Thaburi 146:1-10
146 Goocai Ja!*+
Muoyo wakwa wothe nĩ ũgooce Jehova.+
2 Ngũtũũra ngoocaga Jehova ũtũũro-inĩ wakwa wothe.
Ndĩrĩinaga nyĩmbo cia kũgooca Ngai wakwa ihinda rĩrĩa rĩothe ngũtũũra muoyo.
3 Mũtikaigage mwĩhoko wanyu harĩ anene*
Kana harĩ mũrũ wa mũndũ, o ũcio ũtangĩhota kũrehe ũhonokio.+
4 Roho wake uumaga,* agacoka tĩri-inĩ;+Mũthenya o ro ũcio meciria make magathira.+
5 Gũkena nĩ mũndũ ũrĩa Ngai wa Jakubu arĩ we mũteithia wake,+Ũrĩa ũigaga kĩĩrĩgĩrĩro gĩake harĩ Jehova Ngai wake,+
6 Mũũmbi wa igũrũ na thĩ,Wa iria, na kĩrĩa gĩothe kĩrĩ thĩinĩ wacio,+Ũcio ũtũũraga arĩ mwĩhokeku hingo ciothe,+
7 O we ũtũmaga arĩa matunyĩtwo mone kĩhooto,Ũrĩa ũheaga andũ arĩa ahũtu mũgate.+
Jehova nĩ arohora arĩa mohetwo.+
8 Jehova nĩ arahingũra maitho ma arĩa atumumu;+Jehova nĩ arokĩria arĩa mainamĩte;+Jehova nĩ endete andũ arĩa athingu.
9 Jehova nĩ aragitĩra ageni;Mwana ũrĩa ũtarĩ ithe na mũtumia wa ndigwa nĩ amaheaga mabataro mao,+Ĩndĩ nĩ athararagia mĩbango ya andũ arĩa aganu.*+
10 Jehova egũtũũra arĩ Mũthamaki tene na tene,+Ngai waku, wee Zayuni, nginya njiarũa na njiarũa.
Goocai Ja!*
Tũũhoro twa magũrũ-inĩ
^ Kana “Haleluya!” “Ja” nĩ rĩĩtwa Jehova rĩkuhĩhĩtio.
^ Kana “arĩa marĩ igweta.”
^ Kana “Mĩhũmũ yake yumaga.”
^ Kana “atũmaga njĩra ya andũ arĩa aganu yogome.”
^ Kana “Haleluya!” “Ja” nĩ rĩĩtwa Jehova rĩkuhĩhĩtio.
