Thaburi 140:1-13
Kũrĩ mũrũgamĩrĩri. Rwĩmbo rwa Daudi.
140 Atĩrĩrĩ Jehova, honokia kuuma harĩ andũ arĩa aganu;Ngitĩra kuuma harĩ andũ arĩa mekaga maũndũ ma ũhinya,+
2 Acio mathugundaga maũndũ moru ngoro-inĩ ciao+
Na magacogera ngũĩ mũthenya mũgima.
3 Rũrĩmĩ rwao marũnooraga rũkahaana o ta rwa nyoka;+Mĩromo yao ĩkoragwo na thumu wa nyoka.+ (Sela)
4 Ngitĩra, wee Jehova kuuma moko-inĩ ma andũ arĩa aganu;+Ngitĩra kuuma harĩ andũ arĩa mekaga maũndũ ma ũhinya,Acio mabangaga njama ya kũndega nĩguo ngwe.
5 Andũ arĩa etĩi nĩ manjigagĩra mũtego maũhithĩte;Mathondekaga neti makĩhũthĩra mĩkwa makamĩiga njĩra-inĩ yakwa.+
Nĩ manyambagĩra mĩtego.+ (Sela)
6 Niĩ njĩraga Jehova ũũ: “Wee nĩwe Ngai wakwa.
Atĩrĩrĩ Jehova, thikĩrĩria mathaithana makwa ma kũhoya ũteithio.”+
7 Wee Jehova, Mwathani Ũrĩa Mũnene, o we Mũhonokia wakwa ũrĩ hinya,Nĩ ũgitagĩra mũtwe wakwa mũthenya wa mbaara.+
8 Atĩrĩrĩ Jehova, ndũkahingĩrie andũ arĩa aganu merirĩria mao.
Ndũkareke njama ciao ikinyanĩre, nĩgetha matikae gwĩtũũgĩria. (Sela)+
9 Mĩtwe ya andũ arĩa mandigicĩirieĨrohumbĩrũo nĩ maũndũ moru marĩa mĩromo yao yarĩtie.+
10 Maroitĩkĩrũo nĩ makara marakana.+
Maroikio mwaki-inĩ,Maikio marima-inĩ mariku,*+ matikanacoke gũũkĩra.
11 Mũcambania aroaga handũ ha gũikara thĩinĩ wa thĩ.*+
Ũũru ũrothingata andũ arĩa mekaga maũndũ ma ũhinya na ũmaniine.
12 Nĩ njũĩ atĩ Jehova nĩ arĩtetagĩra mũndũ ũrĩa ũtarĩ hinyaNa akahe andũ arĩa athĩni kĩhooto.+
13 Ti itherũ andũ arĩa athingu nĩ marĩcokagĩria rĩĩtwa rĩaku ngatho;Arĩa arũngĩrĩru megũtũũra mbere ya ũthiũ waku.*+
Tũũhoro twa magũrũ-inĩ
^ Kana “Maikio marima-inĩ ma maĩ.”
^ Kana “thĩinĩ wa bũrũri.”
^ Kana “mbere yaku.”
