Thaburi 51:1-19
Kũrĩ mũrũgamĩrĩri. Rwĩmbo rwa Daudi, hĩndĩ ĩrĩa mũnabii Nathani aathiire kũrĩ we thutha wa Daudi gũkoma na Bathi-sheba.+
51 Atĩrĩrĩ Ngai, njiguĩra tha kũringana na wendo waku mwĩhokeku.+
Huura mehia makwa nĩ ũndũ wa tha ciaku nyingĩ.+
2 Thambia biũ kuumana na mahĩtia makwa,+Na ũũtherie kuumana na mehia makwa.+
3 Nĩ gũkorũo nĩ njũĩ wega mahĩtia makwa,Na mehia makwa makoragwo mbere yakwa* hingo ciothe.+
4 Makĩria ma arĩa angĩ othe,* wee nĩwe njĩhĩirie;+Nĩ njĩkĩte maũndũ marĩa wee wonaga marĩ moru.+
Nĩ ũndũ ũcio, wee ũrĩ mũthingu ũkĩariaNa ũrĩ na kĩhooto ũgĩtua ciira.+
5 Atĩrĩrĩ, niĩ ndaciarirũo ndĩ na mahĩtia,Na maitũ oohire nda ya kũnjiara arĩ o na mehia.*+
6 Atĩrĩrĩ, wee ũkenagio nĩ ũhoro wa ma ũrĩa ũrĩ thĩinĩ wa ngoro;+Ruta ngoro yakwa kũgĩa na ũũgĩ ũrĩa wa ma.
7 Theria kuumana na mehia makwa ũkĩhũthĩra mũthobi, nĩguo there;+Thambia, nĩguo njerũhe gũkĩra mbarabu.+
8 Reke njigue mĩgambo ya gĩkeno na gũcanjamũka,Nĩguo mahĩndĩ marĩa wahehenjire makene.+
9 Ndũkarore* mehia makwa,+Na ũhuure mahĩtia makwa mothe.+
10 Atĩrĩrĩ Ngai, nyũmbĩra ngoro theru,+Na wĩkĩre thĩinĩ wakwa roho mwerũ,+ mũrũmu.
11 Ndũkanyingate njehere mbere yaku;Na ndũkanjehererie roho waku mũtheru.
12 Njokeria gĩkeno kĩa ũhonokio waku;+Arahũra thĩinĩ wakwa wendi wa gũgwathĩkagĩra.*
13 Andũ arĩa mahĩtagia nĩ ngũmaruta njĩra ciaku,+Nĩguo ehia magũcokerere.
14 Honokia kuuma harĩ mahĩtia ma ũiti wa thakame,+ wee Ngai, o wee Ngai wa ũhonokio wakwa,+Nĩguo rũrĩmĩ rwakwa rũmenyithanagie ũhoro wa ũthingu waku rũrĩ na gĩkeno.+
15 Jehova, tumũra mĩromo yakwa,Nĩguo kanua gakwa gakũgoocithagie.+
16 Nĩ gũkorũo igongona tirĩo wendaga, korũo nĩrĩo no ngũrutĩre;+Igongona igima rĩa njino tirĩo rĩgũkenagia.+
17 Magongona marĩa makenagia Ngai nĩ roho mũthuthĩku;Ngoro ĩthuthĩkĩte na ĩkahehenjeka, wee Ngai ndũngĩmĩrega.*+
18 Hingĩria Zayuni ũndũ ũrĩa mwega nĩ ũndũ wa wega waku;Aka thingo cia Jerusalemu.
19 Hĩndĩ ĩyo nĩ ũrĩkenagĩra magongona ma ũthingu,Magongona ma njinona magongona magima;Na ndegwa nĩ irĩrutagĩrũo kĩgongona-inĩ gĩaku.+
Tũũhoro twa magũrũ-inĩ
^ Kana “meciria-inĩ makwa.”
^ Ũkk., “Wee wiki.”
^ Kana “Na ngoretwo na mehia kuuma o rĩrĩa maitũ oohire nda ya kũnjiara.”
^ Kana “Hitha ũthiũ waku ndũkone.”
^ Ũkk., “Ndirĩrĩra na roho wa kwĩyendera.”
^ Kana “ndũngĩmĩnyarara.”
