Thaburi 85:1-13
Kũrĩ mũrũgamĩrĩri. Thaburi ya ariũ a Kora.+ Rwĩmbo.
85 Atĩrĩrĩ Jehova, nĩ ũiguĩrĩire bũrũri waku tha;+Nĩ ũcoketie andũ a Jakubu arĩa maatahĩtwo.+
2 Nĩ ũrekeire andũ aku mahĩtia;Nĩ wamoheire* mehia mao mothe.+ (Sela)
3 Nĩ wagirĩrĩirie mang’ũrĩ maku mothe;Ũgĩtigana na marakara maku mahiũ.+
4 Tũcokererie,* wee Ngai wa ũhonokio witũ,Na ũtige gũtũrakarĩra.+
5 Hihi ũgũtũũra ũtũrakarĩire tene na tene?+
Hihi ũgũikara ũrakarĩte nginya njiarũa na njiarũa?
6 Kaĩ ũtegũtwĩkĩra hinya rĩngĩNĩguo andũ aku makene nĩ ũndũ waku?+
7 Tuonie wendo waku mwĩhokeku, wee Jehova,+Na ũtũhe ũhonokio waku.
8 Nĩ ngũthikĩrĩria ũrĩa Jehova Ngai wa ma ekuuga,Nĩ gũkorũo ekwaria ciugo cia thayũ kũrĩ andũ ake,+ o acio ake ehokeku,No nao matigacokerere ũhoro wa kwĩĩhoka mũno.+
9 Ti itherũ ũhonokio wake ũrĩ hakuhĩ na arĩa mamwĩtigĩrĩte,+Nĩguo riri wake ũtũũre bũrũri-inĩ witũ.
10 Wendo* na wĩhokeku nĩ igaacemania;Ũthingu na thayũ nĩ ikaamumunyana.+
11 Wĩhokeku nĩ ũgaathundũka kuuma thĩ,Naguo ũthingu ũrore thĩ kuuma igũrũ.+
12 Jehova nĩ akaaheana kĩndũ kĩrĩa kĩega,*+Naguo bũrũri witũ nĩ ũkaaruta maciaro maguo.+
13 Ũthingu nĩ ũgaathiaga ũrĩ mbere yake+
Na ũthondeke gacĩra nĩ ũndũ wa makinya make.
Tũũhoro twa magũrũ-inĩ
^ Ũkk., “wahumbĩrire.”
^ Kana “Tũcokanĩrĩrie ũtũcokie.”
^ Kana “Wendo mwĩhokeku.”
^ Kana “ũgaacĩru.”
