Twagĩrĩirũo kũhũthagĩra mahinda na arĩa mendete Jehova nĩkĩ? Tondũ andũ arĩa tũkoragwo nao kaingĩ no makorũo na ũgucania mwega kana mũũru harĩ ithuĩ. (Thi 13:20) Kwa ngerekano, Mũthamaki Jehoashu eekaga “maũndũ marĩa magĩrĩire maitho-inĩ ma Jehova” rĩrĩa rĩothe aahũthagĩra mahinda hamwe na Jehoiada, Mũthĩnjĩri-Ngai Mũnene. (2Ma 24:2) No rĩrĩa Jehoiada aakuire, Jehoashu nĩ aatiganĩirie Jehova nĩ ũndũ wa thiritũ njũru.—2Ma 24:17-19.

Karine-inĩ ya mbere, mũtũmwo Paulo aaringithanirie kĩũngano gĩa Gĩkristiano na “nyũmba nene” nao arĩa marĩ kĩũngano-inĩ akĩmaringithania na “indo” cia nyũmba. Tũkoragwo tũrĩ “kĩndũ kĩa wĩra mũtĩĩku” rĩrĩa twethema thiritũ ya mũndũ o wothe wĩkaga maũndũ marĩa matakenagia Jehova, o na angĩkorũo nĩ wa famĩlĩ itũ kana arĩ kĩũngano-inĩ. (2Ti 2:20, 21) Nĩ ũndũ ũcio, rekei tũkagĩaga ũrata na andũ arĩa mendete Jehova na arĩa marĩtwĩkĩraga ngoro kũmũtungatĩra.

WĨRORERE VIDEO YA WĨRUTE KŨREGANA NA THIRITŨ NJŨRU, ŨCOKE ŨCOKIE CIŨRIA ICI:

• Nĩ na njĩra ta irĩkũ tũngĩingĩria thiritũ-inĩ njũru tũtekũmenya?

• Akristiano acio atatũ maahotire atĩa kũregana na thiritũ njũru?

• Nĩ motaaro marĩkũ ma Bibilia mangĩgũteithia gũthuura arata na ũũgĩ?