Thaburi 28:1-9
-
Ihoya rĩa mwandĩki wa Thaburi kũiguo
-
‘Jehova, hinya wakwa o na ngo yakwa’ (7)
-
Thaburi ya Daudi.
28 Njikaraga ngĩgũkayagĩra, wee Jehova Rwaro Rwakwa rwa Ihiga;+Ndũkarege gũũthikĩrĩria.
Waikara ũngirĩire,Ngũhaana o ta arĩa maikũrũkaga irima-inĩ.*+
2 Igua mathaithana makwa rĩrĩa ndagũkaĩra ũndeithieRĩrĩa ndambararia moko makwa ndĩmerekeirie rumu ya thĩinĩ biũ ya handũ haku harĩa hatheru.+
3 Ndũkangururie hamwe na andũ arĩa aganu, hamwe na arĩa mekaga maũndũ moru,+O acio maragia ciugo cia thayũ na mũndũ ũrĩa ũngĩ, no ngoro-inĩ ciao marĩ na ũũru.+
4 Marĩhe nĩ ũndũ wa ciĩko ciao,+Kũringana na maũndũ moru marĩa mekaga.
Marĩhe nĩ ũndũ wa wĩra wa moko mao,Kũringana na maũndũ marĩa mekĩte.+
5 Tondũ matirũmbũyanagia na mawĩko ma Jehova,+Kana wĩra wa moko make.+
Nĩ akaamamomora na ndakamaaka rĩngĩ.
6 Jehova arogoocwo,Nĩ gũkorũo nĩ aiguĩte mathaithana makwa ngĩmũhoya ũteithio.
7 Jehova nĩwe hinya wakwa+ o na ngo yakwa;+Ngoro yakwa nĩwe ĩhokete.+
Nĩ nyamũkĩrĩte ũteithio wake, na ngoro yakwa ĩrĩ na gĩkeno,Kwoguo nĩ ngũmũgooca na rwĩmbo rwakwa.
8 Jehova nĩwe hinya wa andũ ake;We nĩ mwĩgitio, arehagĩra ũrĩa wake mũitĩrĩrie maguta ũhonokio mũnene.+
9 Honokia andũ aku, na ũrathime igai rĩaku.+
Marĩithie na ũmakuue moko-inĩ maku tene na tene.+
Tũũhoro twa magũrũ-inĩ
^ Kana “mbĩrĩra-inĩ.”
