Nĩ twagĩrĩirũo kũrũmĩrĩra kĩonereria kĩega kĩa Isaia gĩa kwĩyendera. O na gũtuĩka ndaamenyaga maũndũ mothe, Isaia ndaarĩire marĩĩgu tondũ nĩ etĩkĩrire o na ihenya rĩrĩa aatũmirũo. (Isa 6:8) Hihi no ũcenjie maũndũ maku nĩguo ũhote kũhunjia kũndũ kũrĩa kũrĩ na bata mũnene wa ahunjia? (Thab 110:3) Nĩ ũndũ wa bata kũmenya ‘kĩrĩa ũrabatara’ rĩrĩa ũrenda kuoya ikinya ta rĩu. (Lu 14:27, 28) O na kũrĩ ũguo, nĩ wega kwĩrutĩra biũ harĩ wĩra wa kũhunjia ũhoro ũrĩa mwega. (Mat 8:20; Mar 10:28-30) O ta ũrĩa video Gũthamĩra Kũrĩa Kũrĩ na Bata Mũnene wa Ahunjia yonanĩtie, irathimo iria tũgĩaga nacio nĩ nyingĩ gũkĩra maũndũ marĩa twĩimaga.

• Nĩ maũndũ marĩkũ famĩlĩ ya Williams yeimire nĩguo mathiĩ makahunjie Ecuador?

• Nĩ maũndũ marĩkũ maambire gwĩciria matathuurĩte kũrĩa megũthiĩ kũhunjia?

• Nĩ irathimo irĩkũ maagĩire nacio?

• Nĩ kũ ũngĩona ũhoro makĩria wĩgiĩ gũtungata kũndũ kũrĩa kũrĩ na bata mũnene wa ahunjia?

• Tũngĩandandũra ũtungata witũ atĩa tũrĩ famĩlĩ? (km 8/11 4-6)

• Angĩkorũo ndũngĩhota gũtungata kũndũ kũrĩa kũrĩ na bata mũnene wa ahunjia-rĩ, nĩ na njĩra ĩrĩkũ ũngĩhota gũteithĩrĩria kĩũngano-inĩ kĩanyu? (w16.03 23-25)