Thimo 23:1-35
23 Rĩrĩa waikara thĩ kũrĩanĩra na mũthamaki,Wĩcũranagie mũno kĩrĩa kĩrĩ mbere yaku;
2 Igagĩrĩra kahiũ mũmero-inĩ waku*Angĩkorũo nĩ ũrĩ mĩĩto* mĩnene ya kũrĩa.*
3 Ndũkeriragĩrie irio ciake njega,Tondũ nĩ irio cia kũheenereria.
4 Ndũkenogagie ũgĩetha ũtonga.+
Tiga gwĩka ũguo na wonanie ũtaũku.*
5 Waikia riitho rĩaku harĩ guo, ndũgũkorũo ho,+Tondũ hatarĩ nganja nĩ ũkũmera mathagu o ta nderi na ũmbũke ũthiĩ rĩera-inĩ.+
6 Ndũkarĩage irio cia mũndũ mũkarĩ;*Ndũkeriragĩrie irio ciake njega,
7 Tondũ atariĩ ta mũndũ ũikaraga agĩtaraga.
Akwĩraga ũũ: “Rĩa na ũnyue,” no ngoro yake ndĩkoragwo hamwe nawe.
8 Nĩ ũgaatahĩka kĩrĩa ũrĩteNa ndeto njega iria warĩtie ikorũo irĩ cia tũhũ.
9 Ndũkaragie na mũndũ mũkĩgu,+Tondũ nĩ arĩnyararaga ũũgĩ wa ciugo ciaku.+
10 Ndũkanathaamie mũtĩ wa tene wa mũhaka+Kana ũingĩrĩre mũgũnda wa ciana iria itarĩ maithe.
11 Tondũ Mũmagitĩri* nĩ arĩ hinya;Nĩ egũgũũkĩrĩra nĩguo amatetere.+
12 Ngoro yaku nĩ ĩthikagĩrĩrie ũtaaroNa gũtũ gwaku gũthikagĩrĩrie ciugo cia ũmenyo.
13 Ndũkanage kũrũnga mwana.*+
Ũngĩmũhũũra na rũthanju, ndangĩkua.
14 Nĩ wagĩrĩirũo kũmũhũũra na rũthanju,Nĩgetha ũmũhonokie kuuma harĩ Mbĩrĩra.*
15 Mũrũ wakwa, ngoro yaku ĩngĩgĩa na ũũgĩ,Hĩndĩ ĩyo ngoro yakwa no ĩkene.+
16 Thĩinĩ wakwa* nĩ ndĩiguaga ngeneteRĩrĩa mĩromo yaku yaria ũndũ ũrĩa mwagĩrĩru.
17 Ndũkanareke ngoro yaku ĩigue ũiru nĩ ũndũ wa andũ arĩa ehia,+No wĩtigagĩre Jehova mũthenya wothe,+
18 Tondũ weka ũguo, nĩ ũgaakorũo na ihinda rĩega rĩũkĩte+Na kĩĩrĩgĩrĩro gĩaku gĩtigaathira.
19 Mũrũ wakwa, thikĩrĩria nĩguo ũũhĩge,Na werekerie ngoro yaku njĩra-inĩ ĩrĩa yagĩrĩire.
20 Ndũgakoragwo gatagatĩ-inĩ ka andũ arĩa manyuaga ndibei nyingĩ,+Gatagatĩ-inĩ ka andũ arĩa makorokagĩra nyama,+
21 Tondũ mũndũ ũrĩa mũrĩĩu na ũrĩa mũkoroku nĩ gũthĩna mathĩnaga+Naguo toro nĩ ũhumbaga mũndũ matangari.
22 Thikagĩrĩria thoguo ũcio wagũciarire,Na ndũkananyarare maitũguo atĩ tondũ nĩ mũkũrũ.+
23 Gũra* ũhoro wa ma na ndũkanawendie,+Ningĩ ũgũre ũũgĩ na ũtaaro na ũtaũku.+
24 Ithe wa mũndũ mũthingu hatarĩ nganja nĩ arĩkenaga;Mũndũ o wothe ũtuĩkaga ithe wa mwana* mũũgĩ nĩ arĩkenaga nĩ ũndũ wake.
25 Thoguo na maitũguo nĩ marĩkenaga,Na mũtumia ũrĩa wagũciarire nĩ arĩkoragwo na gĩkeno.
26 Mũrũ wakwa, nengera ngoro yaku,Na ũreke maitho maku makenagĩre njĩra ciakwa.+
27 Tondũ mũmaraya nĩ irima iriku,Na mũtumia mwaganu* nĩ gĩthima gĩkunderu.+
28 Aikaraga ohetie o ta mũtunyani;+Atũmaga mũigana wa arũme arĩa matarĩ ehokeku wongerereke.
29 Nũũ ũkoragwo na haaro? Nũũ ũkoragwo na mĩtangĩko?
Nũũ ũkoragwo na ngũĩ? Nũũ ũkoragwo na mateta?
Nũũ ũkoragwo na nguraro hatarĩ gĩtũmi? Nũũ ũkoragwo atunĩhĩte maitho?
30 Nĩ arĩa mahũthagĩra mahinda maingĩ makĩnyua ndibei;+Arĩa macaragia* ndibei ĩrĩa ĩtukanĩtio.
31 Ndũkarorage ũtune wa ndibeiRĩrĩa ĩrakenga ĩrĩ gĩkombe-inĩ na rĩrĩa ĩramerũka o kahora,
32 Tondũ marigĩrĩrio-inĩ ĩrũmaga o ta nyoka,Na ĩkaruta thumu o ta nyoka ĩrĩ thumu.
33 Maitho maku marĩonaga maũndũ mataramenyeka,Na ngoro yaku ĩkaria maũndũ moru.+
34 Na ũrĩkoragwo ũtariĩ ta mũndũ ũkomete iria-inĩ gatagatĩ,O ta mũndũ ũkomete igũrũ rĩa gĩtugĩ kĩa meri.
35 Ũriugaga atĩrĩ: “Nĩ mangũtha, no ndinaigua ngĩgũthwo.*
Nĩ mahũũra, no ndinamenya ngĩhũũrũo.
Hihi ndĩrĩũkĩra rĩ?+
Nĩ ngwenda kũnyua ndibei ĩngĩ.”*
Tũũhoro twa magũrũ-inĩ
^ Kana “Wĩgiragĩrĩrie.”
^ Kana “merirĩria manene ma kũrĩa.”
^ Kĩhibirania, ne′phesh. Rora Ũthathaũri wa Ciugo.
^ Kana hihi, “Tigana na ũtaũku waku mwene.”
^ Kana “cia mũndũ o wothe ũrĩ na riitho rĩũru.”
^ Ũkk., “Mũkũũri.”
^ Kana “kamwana; mũndũ mwĩthĩ.”
^ Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
^ Ũkk., “Higo-inĩ ciakwa.”
^ Kana “Wĩgĩĩre na.”
^ Kana “mũrũ.”
^ Kana “arĩa magomanaga nĩguo magerie.”
^ Kana “ndinaigua ruo.”
^ Kana “Nĩ ngũmĩcaria rĩngĩ.”
