Zefania 1:1-18
1 Gĩkĩ nĩkĩo kiugo kĩa Jehova kĩrĩa gĩakinyĩire Zefania* mũrũ wa Kushi mũrũ wa Gedalia mũrũ wa Amaria mũrũ wa Hezekia matukũ-inĩ ma Josia+ mũrũ wa Amoni+ mũthamaki wa Juda:
2 “Nĩ ngaahaata biũ indo ciothe ciehere thĩinĩ wa thĩ,” ũguo nĩguo Jehova ekuuga.+
3 “Nĩ ngaahaata andũ o na nyamũ.
Nĩ ngaahaata nyoni cia rĩera-inĩ* o na thamaki cia iria-inĩ,+O na mĩhĩnga*+ hamwe na andũ arĩa aganu;Nĩ ngeeheria andũ thĩinĩ wa thĩ,” ũguo nĩguo Jehova ekuuga.
4 “Nĩ ngaatambũrũkia guoko gwakwa njũkĩrĩre JudaNa njũkĩrĩre aikari othe a Jerusalemu,Na nĩ ngaaniina matigari mothe ma Baali kũndũ gũkũ,+Niine rĩĩtwa rĩa athĩnjĩri-ngai a ngai ng’eni o na athĩnjĩri-Ngai arĩa angĩ,+
5 Hamwe na arĩa mainamagĩrĩra mbũtũ ya igũrũ marĩ nyũmba igũrũ,+Na arĩa mainamagĩrĩra Jehova na makehĩta gũkorũo marĩ ehokeku harĩ we+O makĩĩhĩtaga gũkorũo marĩ ehokeku harĩ Malikamu;+
6 Na arĩa magarũrũkaga magatiga kũrũmĩrĩra Jehova+O acio matacaragia Jehova kana magatuĩria ũhoro harĩ we.”+
7 Kira ũrĩ mbere ya Jehova Mwathani Ũrĩa Mũnene, nĩ gũkorũo mũthenya wa Jehova ũrĩ hakuhĩ.+
Jehova nĩ ahaarĩirie igongona; nĩ atheretie arĩa etĩte.
8 “Mũthenya wa igongona rĩa Jehova nĩ ngaaciirithia anene,Njirithie ariũ a mũthamaki,+ na arĩa othe mehumbaga nguo cia andũ a kũngĩ.
9 Mũthenya ũcio nĩ ngaaciirithia mũndũ o wothe ũhaicaga handũ harĩa hatũũgĩru,*Arĩa maiyũragia nyũmba ya mwathi wao ũhinya na maheeni.”
10 Jehova ekuuga ũũ, “Mũthenya ũcio,Nĩ gũgaakorũo na mũgambo wa kĩrĩro kuuma Kĩhingo-inĩ gĩa Thamaki,+Gũkorũo na kĩrĩro kuuma Gĩcigo-inĩ Kĩrĩa Kĩerũ gĩa itũũra,+Na mũrurumo mũnene kuuma tũrĩma-inĩ.
11 Rĩrai, inyuĩ aikari a Makiteshi,*Nĩ gũkorũo onjorithia* othe nĩ maniinĩtwo;*Arĩa othe mathimaga betha nĩ manangĩtwo.
12 Hĩndĩ ĩyo nĩ ngaacaria Jerusalemu biũ na matawa,Na nĩ ngaaciirithia andũ arĩa matatindanagĩra na maũndũ,* o acio moigaga ũũ ngoro-inĩ yao,‘Jehova ndageka ũndũ mwega, na ndageka ũndũ mũũru.’+
13 Ũtonga wao nĩ ũgaatahwo, nacio nyũmba ciao cianangwo.+
Nĩ magaaka nyũmba, no matigaikara thĩinĩ wacio;Na nĩ makaahanda mĩgũnda ya mĩthabibũ, no matikanyua ndibei kuumana nayo.+
14 Mũthenya ũrĩa mũnene wa Jehova ũrĩ hakuhĩ!+
Ũrĩ hakuhĩ na nĩ ũroka na ihenya mũno!+
Mũgambo wa mũthenya wa Jehova nĩ mũrũrũ.+
Kũu njamba ya ita nĩ ĩkaarĩra.+
15 Mũthenya ũcio nĩ mũthenya wa mang’ũrĩ,+Mũthenya wa mĩtangĩko na kĩeha,+Mũthenya wa kĩhuhũkanio na mwanangĩko,Mũthenya mũtumanu na wa nduma,+Mũthenya wa matu na nduma ndumanu,+
16 Mũthenya wa coro na wa mbugĩrĩrio ya mbaara,+Kwerekera matũũra marĩa marĩ na ũgitĩri na nyũmba iria ndaya na igũrũ cia kona-inĩ.+
17 Nĩ ngaatũma andũ matangĩke,Na magaathiaga ta andũ atumumu,+Tondũ nĩ Jehova mehĩirie.+
Thakame yao ĩgaaitwo thĩ o ta rũkũngũ,Na nyama ciao iteo* thĩ o ta rũrua.+
18 Betha ciao kana thahabu ciao itikaahota kũmahonokia mũthenya wa marakara ma Jehova;+Nĩ gũkorũo thĩ yothe nĩ ĩkaaniinwo nĩ mwaki wa kĩyo gĩake,+Tondũ nĩ akaaniinana, aniine aikari othe a thĩ, amaniine na njĩra nene.”+
Tũũhoro twa magũrũ-inĩ
^ Rĩĩtwa rĩu riugĩte “Jehova nĩ Ahithĩte (Aigĩte).”
^ Kana “nyoni cia igũrũ.”
^ Kwahoteka nĩ indo kana maũndũ makonainie na ũthathaiya wa mĩhianano.
^ No kũhoteke nĩ handũ harĩa hatũũgĩru ha gĩtĩ kĩa ũnene kĩa mũthamaki.
^ Ũkk., “nĩ makirĩtio.”
^ Kana “ahũũri biacara.”
^ No kũhoteke nĩ gĩcunjĩ kĩa Jerusalemu hakuhĩ na Kĩhingo gĩa Thamaki.
^ Ũkk., “arĩa manyitanaga kĩnyita-inĩ kĩao,” ta ndibei ĩrĩ mũtũngi-inĩ.
^ Ũkk., “mara mao maitwo.”