ŨTŨŨRO WA GĨKRISTIANO
Kũhunjia na Kũrutana nĩ Ũndũ wa Bata harĩ Gũtua Andũ Arũtwo
Jesu aathire arũmĩrĩri ake mathiĩ magatue andũ arutwo ake. (Mat 28:19) Ũndũ ũcio nĩ hamwe na kũhunjia na kũrutana. Rĩmwe na rĩmwe nĩ twagĩrĩirũo kwĩyũragia ũũ: ‘Ingĩagagĩria atĩa ũhoti wakwa wa kũhunjia na kũrutana?’
KŨHUNJIA
Handũ ha gweterera andũ moke kũrĩa tũrĩ, twagĩrĩirũo gwĩkĩra kĩyo gũcaria arĩa ‘magĩrĩire.’ (Mat 10:11) Hihi nĩ tũhũthagĩra mĩeke ĩrĩa yeyumĩria kwaria na arĩa maroneka rĩrĩa tũrĩ ũtungata-inĩ? (Atũ 17:17) Ludia aatuĩkire mũrutwo tondũ mũtũmwo Paulo nĩ aahunjirie na kĩyo.—Atũ 16:13-15.
“Roka kũhanda mbeũ ciaku, o na ningĩ hwaĩ-inĩ ndũkahurũkie guoko gwaku” (Koh 11:6)
MWĨROREREI VIDEO YA, HUNJIA “ŨTEGŨTIGITHĨRIA”—RĨRĨA ŨTABANGĨTE NA HUNJIA NYŨMBA KWA NYŨMBA, MŨCOKE MŨCOKIE CIŨRIA ICI:
-
Samueli onanirie atĩa atĩ nĩ eendete kũhanda mbeũ cia ũhoro wa ma o mũthenya ũtũũro-inĩ wake?
-
Twagĩrĩirũo gũkirĩrĩria nĩkĩ rĩrĩa rĩothe tũrahunjia?
-
Nũũ ũngĩhunjĩria ũhoro wa Ũthamaki rĩrĩa ũrĩ maũndũ-inĩ maku ma o mũthenya?
KŨRUTANA
Nĩguo tũtue andũ arutwo, tũtiagĩrĩirũo o kũmatigĩra mabuku tu. Nĩguo tũmateithie makũre kĩĩroho nĩ twagĩrĩirũo kũmacokera na kũmaruta Bibilia. (1Ko 3:6-9) Ĩ angĩkorũo kĩyo gitũ gĩa kũruta mũndũ ũhoro wa Ũthamaki gĩtirĩ na moimĩrĩro mega? (Mat 13:19-22) Nĩ twagĩrĩirũo gũthiĩ na mbere gũcaria arĩa marĩ na ngoro ihaana ta ‘tĩri mwega.’—Mat 13:23; Atũ 13:48.
“Ndaahandire, Apolo agĩitĩrĩria maĩ, no Ngai nĩwe wakũririe” (1Ko 3:6)
MWĨROREREI VIDEO YA, HUNJIA “ŨTEGŨTIGITHĨRIA”—ŨRĨ KŨNDŨ KWA MŨINGĨ NA ŨGĨTUA ANDŨ ARUTWO, MŨCOKE MŨCOKIE CIŨRIA ICI:
-
Nĩ na njĩra ĩrĩkũ Solomon na Mary maitĩrĩirie maĩ mbeũ cia ũhoro wa ma ngoro-inĩ cia Ezekiel na Abigail?
-
Tũbatiĩ gũkorũo na muoroto ũrĩkũ rĩrĩa rĩothe tũrĩ ũtungata-inĩ, o na rĩrĩa tũrahunjia kũndũ kwa mũingĩ?
-
Nĩ na njĩra ĩrĩkũ tũngĩkĩra kĩyo makĩria rĩrĩa tũraruta andũ arĩa angĩ ũhoro wa ma?
