire;+Nĩ watũmire ngĩe na ũcamba o na hinya.+
4 Athamaki othe a thĩ nĩ magaakũgooca, wee Jehova,+Tondũ nĩ magaakorũo maiguĩte ũhoro wa ciĩranĩro iria wĩranĩire.
5 Nĩ makaaina igũrũ rĩgiĩ njĩra cia Jehova,Tondũ riri wa Jehova nĩ mũnene.+
6 O na gũtuĩka Jehova arĩ igũrũ, nĩ onaga mũndũ ũrĩa mwĩnyihia,+No ũrĩa mwĩtĩi amenyaga ũhoro wake arĩ o haraihu.+
7 O na rĩrĩa ndagerera ũgwati-inĩ, nĩ ũrĩndũũragia muoyo.+
Nĩ ũtambũrũkagia guoko gwaku ũgokĩrĩra marakara ma thũ ciakwa;Guoko gwaku kwa ũrĩo nĩ kũrĩhonokagia.
8 Jehova nĩ akaahingia maũndũ mothe nĩ ũndũ wakwa.
Wendo waku mwĩhokeku, wee Jehova, ũtũũraga tene na tene;+Ndũgatiganĩrie wĩra wa moko maku.+
Tũũhoro twa magũrũ-inĩ
^ Kana hihi, “Nĩ ngũregana na ngai iria ingĩ ngũinĩre nyĩmbo.”
^ Kana “handũ haku harĩa hatheru.”
^ Kana “wendo mwĩhokeku.”
^ Kana hihi, “nĩ ũtũũgĩrĩtie uuge waku igũrũ rĩa rĩĩtwa rĩaku.”
