Jehova ndarĩ mũthutũkanio. (Atũ 10:34, 35) Etĩkagĩra andũ “kuuma ndũrĩrĩ ciothe, na mĩhĩrĩga, na iruka, na thiomi.” (Kũg 7:9) Kwoguo, thĩinĩ wa kĩũngano gĩa Gĩkristiano gũtiagĩrĩirũo gũkorũo na mũthutũkanio kana kĩmenyano. (Jak 2:1-4) Nĩ ũndũ wa gĩthomo kĩrĩa tũrutagwo nĩ Jehova, andũ nĩ magarũrĩire ũmũndũ wao, ũndũ ũrĩa ũtũmaga tũkenere paradiso ya kĩĩroho. (Isa 11:6-9) Rĩrĩa twerutanĩria gũkũũra mĩri o yothe ya mũthutũkanio ĩrĩa ingĩkorũo ĩrĩ ngoro-inĩ citũ, tuonanagia atĩ nĩ tũrageria kwĩgerekania na Ngai.—Ef 5:1, 2.

• Nĩkĩ gĩthomo kĩrĩa tũheagwo nĩ Jehova nĩ kĩa bata gũkĩra kĩyo kĩa andũ gĩa kweheria rũmena na mũthutũkanio?

• Nĩ kĩĩ gĩgũkenagia mũno harĩ ũrũmwe witũ wa thĩ yothe?

• Jehova agoocithagio atĩa rĩrĩa twatũũria ũrũmwe witũ wa Gĩkristiano?