Thaburi 50:1-23
Rwĩmbo rwa Asafu.+
50 Jehova,+ Ngai ũrĩa ũkĩrĩte ngai iria ingĩ ciothe nĩ arĩtie;Nĩ etaga thĩKuuma irathĩro rĩa riũa nginya ithũĩro rĩarĩo.*
2 Ngai nĩ akengaga arĩ itũũra-inĩ rĩa Zayuni, o rĩu ithaka biũ.+
3 Ngai witũ nĩ egũka na ndangĩikara akirĩte.+
Mbere yake kũrĩ na mwaki wa kũniinana,+Na athiũrũrũkĩirio nĩ kĩhuhũkanio kĩnene.+
4 Nĩ areta igũrũ o na thĩ,+Nĩgetha atuĩre andũ ake:+
5 “Cokanĩrĩriai harĩ niĩ andũ akwa arĩa ehokeku,Arĩa magĩaga kĩrĩkanĩro hamwe na niĩ kũgerera igongona.”+
6 Igũrũ nĩ rĩmenyithanagia ũthingu wake,Tondũ Ngai we mwene nĩ Mũtuanĩri Ciira.+ (Sela)
7 “Thikĩrĩriai inyuĩ andũ akwa, na nĩ ngwaria;Wee Isiraeli, nĩ ngũruta ũira ũgũkoniĩ.+
Niĩ ndĩ Ngai, o niĩ Ngai waku.+
8 Ndirakũrũnga nĩ ũndũ wa magongona maku,Kana nĩ ũndũ wa magongona maku magima ma njino marĩa ũndutagĩra hingo ciothe.+
9 Ndirabatara kuoya ndegwa kuuma nyũmba-inĩ yaku,Kana mbũri* kuuma ciugũ-inĩ ciaku.+
10 Tondũ nyamũ o yothe ya gĩthaka nĩ yakwa,+O na nyamũ iria irĩ irĩma-inĩ ngiri.
11 Nyoni o yothe ya irĩma-inĩ nĩ ndĩmĩũĩ;+Nyamũ ciothe cia werũ-inĩ nĩ ciakwa.
12 Ingĩkorũo hũtiĩ ndingĩkwĩra,Tondũ bũrũri ũrĩa ũrĩ maciaro nĩ wakwa o na indo iria ciothe irĩ thĩinĩ waguo.+
13 Hihi no ndĩe nyama cia ndegwaNa nyue thakame ya mbũri?+
14 Cokia ngatho irĩ igongona rĩaku harĩ Ngai,+Na ũhingie mĩĩhĩtwa yaku kũrĩ Ũrĩa ũrĩ Igũrũ Mũno;+
15 Ngayagĩra hĩndĩ ĩrĩa ũrĩ na mĩtangĩko.+
Nĩ ndĩrĩkũhonokagia, nawe ũkangoocithia.”+
16 No Ngai ekũũria mũndũ ũrĩa mwaganu atĩrĩ:
“Ũrĩ na kĩhooto kĩrĩkũ gĩa kũmenyithania mawatho makwa+
Kana kwaria ũhoro wĩgiĩ kĩrĩkanĩro gĩakwa?+
17 Nĩ gũkorũo nĩ ũthũire kũrũngwo,*Na ũikaraga ũkĩhũgũkagĩra ciugo ciakwa.*+
18 Rĩrĩa wona mũici, nĩ ũkenagio nĩwe,*+Na ũgathiĩ thiritũ na itharia.
19 Ũhũthagĩra kanua gaku gũtheremia maũndũ moru,Na maheeni manyitanĩte na rũrĩmĩ rwaku.+
20 Ũikaraga thĩ ũkaria ndeto cia gũũkĩrĩra mũrũ wa thoguo;+Ũguũragia mahĩtia ma* mũrũ wa nyũkwa.
21 Rĩrĩa wekire maũndũ macio-rĩ, ndiakwarĩirie,Na kwoguo ũgĩĩciria atĩ ngũhaana o tawe.
No rĩu nĩ ngũkũrũnga,Na nĩ nguuga maũndũ marĩa ndĩragũthitangĩra.+
22 Mwĩciriei ũhoro ũcio, inyuĩ mũriganagĩrũo nĩ Ngai,+Nĩgetha ndikae kũmũtembũranga hatarĩ na mũndũ wa kũmũhonokia.
23 Mũndũ ũrĩa ũcokagia ngatho irĩ igongona rĩake nĩ angoocithagia,+Na ũrĩa ũrũmagĩrĩra njĩra ĩrĩa yagĩrĩire,Nĩ ngaatũma one ũhonokio wa Ngai.”+
Tũũhoro twa magũrũ-inĩ
^ Kana “Kuuma mwena wa irathĩro nginya wa ithũĩro.”
^ Ũkk., “thenge.”
^ Ũkk., “ũgĩikagia ciugo ciakwa thutha waku.”
^ Kana “ũtaaro.”
^ Kana hihi, “nĩ ũnyitanagĩra nake.”
^ Kana “Ũgacambia.”
