Thaburi 25:1-22
Thaburi ya Daudi.
א [Aleph]
25 Atĩrĩrĩ Jehova, wee nĩwe ngayagĩra.*
ב [Beth]
2 Ngai wakwa, wee nĩwe ndĩhokaga;+Ndũkareke njonorithio.+
Ndũkareke thũ ciakwa cithekerere.+
ג [Gimel]
3 Gũtirĩ mũndũ ũigaga kĩĩrĩgĩrĩro gĩake harĩ wee ũgaaconorithio,+Ĩndĩ gĩconoko nĩ gĩetereire andũ arĩa makunyanagĩra hatarĩ gĩtũmi.+
ד [Daleth]
4 Atĩrĩrĩ Jehova, ndeithia menye njĩra ciaku;+Nduta njĩra ciaku.+
ה [He]
5 Ndeithia thiage kũringana na ũhoro waku wa ma na ũndutage,+Nĩ gũkorũo wee nĩwe Ngai wa ũhonokio wakwa.
ו [Waw]
Wee nĩwe ndĩĩrĩgagĩrĩra mũthenya wothe.
ז [Zayin]
6 Atĩrĩrĩ Jehova, ririkana tha ciaku o na wendo waku+ mwĩhokeku,Iria ũtũire wonanĩtie.*+
ח [Heth]
7 Ndũkaririkane mehia marĩa ndekire ndĩ mũnyinyi, o na mahĩtia makwa.
Ndirikana kũringana na wendo waku mwĩhokeku,+Nĩ ũndũ wa wega waku, wee Jehova.+
ט [Teth]
8 Jehova nĩ mwega na nĩ mũrũngĩrĩru.+
Nĩkĩo arutaga andũ arĩa ehia njĩra ĩrĩa magĩrĩirũo gũtũũra.+
י [Yod]
9 Nĩ arĩtongoragia andũ arĩa ahooreri ũndũ-inĩ ũrĩa wagĩrĩire,*+Na nĩ arĩrutaga andũ arĩa ahooreri njĩra yake.+
כ [Kaph]
10 Njĩra ciothe cia Jehova nĩ wendo* na wĩhokekuHarĩ arĩa marũmagĩrĩra kĩrĩkanĩro gĩake+ na iririkania ciake.+
ל [Lamed]
11 Nĩ ũndũ wa rĩĩtwa rĩaku wee Jehova,+Njohera rĩhia rĩakwa, o na gũtuĩka nĩ inene.
מ [Mem]
12 Nĩ mũndũ ũrĩkũ wĩtigĩrĩte Jehova?+
Mũndũ ũcio nĩ arĩrutagwo nĩwe njĩra ĩrĩa agĩrĩirũo gũthuura.+
נ [Nun]
13 Nĩ arĩonaga maũndũ mega,+Nacio njiarũa* ciake nĩ ikaagaya thĩ.+
ס [Samekh]
14 Ũrata wa hakuhĩ na Jehova nĩ wa arĩa mamwĩtigĩrĩte,+Na nĩ amamenyithagia kĩrĩkanĩro gĩake.+
ע [Ayin]
15 Maitho makwa maikaraga marorete Jehova hingo ciothe,+Nĩ gũkorũo nĩ ekũhatũra magũrũ makwa kuuma neti-inĩ.+
פ [Pe]
16 Erekeria ũthiũ waku kũrĩ niĩ ũnyonie ũtugi,Nĩ gũkorũo ndĩ o wiki na ndirĩ na hinya.
צ [Tsade]
17 Mĩtangĩko ya ngoro yakwa nĩ ĩingĩhĩte;+Njehereria ruo rũrĩa ndĩ naruo.
ר [Resh]
18 Rora mĩnyamaro yakwa o na mathĩna makwa,+Na ũnjohere mehia makwa mothe.+
19 Ta rora ũrĩa thũ ciakwa cingĩhĩteNa ũrĩa cimenete na rũmena rũnene.
ש [Shin]
20 Gitĩra muoyo wakwa na ũũhonokie.+
Ndũkareke njonorithio, nĩ gũkorũo nĩ njũrĩire harĩ wee.
ת [Taw]
21 Wĩkindĩru na ũrũngĩrĩru irongitagĩra,+Nĩ gũkorũo kĩĩrĩgĩrĩro gĩakwa kĩrĩ harĩ wee.+
22 Atĩrĩrĩ Ngai, honokia* Isiraeli kuuma harĩ mĩtangĩko yake yothe.
Tũũhoro twa magũrũ-inĩ
^ Kana “niĩ ndĩneanaga kũrĩ wee.”
^ Kana “Iria itũire kuo kuuma tene.”
^ Ũkk., “wa kĩhooto.”
^ Kana “wendo mwĩhokeku.”
^ Ũkk., “mbeũ.”
^ Ũkk., “kũũra.”
